Саха сирин үөрэнээччилэрэ бэс ыйын 5 күнүгэр «Спортивные Якутяне» спартакиада түмүктүүр чааһыгар көрсүөхтэрэ.

Таатта улууһуттан 74 кыттааччы киһилээх делегация үтүө түмүктэри көрдөрөр, ситиһэр иһин айаннаары бэлэм сылдьаллар.
Бүгүн бэс ыйын 4 чыыһылатыгар И. Г. Федосеев аатынан ДЮСШ-гар Таатта улууһун сүүмэрдэммит хамаандатын үөрүүлээх быһыыга-майгыга атаарыы буолла. Хас биирдии кыттааччыга анал спортивнай форма туттарылынна.
Ол курдук, Таатта улууһун эдэр спортсменнарын финалга 10 көрүҥ күүтэр: баскетбол, чэпчэки атлетика, бокс, буулдьанан ытыы, көҥүл тустуу, саахымат, остуол тенниһэ, бадминтон, ГТО, спортивнай ориентирование.
Бэлиэтээн эттэххэ, Саха сирин 20 хамаандата ГТО түһүмэхтэригэр номнуо, бэс ыйын 1-3 күннэригэр бастыҥнары быһаардылар. Таатта улууһун оҕолоро бэйэлэрин группаларыгар 2 миэстэҕэ таҕыстылар. Оҕолорго ситииһэлэри баҕарыаххайыҥ!