«Икымше Май» – Сочиште

👆 1-7 ноябрьыште Сочиште мини-футбол дене (8*8) Российын чемпионатше эрта.
⚽ Тушто Марий Элын чапшым У Торъял гыч «Первый Май» команде арален. Командыште тыгак Козьмодемьянск гыч самырык рвезе Димитрий Малов модын. Тудын тренерже – Дмитрий Артюшкин.
Марий Элын сборныйжо 30-шо №-ан тӱшкаште Пошкырт, Алтай республик-влак, Забайкальский край гыч команде-шамыч ваштареш модын, сай результатым ончыктен.
⚽ 🏃 Икымше вашлиймаште землякна-шамыч мӱндыр Алтай кундем гыч «Спорт Индустрия» командым 2:1 счёт дене сеҥеныт.
Плей-оффышто Дмитрий Фадеевын сборныйжо «Профкам» (Набережные Челны) командылан 2:5 счёт дене модын колтен. Матчыште счетым У Торъял футболист-влак почыныт. Варажым соперник-влак виянрак, опытанрак лийыныт, капкашке эсогыл аут гыч мечым чумал пуртеныт. 50-ше минутышто «Икымше май» командын капитанже Роман Садовин голым пуртен.