ЖАН ДҮЙНӨМ

Буркурап сезимиңди сыздатпагын,
Оорутпа жүрөгүңдү кыйнап жаным.
Таптаза жан дүйнөңдү муңга бөлөп,
Капкара көздөрүңдү ыйлатпагын.
Баш ийип тагдырыңа бүгүлбөгүн,
Кайгыга, армандарга чөмүлбөгүн.
Жашоодо жалгыз сени калтырбаймын,
Нөшөрлөп жамгыр сымал төгүлбөгүн.
Ар убак сурап турам абалыңды,
Эч качан бүркөбөгүн кабагыңды.
Бир өмүр сен деп соккон жүрөгүмдө,
Билип жүр өзүң гана жашаарыңды.
Алыстык убактылуу азыр бизден,
Унутпа жаным сага бараарымды.
Жазган: Жыргалбек Усенов. 16.11.2025.
20:14 Бишкек.