Супрацоўнікі музея Максіма Багдановіча на працягу некалькіх дзесяцігоддзяў вядуць пошукі арыгінальных зборнікаў вершаў паэта “Вянок”, кнігі, якая ўбачыла свет у далёкім 1913 годзе, у Вільні.

І вось знаходка! Яшчэ адзін “Вянок” 1913 года! Кніга захоўваецца ў Празе, у складзе Славянскай бібліятэкі, перададзена ў бібліятэчны фонд у 1925 годзе Яўгенам Ляцкім вядомым беларускім даследчыкам, фалькларыстам, літаратуразнаўцам.
Па спасылцы – тэлевізійны сюжэт аб знаходцы, які падрыхтаваў Аляксандр Мацяс, журналіст тэлеканала АНТ, за што яму шчырыя словы ўдзячнасці.
Працягваем шукаць “Вянок” Максіма Багдановіча! Магчыма, вы ведаеце, дзе захоўваюцца каштоўныя кнігі і падкажаце супрацоўнікам музея, куды скіраваць пошукі. https://ont.by/news/v-slavyanskoj-biblioteke-v-prage-najdeno-pervoe-izdanie-vyanka-bogdanovicha