❤️ИшҚи ҶонСуз 💔🍃РоЗи ДиЛҳО

Шаб гузашт аз нима ёри меҳрубонам шаб ба хайр! Бурда тоқат гиряҳои беамонам, шаб ба хайр! Дур аз шамъи вуҷудат хонаам хомуш гашт, Гарчи сӯзондаст мағзи устухонам, шаб ба хайр! Дарди бисёр аст дар ҷонам, валекин ҷуз ту нест, Ҳеҷ кас огоҳ аз дарди ниҳонам, шаб ба хайр! Хобро осудагӣ хотир фароҳам мекунад, Саҳми чашмам нест ҷуз хоби парешон шаб ба хайр! Хотири осуда, яъне ёру ҳамдил доштан, Чун канорам нестӣ, беҳамзабонам, шаб ба хайр! Хонаи вайронаву махруба ҷойи хоб нест, "Хонаат обод" ман бехонумонам, шаб ба хайр! Ман, ки ҳар шаб бо хаёлат гарми суҳбат мешавам, Ҳар куҷо бошӣ бихоб, ороми ҷонам "шаб ба хайр"!

~~~~~~~~~~~~~~~🖤~~~~~~~~~~~~~~~~ 🖤 БИБОР, БОРОН, ТО МАН ҲАМ БИГИРЯМ, БАРОИ БАХТИ НОМАРДАМ БИГИРЯМ. БИГИРЯМ, ТО КАСЕ АШКАМ НАБИНАД, БАРОИ ТАҚДИРИ ПАСТАМ БИГИРЯМ. 🖤

Ҳар киро бо чашми дил дидам, маро нодида буд, Рӯй овардам ба ҳар кас, рӯ зи ман печида буд. Дар замоне, ки касе бар ҳеч кас дилсӯз нест, Он ки бар ҳоли дилам месӯхт, оби дида буд. Ҳар куҷо ошуфтасомонест, бар ҳолаш наханд, Шояд ӯ ҳам як замон бар ҳоли ман хандида буд? Оби чашмамро гумон кардӣ, ки ашки ҳасрат аст? Чашм бар роҳи касе будам, хасе афтида буд. Расми меҳмонист дастовези хуш бурдан, вале, Ҳар киро ганҷи сухан бурдам, зи ман ранҷида буд. Оташи ишқам ба дил хомӯш шуд, пирӣ, салом! Ёд бод он давраҳое, ки сарам шӯрида буд!

💧 Гиря кун, то дилат об шавад; ҳар як ғаму алам бо оби чашмони ту рафъ мегардад. 🖤 Дард чунон сахт аст, ки мехоҳад туро шикаст диҳад, аммо бигзор шикастан ба шифо табдил шавад. 🌪️ Ғамҳои ту мисли шамоли сахт меоянд, вале бигзор ҳар боре ки мегузарад, туро каме қавитар кунад. 🕯️ Вақте дилат хунук шуд, бигзор ҳар гиряат мисли шамъе равшанӣ орад ва хирагиҳоро бишӯяд.

💫____Марг танҳо чизе аст ки дар ин дунё ба таври одилона тақсим шудааст.🌸

Дилам ғам дораду аммо надонам аз барои кӣ? Ҳамеша мекунад ёде зи ишқи бевафои кӣ? Ҳама савдои ин дунё намеарзад ба дунёям, Бигӯ бар дӯши ин қалбам ҷаҳони ғуссаҳои кӣ? Аз ин тақдири баргашта ба ҷон омад дили мискин, Надонам кай қабул гардид ба ҷони ман дуои кӣ. Ману дил дар набардем, аз барои ишқи бепосух, Сазоворам ба ин ғамҳо, чу медонам хатои кӣ. Шикаста бовару умед пеши чашмҳои ман, Дигар пеши кӣ биншинам, зи баҳри мутаккои кӣ? Дар ин шаҳри баҳоройин ҳама пушти хазон пинҳон, Ба гӯшам мерасад исмам намедонам садои кӣ.

Туро нозофарину нозанин ё дил дилнавоз гӯям? Ва ё шӯхи сияҳчашми нигаҳгарму бало гӯям ? Азизи беҳтаринҳо дар миёни бебаҳоёнӣ, Намедонам туро бо ин ҳама хубӣ чиҳо гӯям ?

Дар китоби чор фасли зиндагӣ, Сафҳаҳо пушти сари ҳам мераванд. Ҳар як аз ин сафҳаҳо як лаҳзаанд, Лаҳзаҳо бо шодиву ғам мераванд. 💫 Офтобу моҳ як хат дар миён, Гоҳ пайдо гоҳ пинҳон мешаванд. Шодию ғам низ ҳар як лаҳзае, Бар сари ин суфра меҳмон мешаванд. 💫 Гоҳ авҷи хандаи мо гиря аст, Гоҳ авҷи гиряи мо ханда аст. Гиря дилро обёри мекунад Ханда яъне ин ки дилҳо зинда аст. 💫 Зиндагӣ таркиби шоди бо ғам аст, Дӯст медорам ман ин пайвандро. Гарчи мегуянд: шодӣ беҳтар аст, Дӯст дорам гиряи бо лабхандро.

Ҳикояи подшоҳ ва тухми гул, Замоне як подшоҳи одил буд. Ӯ як писар дошт ва вақте ки писараш ба балоғат расид, подшоҳ хост, ки барои ӯ ҳамсари хуб интихоб кунад. Барои ҳамин, чанд духтари ашрофзода ва зебоиро ҷамъ овард. Дар байни онҳо як духтари камбағали деҳотӣ ҳам буд. Подшоҳ ба ҳар яке аз духтарон як гулдон ва тухми гул дода, ба онҳо як ҳуҷраи алоҳида ҷудо кард ва гуфт: — Дар давоми се моҳ кӯшиш кунед, ки ин гулҳоро парвариш намуда, шукуфон кунед. Пас аз се моҳ, ҳар кӣ гули зеботар биёрад, ҳамонро ба арӯсии писарам интихоб мекунам. Муддати таъиншуда гузашт. Ҳама духтарон бо гулҳои рангоранги зебо ва шукуфон омаданд. Аммо духтари деҳотӣ гулдони холиеро овард — ягон гуле сабз нашуда буд. Подшоҳ аз ӯ пурсид: — Ту чаро гулро насабзондӣ? Духтар гуфт: — Шоҳам, аз рӯзи он тухмҳоро ба ман додед, ман тамоми кӯшишу муҳаббатамро сарф кардам, вале ҳеҷ чиз нашуд. Гул сабз нашуд. Ман хиҷолат мекашам, вале росташ ҳамин аст. Подшоҳ табассум кард ва гуфт: — Тухмҳое, ки ман ба шумо додам, ҳама пуч буданд. Яъне, имкон надоштанд ки сабзанд. Аммо ба ғайр аз ту, ҳама ба ман дурӯғ оварданд. Гулҳои онҳо аз тухмҳои ман нестанд. — Танҳо ту ростқавл ва ростгӯ будӣ, ва ман туро ба келини худ интихоб мекунам. ХУЛОСА : Ростгӯйӣ ва садоқат ҳамеша пирӯз мешавад, ҳатто агар дар аввал шикаст монанд бошад.

💔____________💫💔💫____________💔 ЧАРО, БЕ ТУ БЕМОР ҲАСТАМ, НАДОНАМ, ЧАРО, ҒАМГИРИФТОР ҲАСТАМ, НАДОНАМ. БА АҲДЕ, КИ ҲАРГИЗ НАКАРДӢ, ВАФОЕ, ЧАРО МАН ВАФОДОР ҲАСТАМ, НАДОНАМ. ТУ ЁРИ ДИГАР ДОРӢ, ШАК НЕСТ, АЗ ИН, ЧАРО МАН УМЕДВОР ҲАСТАМ, НАДОНАМ. АГАРЧӢ АЁН АСТ, Н-ОӢ КАНОРАМ, ЧАРО МАН ТАЛАБГОР ҲАСТАМУ, НАДОНАМ. ТУ ҲАР ШАБ, КИ ДАР ХОБИ НОЗӢ, ВАЛЕ МАН, ЧАРО, БЕ ТУ БЕДОР ҲАСТАМ, НАДОНАМ. АГАР ИШҚИ ТУ БУРД, АҚЛ АЗ САРИ МАН, ЧАРО, БОЗ ҲУШЁР ҲАСТАМ, НАДОНАМ. ТУ ҶОНИ МАНӢ, ГУФТА БУДАМ, КИ РАФТӢ, ЧАРО, ЗИНДА З-ИН ДОР ҲАСТАМ, НАДОНАМ. МУҲИБ, ИНҚАДАР НОЛАВУ ОҲ АЗ ЧИСТ? ЧАРО, ХАСТАВУ ЗОР ҲАСТАМ, НАДОНАМ... ✍️Ошиқи Ноком Муҳиб.