ЖҮРӨКТӨГҮ САГЫНЫЧ

Өмүр тынбай албуутанып токтобой,
Өтүп жатат дайра сымал агылып.
Күндөр дагы бир бирине окшобой,
Көөдөнүмдөн бир үн улам жаңырып.
Сезим ыйлап жүрөгүмдү коштобой,
Сүйүүм менин, жүрөм сени сагынып.
Айлар дагы өтпөгөндөй узарып,
Арман күчөп, муңдуу ырлар жазылып.
Туман сымал алды жагым тунарып,
Турса дагы гүлдөр жайнап ачылып.
Бүт дартымды ээлеп алып кусалык,
Бактым менин, жүрөм сени сагынып.
Сансыз ойлор бүт эркимди бырчалап,
Сары оорудан турам азыр жанчылып,
Жалбырттаган жалынына куйкалап,
Жүрөгүмө куса оту жагылып.
Эзип санаа көңүлүмдү уйпалап,
Эркем менин, жүрөм сени сагынып.
Эх ЖАН ДҮЙНӨМ жүрөм сени сагынып.
Жазган: Жыргалбек Усенов. 26.11.2025.
00:21 Алай району, Гүлчө шаары.