Предыдущая публикация
უბრალოდ გიყვარდეს
***
გაბზარულ სარკეში ნაცნობი მიმიკა,
წარსულის დღეები შეკრული წიგნებად,
სიცოცხლე ხან-მოკლე, ნამდვილი ლირიკა
და გზები, რომელიც გიღირდა მიგნებად.
მისია, საწუთრო ძალად რომ გავალებს
და თავად სამყარო, გრძნობების კორიდა,
ზურგს უკან იტოვებ თვალ-უწვდენ ტრამალებს,
რომ მერე ცხოვრებას უყურო შორიდან.
არ სცხრება ტკივილი, გახსენებს მაშინდელს,
ოცნებობ აპრილი კვლავ ამოგიყვავდეს...
ვიდრე ხვალ სიცოცხლე სიკვდილით წაგშლიდეს,
გიყვარდეს, უბრალოდ გულიდან გიყვარდეს.
/ნანა მეფარიშვილი/
Следующая публикация
Комментарии 1