«Клоопту» соцтармактагы барактарда окуңуз:
Жазуучу Алтын Капалова «эмгек мигранттарынын өлүмү кыргыз чиновниктеринин абийиринде» деп эсептейт.
«Каза болгондор үчүн жүрөгүбүз ооруп турат. Бизге өтө оор, анткени алардын ордунда Орусияда иштеп жүргөн көптөгөн туугандарыбыз болуп калышы мүмкүн эле. Бизге өтө оор, анткени алардын өлүмү — өлкөдөгү коррупциялашкан башкаруунун жыйынтыгы экенин түшүнүп турабыз», — деп жазды ал.
https://bit.ly/3Kb8Re1
Дизайнер Нурбек Насыранбеков минкабдын төрага орун басары Эдил Байсаловдун 13 жаштагы кыздын зордукталганы тууралуу кабарга карата комментарийинен улам иллюстрация тартып, соцтармакка жүктөдү. Иллюстрациялык сүрөт коомчулукка тез арада тарап, талкуу жаратты.
Бул кылмышка төрт киши шектелип жатат, экөө милиция кызматкери.
Жогорку Кеңештин үч депутаты Укук бузуулар кодексине өзгөртүү киргизип, мугалимди кемсинткен окуучунун өзүнө жана алардын ата-энелерине айып пул салууну сунуштады. Мыйзам долбоорунун демилгечилеринин бири окуучулардын ата-энелерине айып 12 жаштан баштап салынарын айтты. Айып пул 2 миң сомду түзөт. Эгер укук бузуу кайталанса, 5000 сом өлчөмүндө айып пул же 3 суткадан 5 суткага чейинки мөөнөткө администрациялык камакка алуу чарасы көрүлөт. https://bit.ly/3z8xFzK
Минкаб төрагасы Акылбек Жапаров алтынчы чакырылыштын депутаттарынын акыркы жыйынында сөз сүйлөп, бул чакырылыштын тарыхий маанисине токтолду. «6-чакырылыш Кыргызстандын тарыхында өз миссиясын толук аткарган, тарыхый парламент болуп калат деп ишенем», —деп белгиледи Акылбек Жапаров.
Муфтияттын имаратынын алдына ажылыктын баасын арзандатууну жана КМДБдагы коррупцияны жоюуну талап кылгандар нааразычылык акциясына чыгышты. Чогулгандар ошондой эле, муфтийди тандоону таза өткөрүүнү дагы талап кылышты.
Садыр Жапаровдун басма сөз катчысы болуп Галина Байтеректин ордуна Эрбол Султанбаев дайындалды.
Президенттин басма сөз катчысы Галина Байтерек жана Сооронбай Жээнбековдун жактоочусу Асылбек Кочкоров активист Мелис Аспековдун айыптоолорун төгүндөдү. Мындан сырткары Кочкоров активистти сотко бере турганын билдирди. Буга чейин Аспековдун фейсбук баракчасынан «Садыр Жапаров президенттик шайлоого Жээнбековдордон 10 млн доллар алган» деген кат 14-майга караган түнү жарыяланган болчу. Бирок аталган пост кийинчерээк өчүрүлдү.
6-майда президент Садыр Жапаров Баткен облусунун Лейлек районунун Кулунду айылынын тургундары менен жолуккан. Жолугушуу учурунда эки жигит алдыда курула турган жол тууралуу суроо берген, бирок президент аларды «чагымчылдар» деп атаган.
Жеңиш Молдокматов эки айга камалды. Ал 6-июлга чейин №1 тергөө абагында болот. Адвокат Кантемир Турдалиевдын айтымында, Молдокматовго «имаратты басып алуу» боюнча коюлган айып «массалык башаламандык уюштурууга» өзгөртүлгөн.
Factcheck’тин журналисттери президент Садыр Жапаровдун жубайы Айгүл Жапарова «Ак-Үмүт» компаниясынын ээлеринин бири экенин аныкташты. Бул компанияны мамлекет башчысы 2021-жылга карата декларациясында көрсөтпөй койгон.
Юстиция министрлигинин маалыматына ылайык, «Ак-Үмүт» компаниясынын негиздөөчүлөрүнүн бири — президенттин жубайы Айгүл Жапарова.
Төкмө акын Болот Назаровго жылкы белек кылышты.
Депутат Мирлан Самыйкожо «Айтыш» фондунун акындары, коомдук ишмерлер жана башка Назаровдун чыгармачыл жаатындагы кесиптештери акындын башын куттуктаганын жазды.
Коомчулукту өнүктүрүү жана инвестициялоо агенттиги президенттин администрациясынын басма сөз кызматынын жетекчиси Дайырбек Орунбековдун агенттик Баткендеги социалдык объектилердин курулуш баасын кымбат көрсөткөн деген билдирүүсүнө жооп берди. АРИС Орунбековдун маалыматын туура эмес деп атады.
Тайланддын Бангкок шаарында өткөн 22 жашка чейинки спортчулардын арасындагы Азия чемпионатында кыргыз мушкерлери жети коло медаль утушту.
Мушкерлер чемпионатка жөнөп жатканда чыр чыккан. Депутат Жусупбек Коргонбай уулу Спорт департаменти спортчуларды Таиланддагы турнирге жибере албаганын айтып чыккан.
24-январда Биринчи май райондук соту Талас облусунун мурдагы губернатору Айбек Бузурманкуловдун жубайы Толгонай Солтонованы үч миң сом айыпка жыкты.
Буга чейин ошол митингге катышкан активист Өндүрүш Токтонасыровго да 3000 сом айып салынган.
Президенттин басма сөз катчысы Эрбол Султанбаев Бишкекте мурдагы №47 түзөтүү колониясынын ордуна 10 миң батирлүү кичи район куруларын билдирди.
Минкабдын маалыматына ылайык, турак-жай Германияга кайтарыллышы керек болгон карыз акчага курулат. Батирлер Мамлекеттик ипотекалык компания аркылуу берилет.
Бишкек мэриясы 24-январда шаар тургундарына «катуу суукка» жана электр энергиясын керектөө көбөйгөнүнө байланыштуу шаардагы көчө жарыктарын түнкүсүн жарым-жартылай өчүрүп турууну чечкенин билдирди.
Муниципалитеттен электр жарыгы бульварларда, парктарда, гүл бак жана веложолдордо өчүрүлөрүн кошумчалашты.
УКМКнын кызматкери Улукбек Бараканов мас болуп келип аялын сабоого шектелип жатат, ал эми милиция чара көрбөй жатат.
Жабыркаган аялдын айтымында, күйөөсү видеобайкоо жана тыңшоо аркылуу аны аңдып жүрөт, ошондуктан баласын күйөөсү алып кетип калат деп бала бакчага алып бара албай жүрөт.
Кыргызстандын медиакоомчулугу Маданият министрлигинен «Азаттык Медианын» ишин токтотуу тууралуу доо арызын чакыртып алууну талап кылды.
Билдирүүдө Маданият министрлигинин «Азаттыктын» сайтын «Анык эмес (жалган) маалыматтан коргоо жөнүндө» мыйзамына таянып бөгөттөө чечимин кабыл алганы башында эле мыйзамсыз болгону айтылат.
Мамлекеттик мүлктү башкаруу фонду MEGA уюлдук операторун компаниянын баасы жогору болуп турганда сатып салган оң деп эсептейт.
Парламенттин профилдик комитетинин 23-январдагы жыйынында депутат Таалайбек Сарыбашев эгер компанияны сатылбай калса MEGA’нын баасы түшүп кетет деген тобокелдик барбы деп сураган. Бакиров бул рыноктун талабы деп жооп берген.
Show more