Кем өчендер әткәй-әнкәй булса, Кем өчендер күрше,авылдаш... Бәхетеңне танып,күрә белү, Гомер ,көзләргәчә авышкач... Бу сүзләремне мин бүген Борай районы Иске тазлар авылында туып үскән һәм шушы авылда мәңге бергә булырбыз дип алтмыш ел элек кулга кул тотышып бер берсенә сүз куешкан Бәгъдәнүр Шәрифислам улы һәм аның тормыш гөле Фәния Гыйндулла кызы турында дип әйтер идем!.Чынлыкта доньяның авыр чакларына туры килгән ике яшь йөрәк,бер нәрсәдәндә курыкмый кулга кул тотышып тормыш юлын башлыйлар.Икесе дә колхозда эшләп тапканнарын тиенләп җыеп өй салып башка чыгалар,дүрт бала тәрбияләп үстереп зур юлга аяк бастыралар.Ул вакытларда аларга бәхет турында уйларга туры килдеме икән,анысын инде үзләредә бәлки хәтерләмидер?.Инде генә балалар әзерәк күзгә күренә башлау белән зур фаҗигага юлыгалар алар.Язны эссе,җилле иртәсендә күршеләрдән ут күзе күренә һәм әһ дигәнче бөтен тирә якны камап ала.көне буена сузылган янгын биш күршегә һәм колхозның йөз метрлы мал абзарына бик күп зыян сала.Хәер үзебез исән,балалар исән,ил бетмәсә мал табылыр диеп барысында яңа баштан кору кирәк була.Уттай кызу чәчү өсте,Бәгьдәнүр тракторчы,өенә дә кайтып керә алмый,бала-чага әле вак иң зур малай Радикка нибары тугыз гына яшь,төпчек кыз Фәвия кул баласы,капка төбендә көтүдән кайткан сыер,сарыклар,нишләргә,абзар юк,янган,бакча артында тубалда йомырткага утырган ике каз,аларны кая куярга?башта мең төрле сорау һәм бер җавапта юк...Балаларга нәрсә ашатыйм?... Юк,җебеп төшәргә ярамый,бары тик үзеңә таянырга һәм эшләргә,төнне көнгә,көнне төнгә ялгап эшләргә!.Менә шундый максат белән яшиләр алар бүгенге көнне дә.Күңелләре һәрчак киң,йөзләре бөтен кешегәдә ачык аларның,Аллага шөкер!Фәния Гыйндулла кызы быел җитмеш тугызын ә тормыш иптәше Бәгъдәнүрга сиксән өч!Алар авылыбызның иң күркәм абруйлы гайләседер дип әйтер идем мин,Йөзләре ачык булгач капка төбеннән машина өзелми,балалары гел кайтып хәл белеп тора,туганнары килә,мин аларны бүген бәхетле гайлә итеп күрәм,ходай тазалыкларыннан гына ташламасын!!! Дүрт балабыз икебезгә, Икебезгә дүрт канат... Яшик әле шатлыкларда, Тормышта,алга карап!-дигән сүзләр белән мин аларны алтмыш еллык юбилейлары белән барлык балалары,килен-кияүләре,онык-оныкчалары исеменнән чын күңелдән котлыйм,һәм исән-имен генә яшәүләрен теләп калам!