СҮЙҮҮ ЫРЛАРЫ ЖАНА СЕН

От болуп алоолонуп күйүп денем,
Эсиме элесиңди түйүп келем.
Ырымдын ар сабына кошуп алып,
Өмүрдө сени гана сүйүп келем.
Сен барсың, кубанычтан балкып келем,
Сыр кылып жүрөгүмө катып келем.
Сүйүүнүн бар экенин билем жаным,
Сага деп арзуу ырын жазып келем.
Бүгүлүп махабаттын урматына,
Баш ийип ак сүйүүнүн мыйзамына.
Сүйүүгө арнап жазган ырымдасың,
Кошпоймун кайгы, муңдуу ырларыма.
Күн болсом жаркыраган нурумдасың,
Күү болсом сен комуздун кылындасың.
Жан адам азырынча билбей турган,
Үн катпас сезимдеги сырымдасың.
Атыңды Жан Дүйнөм деп атап жүрөм,
Түбөлүк жүрөгүмдө, ырымдасың.
Жазган: Жыргалбек Усенов. 20.10.2025
15:14 Москва.