Ихсан Медиа

Жашооңдо үй-бүлөөлүк мамилер жакшырып баштаганда – акчанын тартыштыгына байланыштуу сыноо келет. Каражат жактан баары ордуна келгенде – үй-бүлөөдө сыноолор пайда болот. Үй-бүлөөң сен каалагандай болгондо – жумушта көйгөйлөр башталат. Качан үй-бүлөөңдө да, жумушуңда да баары жакшы болгондо – сени ден-соолугуң сыноого салат. «Биз инсанды машакатка жараттык» [сура Ал-Балад, 90:4]. Аллахка шүгүр! Бул жалган дүйнөнүн реалдуулугу ушундай, сен бул дүйнөдөн кемелдүүлүктү издебе.

Ибн Аббас (Аллах ал экөөнөн ыраазы болсун) кабарлайт: “Үч адамга периштелер жолобойт: жунуб абалындагы адамга* (гусул алмайын), мас адамга жана шафран себинген адамга”. Бул хадис ал-Баззардын жыйнагында келет, хадис сахих: Сахих ат-таргыб», хадис № 174. Дагы башка риваятта: “...жана каапырдын жансыз денесине” деген кошумча менен келет: «ал-Мажма» ал-Хейсама, 5/156. *Кээ бир аалымдар жалкоолук жана кенебестик менен гусул алууну кечиктирүүнү адат кылып алган адам тууралуу дешкен. Башка аалымдар тобу бул хадисте гусул алууну үзүрсүз созгондор дешкен: «Сахих Аби Дауд», 223.