“МАНГО”ЧИЛАРНИНГ “ДАРВЕШ”ДАН УМИДИ КАТТА!

16 февраль санасида пойтахтимизда ёшларнинг севимли триоси “Манго” гуруҳи томонидан янги албом тақдимоти ўтказилади. Айни кунларда хоҳ кечаси, хоҳ кундузи бўлсин гуруҳ йигитларини фақатгина репитиция жараёнларидан топишингиз мумкин. Боиси, албом тақдимоти тўлиқ жонли ижрода ташкил этилади. Бу ҳақида гуруҳ продюссери маълум қилар экан, шунингдек ўша куни янги клип ҳам илк бор жонли премьера қилиниши ҳақида тўхталиб ўтди. “Дарвеш” номли албом тақдимоти юлдузли кечага айланиши кутилмоқда. Бир қатор санъатимизнинг таниқли ва машҳур вакиллари шу куни “Манго” гуруҳини муборакбод этиш учун таншриф буюришади. Албом тақдимоти тафсилотлари билан сайтимиз орқали таништириб борамиз!