Коласаўскі тэатр

Шаноўныя гледачы! 17 ліпеня (чацвер), 19:00, па прычыне хваробы выканаўцы адной з цэнтральных роляў, замест аб'яўленага раней спектакля «Гамлет», па прычыне хваробы выканаўцы адной з цэнтральных роляў, адбудзецца паказ камедыі «ФАНЦІКІ» па п'есе Рэя Куні «Смешныя грошы». Усе квіткі - сапраўдныя. Адміністрацыя тэатра прыносіць прабачэнні за створаныя нязручнасці. Па ўсіх пытаннях можна звяртацца да адміністратараў (тэлефоны 62-63-84, 62-63-96) або ў касу тэатра (тэлефон 62-63-81).

Шаноўныя гледачы! 18 ліпеня (пятніца), 19:00, па прычыне хваробы артыста,

Шаноўныя гледачы! 18 ліпеня (пятніца), 19:00, па прычыне хваробы артыста, замест аб'яўленага раней музычна-паэтычнага вечара «Музыкальный вернисаж», адбудзецца паказ метафізічнага трылера «Я ВОЛЬНЫ!» паводе рамана Амелі Натомб «Касметыка ворага». Усе квіткі - сапраўдныя. Адміністрацыя тэатра прыносіць прабачэнні за створаныя нязручнасці. Па ўсіх пытаннях можна звяртацца да адміністратараў (тэлефоны 62-63-84, 62-63-96) або ў касу тэатра (тэлефон 62-63-81).

Шаноўныя гледачы! 17 ліпеня (чацвер), 19:00, замест аб'яўленага раней спектакля «Гамлет», адбудзецца паказ камедыі «ФАНЦІКІ» па п'есе Рэя Куні «Смешныя грошы». Усе квіткі - сапраўдныя. Адміністрацыя тэатра прыносіць прабачэнні за створаныя нязручнасці. Па ўсіх пытаннях можна звяртацца да адміністратараў (тэлефоны 62-63-84, 62-63-96) або ў касу тэатра (тэлефон 62-63-81).

12, 13, 14 ліпеня на адкрытай пляцоўцы каля Дома-музея Марка Шагала ў Віцебску адбыліся паказы адноўленага спектакля " Шагал... Шагал..." па п'есе У.Драздова. Перад кожным са спектакляў літаратурны рэдактар тэатра Юрый Іваноўскі выступіў з расповядам пра жыццёвы шлях знакамітага мастака і гісторыю самога спектакля.

14 ліпеня на камернай сцэне Нацыянальнага акадэмічнага драматычнага тэатра імя Якуба Коласа адбыўся адкрыты паказ для гледачоў вынікаў тэатральнай лабараторыі. Яна ўжо чацвёрты раз праходзіла ў межах Міжнароднага фестывалю мастацтваў «Славянскі базар у Віцебску». Кіраваў паказам педагог майстра-класа па акцёрскім майстэрстве, прафесар Расійскага інстытута тэатральнага мастацтва (ГИТИС), кандыдат мастатцвазнаўства Аляксандр Бармак. На працягу фестывальнага тыдня маладыя артысты Коласаўскакга тэатра (Аляксандр Пачкаеў, Мікалай Чарных, Надзея Радзімава і Вераніка Траяноўская) разам са студэнтамі Беларускай дзяржаўнай акадэміі мастацтваў, Беларускага дзяржаўнага ўніверсітэта культуры і мастацтваў, Віцебскага, Гродзенскага і Магілёўскага каледжаў культуры і мастацтваў разбіралі вядомую п’есу класіка рускай савецкай драматургіі Аляксандра Вампілава «Паляванне на качак». Можна зазначыць, што гэты твор – лепшы ў спадчыне гэтага аўтара – даўно ўжо ўпісаны ў шэраг класічай драматургіі. На пачатку апошняга ўрока лабараторыі Аляксандр Аляксандравіч закладаў, так бы мовіць, тэарэтычны фундамент: удакладняў падзейны рад п’есы, задачы дзейных асоб, лініі паводзін герояў. Пасля гэтага ўдзельнікі лабараторыі выканалі на эцюднай аснове два ўрыўкі са знакамітай п’есы («Наваселле» і «У рэстаране», дзе жонка Зілава Галіна запэўніваецца ў здрадзе мужа), прычым другі ўрывак гледачы паглядзелі ў двух складах. Рэжысёр-педагог Аляксандр Бармак не абмяжоўваў артыстаў, таму яны даволі актыўна імправізавалі, агэтая здольнасць з’яўляецца вельмі важным складнікам акцёрскага майстэрства. Напрыканцы лабараторыі каардынатар праекта «Адукацыйныя лабараторыі» на «Славянскім базары ў Віцебску» Алена Лаўрэнава ўручыла падзячныя лісты ад дырэкцыі фестываля педагогам і ўдзельнікам лабараторыі.

Віншуем з днём нараджэння заслужанага артыста Рэспублікі Беларусь, вядучага майстра сцэны Ламана Пятра Аляксандравіча! Пётр Аляксандравіч Ламан працуе ў тэатры імя Якуба Коласа з 2 ліпеня 1971 года пасля заканчэння акцёрскага аддзялення Беларускага дзяржаўнага тэатральна-мастацкага інстытута (курс Уладзіміра Маланкіна). Стварыў больш за сто самых разнастайных сцэнічных вобразаў, сярод роляў, сыграных у апошнія сезоны, вылучаюцца: Сіма, муж Сойкі («Доктар філасофіі» Б.Нушыча), Венклер («Скрыпкі часам вядуць да вар’яцтва» Ф.Саган), Піліп Цюрын («Яшчэ раз пра каханне» паводле апавяданняў В.Шукшына), Ваўкалак («Ваўкалак» паводле Я. Баршчэўскага), Арнольд Груніён («Каханне і падаткі» У. Ван Зандта і Дж. Мілмар), Аляксандр Васільевіч, Першы («Метро» А.Савухі), Кароль («Папялушка» Т.Габэ паводле Ш.Пэро), Уэлер Марцін («Гульня ў джын» Дональда Лі Коўбэрна), Глоў Міхаіл Аляксандравіч ("Вытанчаны падман" па п'есе М.Гогаля "Гульцы"), Тата ("Дванаццаць месяцаў" А.Замкоўскага паводле С.Маршака),Курбатаў («Выбар» А.Дударава), Рымас («Саня, Ваня, з імі Рымас» У.Гуркіна), Беральд («Нібыта хворы» Ж.-Б.Мальера). Спадар дэ Бонфуа («Нібыта хворы» Ж.-Б.Мальера), Рэктар («Нібыта хворы» Ж.-Б.Мальера), Карла («Залаты ключык» А.Талстога). Першы магільшчык («Гамлет» У.Шэкспіра). Пётра Качан, стараста вёскі Лясіны («Сотнікаў» В.Быкава паводле аднайменнай аповесці). Галоўны паляўнічы («Беласнежка і сем гномаў» паводле казкі братоў Грым «Беласнежка»), Гжэгаж («Дамы і гусары» А.Фрэдры). Апрача плённай акцёрскай працы, з’яўляецца вядомым паэтам і перакладчыкам. Узнагароджаны медалём Францыска Скарыны. Жадаем Пятру Аляксандравічу моцнага здароўя, творчага імпэту, натхнення, новых яскравых роляў!

Чытайце водгукі на прэм'еру спектакля «Кара-ціці-кара» («Удовін параход») па п'есе І.Грэкавай, П.Лунгіна. Наступныя паказы драмы-асэнсавання адбудуцца ўвосень, 16 і 28 верасня. Квіткі - у касе тэатра. Тэлефон (+375 212) 62-63-81.

15 і 16 ліпеня расійскія артысты пакажуць на сцэне Коласаўскага тэатра камедыю «ТЕЛОХРАНИТЕЛЬНИЦА» па п'есе Ірыны Ермаковай. Узроставае абмежаванне – 16+. Спектакль ідзе на рускай мове. Любіце эксцэнтрычныя гісторыі, інтрыгі і нечаканыя паводзіны герояў - запрашаем на камедыю! У спектаклі занятыя Усевалад Макараў, Алёна Каломіна, Міхаіл Дарожкін, Каця Бэкер, Вера Буянава. Квіткі – у касе тэатра. Тэлефон 62-63-81.

Пад час Міжнароднага фестывалю мастацтваў «Славянскі базар у Віцебску», на тэрыторыі Дома-музея Марка Шагала, адбудуцца ўнікальныя начныя і вячэрнія паказы спектакля «Шагал... Шагал...» па п'есе Уладзіміра Драздова «Прамы вагон да Парыжа з усімі перасадкамі». Чакаем гледачоў 12 ліпеня (18:00, 21:00), 13 ліпеня (18:00, 21:00) і 14 ліпеня (21:00). З начной цемры, як з мінулага, выйдзе таемны Мастак і будзе расказваць, паказваць гісторыю свайго жыцця, тыя вобразы, якія назаўсёды засталіся ў яго творах, той горад, якому належыць душа Марка Шагала... Як будуць складацца ў сузор’е успамінаў, агеньчыкі, што свецяцца з вокнаў віцебскіх домікаў, сінагог, крамаў... Як паляцяць над Віцебскам шчымлівыя словы: «Горад мой, мяне не забыў ты яшчэ! Рака твая ў целе маім цячэ...» Эцюды памяці пра сусветна вядомага віцебскага мастака паставіў заслужаны дзеяч мастацтваў Рэспублікі Беларусь Віталь Баркоўскі. Сцэнаграфія Уладзіміра Матросава. Касцюмы Святланы Макаранкі. Музыка і музычнае афармленне Аляксандра Крыштафовіча. Балетмайстар Павел Гарбуноў. Спектакль быў паказаны на многіх гастролях і прэстыжных фестывалях у Італіі, Францыі, Польшчы, Германіі, Малдове, Расіі, Літве. У 2000 годзе адзначаны галоўным прызам Эдынбургскага фестывалю (Вялікабрытанія). У ролі Марка Шагала - Генадзь Гайдук, уладальнік медаля Францыска Скарыны. Квіткі – у касе тэатра. Тэлефон (+375 212) 62-63-81. Рэжым працы касы: аўторак-пятніца - з 12:30 да 19:30, субота-нядзеля - з 12:30 да 18:30. Выходны - панядзелак.