Պլյուշկա կեֆիրով

Խմորի համար`
խմորիչ - 7 գր
կաթ - 50 գր
շաքարավազ - 60 գր
ալյուր - 600 գր
աղ - 0,5 թ/գդ
կեֆիր - 200 գր
կարագ - 75 գ
ձու - 2 հատ
Վրան քսելու համար՝
ձվի դեղնուց - 2 հատ
շաքարավազ - 5 ճ/գդ
կաթ - 2 ճ/գդ
Լցոնի համար`
դարչին - 1 ճ/գդ
ընկույզ - 3 ճ/գդ
շաքարավազ - 50 գր
Պատրաստման եղանակ
Տաք կաթի մեջ ենք լցնում 1 ճ/գդ շաքարավազն ու չոր խմորիչը, թողնում ենք, որ խմորիչն ակտիվանա: Առանձին տարայի մեջ խառնում ենք կեֆիրը, աղը, ձվերը, մնացած շաքարավազն ու կարագը: Ավելացնում ենք մաղած ալյուրը, լուծված խմորիչը: Հունցում ենք խմորը, որը պետք է լինի փափուկ, առաձգական, փոքր-ինչ կպչուն:Խմորը դնում ենք խորը տարայի մեջ, ծածկում թաղանթով կամ խոնավ անձեռոցիկով, դնում տաք տեղում, որ հովանա: 40 րոպե անց խմորը խառնում ենք, թողնում բարձրանա (դրա համար կպահանջվի մոտ 1 ժ 20 րոպե): Խմորը դնում ենք սեղանին, մի թեթև հունցում ու փոքրիկ գնդիկներ ձևավորում (մոտ 14 հատ): Ծածկում ենք բուսայուղ քսած թաղանթով ու 10-15 րոպե թողնում հանգստանա:
Ամեն մի գունդը մոտ 4 մմ հաստությամբ քառակուսի գրտնակում ենք:
Քսում ենք հալեցրած կարագը:
Ցանում ենք շաքարավազ, շաքարավազի ու դարչնի կամ շաքարավազի ու կտրատած ընկույզի խառնուրդ և ռուլետի նման փաթաթում:
Երկտակում ենք եզրերը, միացնում ու թեթևակի ներս մտցնում, որպեսզի պլյուշկան սրտիկի ձև ունենա:
Սուր դանակով 2 սմ խորքից կտրում ենք այն ծայրը, որը ներս էինք մտցրել:
Շարում ենք յուղաթղթով ծածկված տապակի մեջ: Պլյուշկաները թխվելիս բավականին մեծանում են, ուստի հարկավոր է արանքներում ահագին տեղ թողնել: Պլյուշկաների վրա քսում ենք դեղնուցի, կաթի ու շաքարավազի խառնուրդը: 30 րոպե թողնում ենք տաք տեղում, որ հասունանա (վրայի շերտը չչորանալու համար պետք է տապակը ծածկել բուսայուղ քսած թաղանթով):
Թխում ենք նախապես 180 աստիճան տաքացրած ջեռոցում մոտ 25 րոպե, մինչև ոսկեգունելը:
Բարի ախորժակ:
Պլյուշկա պատրաստելու այս բաղադրատոմսը փորձված է ու շատ հաջող, ուստի ամեն ինչ ճիշտ անելու դեպքում հիանալի արդյունք կունենաք