АРЗУУ

Мээримдин көзүңүздөн чачып нурун,
Бир азга сулуу мага көңүл буруң,
Арзуудан курап жазган эргүү менен,
Айтайын сөздөрүмдү угуп туруң.
Чалкыган махабаттын көлүндөбүз,
Жайкалган жашыл бактын төрүндөбүз,
Жалбырттап жан дүйнөнү жылытууда,
Сезимде жанган отту өчүрбөңүз.
Шар аккан тунук суунун боюндабыз,
Тагдырдын табышмактуу жолундабыз.
Оорудан жаңы гана айыкты эле,
Суранам жүрөгүмдү оорутпаңыз.
Кейитип көңүлүмдү калтырбаңыз,
Жапжалгыз узак жолдо бастырбаңыз.
Көөдөндө толуп турат арзуум сизге,
Өкүнүч арман ырын жаздырдабаңыз.
Мен үчүн өмүрдөн да кымбат турган,
Башкага сүйүү сырын ачтырбаңыз.
Жазган: Жыргалбек Усенов. 27.10.2025.
13:49 Москва