Динда саволим бор

Нега ибодатда ҳаловат йўқолади? Ибн ал-Қоййим раҳимаҳуллоҳ айтадилар: «فكما لا يجد الجسم لذة الطعام عند المرض، كذلك القلب لا يجد حلاوة العبادة مع الذنوب.» «Касал тана овқатнинг лаззатини ҳис қилмаганидек, гуноҳлар билан оғирлашган қалб ҳам ибодатнинг ҳаловатини ҳис қилмайди.» Кўпчилик ибодатда ҳаловат йўқолса, вақтни ёки шароитни айблайди, Қуръон ўқиса уйқуси келишидан нолийди, таҳаажжудга тура олмаётганидан шикоят қилади. Салафлар эса аввал гуноҳларини текширганлар. Ҳасан ал-Басрий раҳимаҳуллоҳга: — Мен таҳажжудга туролмаяпман, — дейилганда, у киши: «Сени гуноҳларинг боғлаб қўйган», дедилар. Муаммо Қуръонда эмас. Муаммо намозда ҳам эмас. Муаммо — уни қабул қиладиган қалбдадир. Қалб гуноҳ билан касалланса, ибодатнинг лаззатини йўқотади. 🔵@oxirathovlisi111

Аллоҳни яхши кўрасизми? قُلْ إِن كُنتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ وَيَغْفِرْ لَكُمْ ذُنُوبَكُمْ وَاللَّهُ غَفُورٌ رَّحِيمٌ Айт: «Агар Аллоҳни севсангиз, бас, менга эргашинг, Аллоҳ сизни севадир ва сизларнинг гуноҳларингизни мағфират қиладир». Аллоҳ ўта мағфиратлидир, ўта раҳмлидир. (Оли Имрон сураси, 31-оят) 🚀 Telegram 📷Instagram

❗️Психология ва Исломнинг фарқи ❌Психология капиталистик дунё қараш, ишонч ва эътиқодларни устига қурилган. Психологияни марказида “мен” яъни нафс туради. ✅Исломни марказида эса Аллоҳ туради. ❌Психологияда инсондаги касалликларнинг сабаблари ёшликдаги травмалар, стресслар деб айтилади. ✅Исломда касалликларнинг сабаблари нафс, гуноҳлар ва қалб касалликлари дейилади. ❌Психологиянинг мақсади инсонни даволаб истеъмолчи жамиятга қайтариш, иблис ва нафсига қул бўлишда инсонга ёрдамчи бўлишдир. ✅Тазкияни мақсади инсонни поклаб нафс қуллигидан чиқариш ва Аллоҳга суюкли банда қилиш. ❌ Психология нафси амморага ёқадиган гапларни гапиради ва уни озиқлантиради. Нафсдаги кибр, риё, ужуб каби касалликларни қувватлаб янада кучайтиради. ✅Исломдаги Тазкия эса нафси амморани назорат қилади, ҳисоб-китоб қилади, жазолайди. Ва касалликлар тузалиши учун зидди билан муомила қилади (даволайди) ❌Психология сен энг ҳақсан, сен энг яхшисан дейди. ✅Ислом эса “нафсинга қул бўлсанг ҳайвондан баттарсан” дейди. ❌Психология шахсий чегара қўяди. ✅Ислом эса амри маъруф ва наҳий мункарга буюради . ❌Психология ўзинг истагандек яша бахтли бўласан дейди. ✅Ислом Аллоҳ ва Росули буюргандек яша нажот топасан дейди. ❌Психология ўзингни айблама синасан деб ўргатади. ✅Ислом энг улуғ маърифат бу инсон ўзини айбларини билиши де йди. ❌Психология ўзингни қадрлагин шунда қадрланасан дейди. ✅Ислом тақволи бўл мукаррам бўласан дейд и . ❌Психология ўзингни баланд бахолагин (самоотсенканг) баланд бўлсин д эйди. ✅Ислом Аллоҳ мутакаббирларни ва фахрланувчиларни севмайди дейди. ❌Психология қулай одам бўлмагин дейди. ✅Ислом энг яхшиларингиз энг ахлоқи гўзал бўлганларингиздир дейди. *Осон юмшоқ бандага жаҳаннам ҳаром дейилган. Хулоса психология “мен” ни асра, уни кўтар, рози қил, шахсий чегарангни сақла дейди. Ислом нафсингни синдиргин Аллоҳни рози қилгин дейди. ❗️Айтинг ҳақ келди ва ботил йўқолди. Зеро ботил йўқолгувчидир! Устоз Яҳё 🔵@oxirathovlisi111

❗️ Гуноҳ учун бериладиган жазоларнинг энг қўрқинчлиси— яширин жазодир. Масалан, намоздаги хушунинг йўқлиги, вақтни тақсимлай олмаслик, Қуръоннинг устидан тафаккур қилолмаслик, ҳаттоки тунги намозларда ҳам Аллоҳ билан ўртада тўсиқ бўлиши. Бундай инсонларга бошқа инсоннинг ўлим хабари, насиҳат ва маъвизалар таъсир қилмайди. У Қуръон оятларини эшитади, лекин маъносини тушунмайди, оятлар унинг қалбига кирмайди. Намозларини қазо қилиши, яхшиликдан қочиши, эҳсон ва садақаларга енгил қараши. Кимнингдир ғийбати билан банд бўлиши, ҳасад қилиши, зулм етказиши... Буларнинг барчаси аслида Аллоҳнинг бандасига берган яширин жазоларидир! Бандасини Ўзидан, Ўзининг зикридан узиб қўйиши. Нақадар ҳам қўрқинчли... Гуноҳлар инсонни шу ҳолга келтиради. Аввал қийналади, кейин кўникади, кейин одатга киради ва ниҳоят гуноҳ инсонга енгил бўлиб қолади. Роббим паноҳ берсин! 🚀 @Globaltahliluz

#kun_mavzusi Намозга эътибор Ким намозни кечиктиришга одатланган бўлса, ҳаётидаги барча ишларини ортга суришга тайёргарлик кўраверсин: уйланиш, иш, зурриёт, офият… Зотан, Аллоҳ уни барча нарсада ортга суриб қўяди. Ҳасан Басрий айтдилар: «Агар сенга намозинг арзимас нарсага айланган бўлса, унда сен учун нима қадрли бўла олади?! Намозинг қанчалик тўғри бўлса, ҳаётинг ҳам шунчалик тўғри бўлади. Ахир билмайсанми, намоз “нажот”га яқин туради?! “Ҳайя ʼалас-солаҳ! Ҳайя ʼалал-фалаҳ!” (Намозга келинглар! Нажотга келинглар!) Қандай қилиб Аллоҳдан, У Зотнинг чақириғига жавоб қилмай туриб, муваффақият сўрайсан?! Аллоҳим! Бизларни намозни ўз вақтида адо этадиганлардан қилгин!» 🚀 @Globaltahliluz

🌙РЎЗАНИНГ ҲИКМАТИ ВА ШАВВОЛНИНГ ФАЗИЛАТИ «Рўза нафс хоҳишларига қарши чиқиш учун шариатга киритилди. Чунки нафс инсонни қорин ва жинсий шаҳватларга чорлайди. Рўза эса: 1 Нафсни синдириш; 2 Ақл кўзгусини поклаш; 3 Фаришталар сифати билан сифатланиш; 4 Бандага оч қолганларнинг ҳолини эслатиб, меҳр-шафқат уйғотиш учундир». («Ад-Дуррус-самин», 724) ⭐Рамазон тугагани билан нафс тарбияси тўхтаб қолмайди. Юқоридаги ҳикматларни ҳаётимизда мустаҳкамлаш учун Шаввол ойининг 6 кунлик рўзасини тутиш айни муддаодир. 💡Нега Шаввол рўзасини тутишимиз керак❓ 1️⃣. Бир йиллик ажр: Рамазон рўзасидан кейин Шавволдан 6 кун тутиш — бир йил давомида рўза тутганлик савобини беради. 2️⃣ Нафс устидан ғалаба: Рамазондаги "фаришталар сифати"ни йил бўйи сақлаб қолиш учун руҳий қувват бўлади. 3️⃣ Шукрона: Рамазон рўзаси қабул бўлганининг аломати — ундан кейин ҳам яхши амалларда (нафл рўзаларда) бардавом бўлишдир. Аллоҳим, нафсимизни Сен рози бўладиган амалларга бўйинсундириб қўй ва Шаввол рўзаларини тутишга тавфиқ бер. 🔵@oxirathovlisi111

ЭРТАГА ҚИЛАМАН. Ажал яқинлашмоқда... – Ишларни охири кўринмаяпти. – Нафс кейинга суришдан, кечиктиришдан тўхтамаяпти. – Эртага тавба қиламан..... – Эртадан намозни ўз вақтида адо этишни бошлайман... – Эртадан суннат (нафл) намозларни ўқишни бошлайман. – Эртадан Қуръондан вирдим, вазифамни давом эттираман. – Эртага....эртага.... Сўнгра эса... тўсатдан ўлим соати, ажал келиб қолади ва унга: "То қачон улардан бирига ўлим келганида: "Парвардигор, мени (яна ҳаётга) қайтаринглар. Шояд, мен қолган умримда яхши амал қилсам", деб қолур. Йўқ, (у асло ҳаётга қайтарилмас)",- дея айтилур. (Мўъминун сураси, 99-100 оятлар). Эртанг учун бугунданоқ амал қилиб қол, чунки ажал қачон келишини билмайсанку?!... 🔵@oxirathovlisi111

Ҳасан Басрийга: «Фалончи сизни ғийбат қиляпти», — деб айтишди. Шунда у зот шундай дедилар: «Мен ўзим қилмаган, уни деб чарчамаган, ичига кибр ҳам, уъжуб ҳам аралашмаган яхши амал менга хуш келибди». Яъни, инсонни ғийбат қилган киши аслида унинг савобини ғийбат қилинган одамга ўтказади. Шунинг учун мўмин киши бундай ҳолатда ғазабланиш ўрнига сабр ва ҳикмат билан муносабат қилади. Амалларингизни кўкка совуриб юборманг азизларим!