Իմ առաջին ու վերջին սեր

Ճակատագրիցս պոկված նվեր ես,
Դու սեր ասվածից անհամեմատ վեր ես,
Աներևույթ հյուսված հեքիաթ ես,
Աշխարհում այս խենթ, դու թաք մի հատ ես:
Աղոթքիս վերջում դու ես "ԱՄԵՆ"-ը,
Առանց քո սիրո սին է այս ամենը,
Երկնքի առջև պարտքերիս մարումն ես,
Գործածս մեղքերի անհատույց ներումն ես:
Ես ծեր բարդի եմ,դու իմ գարունն ես,
Իմ երակներում հոսող արյունն ես,
Քո սիրո բույրից ես միշտ արբած եմ,
Աշնան քամու պես՝ խելագարված եմ:
Դու երջանկության անեզերք ափն ես,
Եռացող սիրուս քաղցրահամ քափն ես,
Դու անկեղծության հաստատուն դեմքն ես,
Հոգիս պարուրող սիրատենչ երգն ես:
Դու թախծոտ աշնան հեկեկող լացն ես,
Գարնան բերկրանքով նուրբ բացված վարդն ես,
Մթամած հոգումս այրվող հույսերն ես,
Դու իմ առաջին ու վերջին սերն ես:
Աղվան Հարությունյան