Изге теләкләр

ШУНДЫЙ ЧАКЛАР БАР Сагынсаң да, кайтып булмый торган, Җаның тартылмаган яклар бар. Сәбәпләрен сөйләп, аңлатып та, Әйтеп булмый торган чаклар бар. Яратып да, күпме җан атып да, Ташлап ерак киткән ярлар бар. Язмыш аерганга күпме җирдә, Ялгыз парлы булган парлар бар. Җаннарыңа урын таба алмый, Аптыраган кайчак чаклар бар. Башларыңны алып качар өчен, Бу дөнья да була икэн тар. Бу тормышта үзең генә белгән, Кеше ышанмаслык хәлләр бар. Үзеңнекен үзең бел дә, яшә, Һәр кешедә синдәй серләр бар. Әлфия Юсупова.