Фильтр
Все темыдобавлена 16 апреля в 10:17
добавлена 12 апреля в 09:12
00:30
добавлена 8 апреля в 10:06
01:11
загрузка
Показать ещёЛевая колонка
27 мая (8:00-23:00) у суполцы "КОЛАСАЎСКІ ТЭАТР" УКантакце дэманструецца спектакль "Загадкавыя варыяцыі".
Спасылка - https://vk.com/video-34903888_456239096 .
Прэм’ера спектакля "ЗАГАДКАВЫЯ ВАРЫЯЦЫІ" па п’есе Эрыка-Эмануэля Шмітта адбылася ў снежня 2014 года.
П’еса «Загадкавыя варыяцыі» была напісана французскім драматургам Эрыкам-Эмануэлем Шміттам для бенефіса Алёна Дэлона. Прачытаўшы яе, Дэлон вырашыў вярнуцца на сцэну. Прэм’ера адбылася ў 1996 годзе ў тэатры “Марыньі” ў Парыжы, пад час сусветнага турнэ спектакль быў паказаны на многіх знакамітых пляцоўках – ад Лос-Анджэлеса да Токіа.
Правінцыйны журналіст Эрык Ларсэн прыязджае да лаўрэата Нобелеўскай прэміі ў вобласці літаратуры Абеля Зноркі, каб узяць інтэрв’ю. Чаму знакаміты пісьменнік, які доўгія гады жыве на востраве адзін, згаджаецца на шчырую размову для мясцовай газеткі? Чаго чакаюць адзін ад аднаго двое неверагодна розных мужчын?
Паступова скрозь востры дэтэктыўны сюжэт праяўляецца сутнасць супрацьлеглых поглядаў – на сяброўства, здраду, адданасць. І галоўнае – на каханне да Жанчыны, якое і да нашага часу з’яўляецца неразгаданай загадкай, трапяткой варыяцыяй гукаў, няўлоўнай мелодыяй. Яе немагчыма пачуць, сыграць, спець, хоць неяк наблізіць да рэальнасці… Але можна адчуць сэрцам.
Пераклад Пятра Ламана. Рэжысёр-пастаноўшчык – заслужаны дзеяч мастацтваў Рэспублікі Беларусь Валерый Анісенка. Мастак-пастаноўшчык – Валерый Юркевіч. Музычнае афармленне Аляксандра Крыштафовіча. Пластыка Дзіяны Юрчанка.
Рэжысура святла і спецэфектаў – Міхась Лавіцкі, Яўген Куляшоў.
У спектаклі занятыя артыст Генадзь Гайдук і заслужаны дзеяч мастацтваў Рэспублікі Беларусь Валерый Анісенка.
Нет комментариев