Real Madrid

Joriy mavsum hali yakuniga yetmasidanoq "Real Madrid" klubi 153 ta rasmiy gol kiritishga erishdi. Mazkur gollar jamoaning 15 nafar futbolchisi nomiga yozildi. Etiborli jihati shundaki, "Qirollik klubi"ning besh nafar futbolchisi mavsum davomida 10 tadan ortiq gol kiritishga erishdilar. Jamoa yetakchi to'purari Krishtianu Ronaldu hisobida 50 ta gol mavjud bo'lsa, Benzema hamda Beyl hisobiga mos ravishda 24 hamda 20 ta gol yozilgan. Jamoaning eng asosiy asissentiga aylangan Di Mariya hamda Madriddagi ilk mavsumini o'tkazayotgan Isko esa oz hisoblariga 11 tadan gol yozib qo'yishga erishdilar.

spaniya professional futbol ligasi (LFP) La Liganing so'nggi 38-tur uchrashuvlarining boshlanish vaqtini e'lon qildi. Реал Мадрид - Альмерия Unga ko'ra "Real Madrid" hamda "Espanyol" klublari o'rtasidagi uchrashuv 18-may kuni Toshkent vaqti bilan 21:00 da "Santiago Bernabeo" stadionida start oladigan bo'ldi. Ushbu jamoalar o'rtasida birinchi davrada kechgan uchrashuvda "Qirollik klubi" 0:1 hisobida safarda g'alabaga erishgan edi. Qayd etish joizki, professional futbol ligasining qaroriga ko'ra oltin medallar uchun kurashayotgan "Real", "Barsa" hamda "Atletiko" klublari songgi tur uchrashuvini bir vaqtda, parallel ravishda boshlaydilar.

Portugaliyalik himoyachi Pepe ikrasimon mushaklaridan jarohat olgani haqida xabar berib o'tildi. Shifokorlarning aytishicha endi Pepeni tuzalishiga kamida 2 hafta vaqt ketadigan bo'libdi. 24-mayda bo'lib o'tadigan final o'yinigacha safga qaytishi so'roq ostida.

Ispaniyaning Marca nashri xabariga ko'ra Rafael Varan tizzasidan olgan jarohatini yana qaytalab olgan. "Valyadolid" bilan o'yin qaydnomasiga kiritilgan futbolchi so'nggi daqiqalarda o'zini yaxshi xis etmagani uchun Anchelotti tomonida qaydnomadan olib tashlangan edi. Rasmiy sayt xabariga ko'ra Varan o'ng oyog'idan jarohat olgan deya xabar berilmoqda, ammo Marca nashrining aytishicha Varan tizzasidagi jarohat sabab uchrashuvni o'tkazib yuborgan edi.