Калі жыццё – служэнне літаратуры і чытачу
У горадзе Любані дом, дзе жыве Іван МУРАВЕЙКА – старэйшы дзіцячы пісьменнік Беларусі, – вам, несумненна, зможа паказаць кожны.
21 кастрычніка Іван Андрэевіч адзначыў сваё 96-годдзе. Павіншаваць ганаровага члена Саюза пісьменнікаў Рэспублікі Беларусь, выдатніка друку СССР, лаўрэата першай прэміі імя Васіля Віткі, уладальніка медаля Францыска Скарыны, трох ордэнаў Айчыннай вайны І і ІІ ступені, ордэна Чырвонай Зоркі завіталі старшыня Мінскай абласной арганізацыі Беларускага прафсаюза работнікаў адукацыі і навукі Мікалай Башко, старшыня Мінскага абласнога каардынацыйнага савета грамадскіх партый і палітычных аб’яднанняў Марыя Худая, намеснік начальніка аддзела ідэалагічнай работы, культуры і па справах моладзі райвыканкама Таццяна Аляксеева, старшыня Любанскага раённага аб’яднання прафсаюзных арганізацый Мікалай Кукраш, старшыня раённай арганізацыі прафсаюза работнікаў адукацыі і навукі Аляксандр Брагінец, дырэктар Любанскага музея народнай славы Наталля Сіняк, галоўны захавальнік фондаў музея, сакратар раённай арганізацыі КПБ Валянціна Цімафіевіч і бібліёграф раённай цэнтральнай бібліятэкі ІрынаГіль. Наведвальнікаў віноўнік ўрачыстасці сустрэў у прыўзнятым настроі. У свой дзень нараджэння ён быў асабліва жыццярадасным і з задавальненнем прымаў віншаванні. А госці, у сваю чаргу, былі шчодрыя на добрыя словы, шчырыя пажаданні, а таксама на шматлікія падарункі.
Старэйшаму ветэрану беларускай літаратуры не раз прапаноўвалі пераехаць у Мінск, але Іван Андрэевіч нязменна застаецца жыць у нашым горадзе, у сціплым драўляным доміку. «Тут на ўсё жыццё прыпісана маё сэрца», – не раз сцвярджаў ён. І сапраўды: родная зямля і землякі падказваюць новыя тэмы для твораў, цікавыя сюжэты. Маладыя пісьменнікі, якія толькі пачынаюць свой шлях, звяртаюцца па творчыя парады. Часта ў госці зазіраюць мясцовыя дзеткі: просяць распавесці пра ваенныя гады ці падпісаць кнігу.Планаў у Івана Андрэевіча яшчэ шмат. Пра тое, каб хоць крыху адпачыць ад творчасці, і гаворкі не ідзе. Спыніцца ў яго выпадку проста немагчыма: бо справа, якую робіш з задавальненнем, не стамляе і ніколі не надакучае.
Калектыў нашага выдання шчыра жадае Івану Андрэевічу моцнага здароўя, дабрабыту, здзяйснення ўсіх творчых мар, шмат новых кніг, а самае галоўнае – дайсці да абяцаных 100 і нават перасягнуць гэты рубеж.
Настасся РАЎТОВІЧ.а
_revtovich@tut.by Фота аўтара.
"Голас Любаншчыны"
http://lluban.by/sobitie/uncategorized/калі-жыццё-служэнне-літаратуры-і-чы.html
#писатели #любань #земляки #ветераны #муравейка
Комментарии 2
И бежит за годом год.
Что ж, такие уж порядки –
Нужно двигаться вперед.
Пусть прибавится здоровья,
Радость жизни бьет ключом,
Щедрым будет пусть застолье,
Все проблемы – нипочем.
В доме будет пусть достаток,
Много света и тепла.
В мыслях пусть царит порядок,
В сердце – мир и доброта!