Библия на алтайском

Башталганы 13 бажылык

Аврам ӱйиле кожо, бар-јок не-немезин алганча, Египет јеринеҥ Негев јаар уланган. Лот олорло кожо барган. Аврамда ол тушта мал-ажы, ар-јӧӧжӧзи, алтын-мӧҥӱни сӱрекей кӧп болгон. Ол Негевтеҥ кӧчкӱндеп, Бетел јаар уланган. Бетел ле Гайдыҥ ортозында чадыр тудуп, тагыл таккан баштапкы јерине келген. Ондо ол Кайраканныҥ адын адап, Ого баштанган.
Аврамла кожо кӧчкӱндеп јӱрген Лотто оок то, јоон до мал, чадырлар да база болгон. Олор экӱниҥ мал-ажы сӱрекей кӧп болгонынаҥ улам, ол јерде одор јетпей баран. Ар-јӧӧжӧзи сӱрекей кӧп болгонынаҥ улам јер тапчы болӧрӧн. Оноҥ улам Аврам ла Лоттыҥ кӱдӱчилери ортодо чугаан башталган. Ол ӧйдӧ ондо Хананей уктулар ла Перизей уктулар јаткан бо