Предыдущая публикация
Илья Находкин аатынан Чараҥ култууратын киинин иһинэн үлэлиир “Манчаары” тыйаатыр устуудьуйа, салайааччы Екатерина Свинобоева Галина Борисова – Толбооно суруйбут «Уһун Уйбаан олоҥхоһут» олоҥхотун “Ураанньык аттаах Тайыыла олоҥхоһут” диэн инсценировкалаан туруорбут музыкальнай испиктээкилинэн “Бастакы хараҥаччы” – федеральнай бырайыак норуоттар икки ардыларынааҕы искусство куонкурсугар 1 истиэпэннээх лауреат аатын сүктүбүт.
Олоҥхону туруорууга тыйаатыр устуудьуйа кыттыылаахтара Чараҥнааҕы култуура киинин үлэһиттэрэ, нэһилиэк олохтоохторо, уус-уран айар эйгэ кыттыылаахтара, үөрэнээччилэр уонна улуустааҕы “Мүрү саһарҕата” хаһыат үлэһиттэрэ кыттыыны ылбыттара.
Сүрүн оруоллары: Тайыыла олоҥхоһут — Даниил Атласов, Дьиэлээх Хотун — Екатерина Захарова, Дьиэлээх Тойон — Александр Васильев, кыыстара Күннэй — Леонида Иванова, чаҕар кыыс — Алексанна Петрова, Түөкүттэр — Иван Окоемов, Василий Черкашин, Абааһы — Игнатий Слепцов уо.д.а. толордулар.
Екатерина Свинобоева : «Күндү Манчаарыларым, Бастакы Хоро нэһилиэгин оҕолоро, олохтоохторо, бииргэ үлэлиир, айар-тутар, үйэтитиигэ үлэлиир, сырдатар-тарҕатар дьонум-сэргэм! Эһигини, барыгытын бу бастакы үрдүк ситиһиибитинэн эҕэрдэлиибин! Эһиги баар буолан үлэм көрөөччүгэ тахсар, эһиги баар буолан култуурабыт киинэ үлэтэ-хамнаһа уҕараабакка биһирэнэр. Эһиэхэ сүһүөхтээх бэйэм сүгүрүйэн туран истиҥ махталбын тиэрдэбин. Өрүү бииргэ буолуохха, айыахха-тутуохха, көрөөччү ытыһын тыаһын намыраппакка истиэххэ, биһирэбилин, сэҥээриитин ыла туруохха!»
Ылдьаа Нохуоккун киинэ эһигини өрүү кэтэһэр!
Көрееччүлэр санаалара:
Светлана Михайловна: «Күндү Екатерина Прокопьевнаны уонна «Манчаары» студияҕа дьарыктанар бары артыыстары бу сүҥкэн ситиһиигитинэн истиҥник эҕэрдэлиибит! Аны даҕаны табыллыыны, тахсыыны, үрдүк ситиһиилэри баҕарабыт! Чараҥмытыгар норуот театра үөскүүрүгэр усулуобуйа баар:күүстээх режиссер, талааннаах артыыстар, өйүүр көрөөччүлэр…Онон ол баҕа санаабыт туолуохтун!»
Зинаида Ивановна: «Екатерина Прокопьевна бу улахан ситиһиигинэн итиитик — истиҥник эҕэрдэлиибин өссө да маннык ситиһиилэр кэлэ турдунар👏👏👏👍»
Антонина Романовна: «Наһаа үчүгэй сонун. Бү күрэх олох кэмигэр буолбут дии. Өрөгөйдөөх күҥҥэ сөп түбэспит. Екатерина Прокопьевна көрүүтүн олоххо киллэрэн истиҥ, түбүктээх үлэтигэр дьон-сэргэ кыттыстын, дуоһуйдун,астыннын, күллүн-үөрдүн, оонньуулары көрөн турукка киирэн, элбэҕи толкуйдаатын,ылыннын👏👏👏🎭»
Следующая публикация
Нет комментариев