ШоМи🇹🇯ҒаРиБоН🇷🇺

ДАРДИ ҒАРИБӢ....

******
Хуршед нишасту боз як рӯзам рафт,
Дар шаҳри ғарибӣ диву имрӯзам рафт.
Дардо,ки баҳори навҷавонӣ бигузашт
Дар ғурбату, навбаҳору, наврузам рафт.

ОЧА....

*****
Эй, очаи ҷон, ягон-ягон ёдам кун,
Хокистари кӯи ту шудам, бодам кун.
Хокистари кӯи ту шудам, боди фано,
Аз мулки ғарибӣ гиру, озодам кун.

ИДИ ҚУРБОН МУБОРАК, ДӮСТОН!

_____________
Барои кулли мардуми мусалмон.
Барои хастагони зору сарсон.
Барои модарону Модари ҷон
Муборак бод гӯям, Иди Қурбон.

ЧӢ ҲОЛ ДОРӢ?....

*****
ЭЙ, ҶОНУ ҶИГАР, ЧӢ ҲОЛ ДОРӢ?
ФАРЗАНДИ ПАДАР, ЧӢ ҲОЛ ДОРӢ?
ДУР АЗ НАФАСИ АЗИЗИ МОДАР,
АЗ ХОНА БА ДАР, ЧӢ ҲОЛ ДОРӢ?
ҚИСМАТ БА МУСОФИРӢ ФИКАНДАТ,
УМРЕ БА САФАР, ЧӢ ҲОЛ ДОРӢ?

ПАЗМОНИ ВАТАН....

*****
Пазмони Ватан шуда, дили ман имрӯз,
Холист зи банда манзили ман имрӯз.
Баргаштану омадан бароям мушкил,
Фарёду фиғон зи мушкили ман имрӯз.

ХУМОРИ ВАТАН....

*****
Маро дил мешавад, ҳардам хуморӣ,
Биёям, андар оғӯши баҳорат.
Биёям, бӯсаборон боз созам,
Ҳамон хоки азизи зарнисорат.
Ватан, ҳардам дилам гум мезанад, гум,
Ба ёди теппаҳову кӯҳсорат.
Аҷаб буд, давраҳои кӯдакиам.,
Чунон хушбахт будам, дар канорат.
Дили садпораи ман дар ғами ту,
Шуда афгор надорад, ҳеҷ ҷасорат.
Бароям эй, Ватан, ин ҳам кофист,
Ба чашми дил туро дорам, назорат.
Куҷое, Иззати зори ту бошад,
Зи ҳарсц оядаш, аз ту башорат.
Иззати Хатлони.
19.04.2025.

ВО ҒАРИБ....

*****
Дил муқимӣ кӯи ҷонон асту мо ин ҷо ғариб,
Чун кунад бечораи мискинтани танҳо ғариб.
Орзӯманди диёри хешаму ёрони хеш,
Дар ҷаҳон, то чанд гардам,бе сару бе по ғариб?!
Чун ту дар ғурбат наяфтодӣ, чӣ донӣ ҳоли мо,
Меҳнати ғурбат надонад, ҳеч кас, Илло, ғариб.
Ҳаргиз аз роҳи карам рӯзе напурсидӣ, ки чист,
Ҳоли зори мустамандӣ монда дур аз мо ғариб.
Чун дар ин даврон намеафтад касе бар ҳоли мо,
Дар чунин шаҳре, ки мебинӣ ки афтад бо ғариб?
Дар ғарибӣ ҷон ба сахтӣ медиҳад мискин Камол,
Во ғарибо, во ғарибо, во ғарибо
во ғарибо.
Камоли_Хуҷандӣ.