≈КЎНГИЛ РИШТАЛАРИ≈

* * * Гоҳ ёмғирдек ёғдинг юракка, Гоҳ қуёшдек чиқдинг фалакка. Айтгин, яна не қийноғинг бор, Фироғингда жони ҳалакка?! Ўзинг келдинг тинчимни бузиб. Энди кўзим ёшида сузиб, Кетаяпсан жонимни узиб, Яна қанча озоринг бор, ёр?! Кечмоқликка қўймадинг имкон, Қуриб олдинг кўнглимдан макон, Энди юрак-бағрим этиб қон, Яна қанча озоринг бор, ёр?! Суйдургунча қилдинг кўп чора, Шу иш билан бўлдинг оввора, Энди бағру-дилим сатпора, Яна қанча озоринг бор, ёр?! Гоҳ оёғим узасан ердан, Гоҳ муз бўлиб оласан бирдан, Қўрқмайсанми дил оғришидан, Яна қанча озоринг бор, ёр?! Мен аслингни билолмай толдим, Бор гуноҳни зиммамга олдим, Шунча ширин қийноққа қолдим, Яна қанча озоринг бор, ёр?! Ўтинчимдан

* * * Кечир сени энди ёниб севолмайман, Қоядек тик ғуруримни букиб  бўлдим. Бундан ортиқ ситамларга чидолмайман, Туйғуларим пойларинга тўкиб бўлдим! Кечир! Сени энди ёниб севолмайман, Севади деб эртакларим тўқиб бўлдим! Эринмасдан юрагингни варақладим, Кичиккина китоб экан ўқиб бўлдим! Кечир! Сени энди ёниб севолмайман! Аччиқ-аччиқ бода тутдинг, ичиб бўлдим! "МАЛИКАМ" деб пешонамга таққан тожинг, Соҳта экан, уни секин ечиб бўлдим! Кечир! Сени энди ёниб севолмайман! Бемеҳрлик дарё бўлди, кечиб бўлдим. Ситам бердинг, озор бердинг, хижрон бердинг, Сени эмас, мен уларни қучиб бўлдим! Қанот берди ёлғон ҳислар бир лаҳзага, Оёқ узиб самоларга учиб бўлдим. Кейин кеса ўша баланд рўёлардан, Авв