Անգլիական «Մանչեսթեր Յունայթեդի» ավագ Ուեյն Ռունին խոսել է Պոլ Պոգբայի հնարավոր վերադարձի մասին:

«Պոգբայի մասին հիշողություններս կապված են կապտուկների հետ: Նա այն ֆուտբոլիստներից է, ով մարզման ժամանակ ձեզ ցավ է պատճառում: Չեմ կարծում, որ նա դա դիտավորյալ էր անում, ուղղակի ստացվում էր: Նույնիսկ պետք չէր նրա հետ պայքարի մեջ մտնել: Բավական էր նրա կողքով անցնել ու անպայման կբախվեիր արմունկի կամ այլ սուր մասի:
Սակայն Պոգբան վարպետություն ուներ, իսկ այն ժամանակից ավելի լավն է դարձել: Հույս ունեմ, որ նա կցանկանա վերադառնալ ու ապացուցել, որ լավագույններից է:
Վստահ եմ, որ Պոլը զգում՝ նա այստեղ կիսատ գործեր ունի»,- Ռունիի խոսքը մեջբերում է Goal.com-ը: