Предыдущая публикация
Улуу Кыайыы 79 өрөгөйдөөх сылын көрсө, 2024 сыл ыам ыйын 9 күнүгэр Сүлэ нэһилиэгэр араас өҥнөөх шариктардаах, георгиевскай лиэнтэ түөскэ иилинэн нэһилиэкпит тэрилтэлэрэ бары мустаммыт парадтаан "Кыайыы түһүлгэтэ" мемориалга кэллибит.
Сулэ орто оскуолатын үрдүкү кылаас үөрэнээччилэрэ
өйдөбүнньүк гирлянда уурдулар. Аҕа дойду сэриитин хонуутугар хорсуннук охтубуттары, Ийэ дойдубут, Кыайыы иһин тыылга бэйэлэрин харыстаабакка үлэлээбит үтүөкэн дьоммутун кэриэстээн
чуумпуруу буолла.
Хас биирдии дьиэ кэргэни таарыйбыт ыар кэми, элбэх сүтүктээх сэриини бу күн оҕотуттан эмэнигэр тиийэ бары хаһан да умнубаппытын көрдөрөр өйдөбүнньүк күнүн арыйдыбыт. Нэһилиэк
баһылыга Д.Ю.Иванов мустубут дьону, оҕолору долгуйан туран Кыайыы күнүн үөрүүлээх бырааьынньыгынан эҕэрдэлээтэ, тыыл ветераныгар, сэрии оҕолоругар махтал тылын эттэ.
Улууспут кииниттэн, күөх Ньурбаттан ырыа кэһиилээх култуураҕа туйгун дьоммут тэрээһиҥҥэ күндү ыалдьыт буоллулар: Илья Николаевич Николаев - СӨ үтүөлээх артыыһа, СӨ култууратын туйгуна, "Түмүк" нэһилиэгин бочуоттаах олохтооҕо;
Дора Илларионовна Бурнашева - СӨ култууратын туйгуна, "ЭН СУЛУСКУН" бырайыак көрөөччү биһирэбилин кыайыылааҕа, Ньурба оройуонун оһуохай түмсүүтүн бэрэссэдээтэлэ, "Надежда Якутии" бэлиэ хаһаайката;
Айсаара Алексеевна - оройуон култуураҕа департаменын ИМО испэсэлииһэ.
Биһиги ыалдьыттарбыт истиҥ эҕэрдэ ырыа ыллаатылар. Орто оскуола учууталлара, үөрэнээччилэрэ, оҕо уһуйаанын иитиллээччилэрэ эҕэрдэ нуемэрдэрин Кыайыы күнүгэр анаатылар. "Кубалар" үҥкүү дьикти кэрэ көстүүнү бэлэхтээтэ.
Т. Н. Степанова повардаах минньигэс тотоойу аһылыгынан, итии чэйинэн кэлбит дьону кундулээтэ. Тэрээһин оһуокай түһүлгэтинэн түмүктэннэ.
Айар, хоһуйар уран тыллаах Люция Даниловна Никифорова түһүлгэҕэ дьону хаамтарда. Оҕолорго эстафета күрэҕэ ыытылынна.
Бары кыттыыны ылбыт оскуола, детсад, биирдиилээн көхтөөх кыттааччыларбытыгар Махтал бастыҥын аныыбыт.
Нэһилиэк пресс-киинэ.
Следующая публикация
Нет комментариев