💢Паян Шупашкарти ӳнер музейĕнче Чӑваш тĕррин кунне халалланӑ уяв пулчĕ

Кӑҫалхипе тӑваттӑмĕш ҫул уявлатпӑр ӑна.
"Уявӑн историйĕ пысӑк мар пулин те пирĕншĕн питĕ хаклӑ, пĕлтерĕшлĕ вӑл. Пирĕн уяв Раҫҫейре пурӑнакан пур халӑха та пĕрлештерет. Килес ҫул 5 ҫул ҫитет. Ҫакӑ савӑнтарать кӑна мар, яваплӑх та ҫуратать", –
терĕ ЧР Пуҫлӑхĕ Олег Николаев пухӑннисене уяв ячĕпе саламланӑ май.
✅Олег Алексеевич Шупашкарта ҫитес ҫул Раҫҫейĕн тĕрленĕ карттин музейне хӑтласси ҫинчен пĕлтерчĕ. Мероприятире "Пурӑн, Чӑваш Ен эрешĕ" нацисен хушшинчи конкурс ҫĕнтерӳҫисене чысларĕҫ.
📸 Василий Кузьмин сӑн ӳкерчӗкӗсем