.се.нуқта. Бидон, чиро мебинӣ!

.се.нуқта. Бидон, чиро мебинӣ!

Web media
Рӯз то рӯз хабарҳои шикастани вебкамераҳо аз ҷониби хакерҳо ва пахши аксҳои қурбониёни ногаҳонӣ дар Интернет зиёд шуда истодаанд. Дар баъзе ҳолат лозим нест, ки ба компютери фардии Шумо вирус ворид кунанд, чун бештари камераҳо худ қобилияти истодагарӣ ба хакерҳоро надоранд. Ҳатто Марк Cукерберг ва Ҷеймс Коми, директори собиқи ФБР, воқеияти шикастани вебкамераҳоро аз ҷониби хакерон эътироф кардаанд. Бадхоҳон метавонанд бидуни огоҳӣ ва фаъол кардани чароғак дар дастгоҳи Шумо камераро фаъол кунанд. Намехоҳед вебкамераро дар дастгоҳатон ба таври доимӣ хомӯш созед? Аммо ҳамчунин намехоҳед, ки нафарони бадхоҳ оила ё фарзандони шуморо ҷосусӣ кунанд? Барои ин мо ба шумо роҳи осони муҳофизат аз ҳакерҳоро бе хомӯш кардани вебкамера пешниҳод менамоем! Барои ин ба Шумо барномаҳои антивирусӣ кӯмак мекунанд. Яке аз антивирусҳои ройгон - Avast Premium Security Antivirus дорои функсияи муҳофизатии вебкамера мебошад. Барнома фавран шуморо ҳангоми кӯшиши фаъол кардани веб-камера аз ҷониби бадхоҳон огоҳ мекунад. Муҳофизати веб-камера назорати осонро аз болои танзимот фароҳам меорад. Масалан, дар ҳама ҳолатҳо, ҳамаи замимаҳо (ҳатто барномаҳои санҷидашуда) барои фаъол кардани вебкамера аз шумо иҷозат мепурсанд. Ягон барнома вебкамераро бе огоҳии шумо истифода карда наметавонад.
Comments 1
Likes 65
Тибқи пурсиши Ассотсиатсияи Равоншиносони Амрико, беш аз сеяки пурсидашудагон бовар доранд, ки шабакаҳои иҷтимоӣ ба солимии рӯҳии онҳо зарар доранд. Танҳо 5%-и пурсидашудагон гуфтаанд, ки истифодаи он ба руҳияи инсон таъсири мусбат мерасонад. 45% -и дигар истифодаи шабакаҳои иҷтимоиро ҳам зараровар ва ҳам фоидаовар арзёбӣ кардаанд. Мо чанд омилҳоро ҷамъоварӣ кардем, ки бо риоя кардани онҳо ҳангоми истифодаи шабакаҳои иҷтимоӣ - ба солимии руҳи шумо таъсири камтар мерасонад. Истифодаи шабакаҳои иҷтимоиро маҳдуд кунед Зиёд истифода кардани шабакаҳои иҷтимоӣ метавонад ба кор ва муносибатҳои шахсии Шумо халал расонад. Ба истифодаи шабакаҳо вақти муайянро ҷудо карда, барои суҳбат бо наздикон вақти бештар ҷудо намоед. Кӯшиш кунед, ки ҳангоми хӯроки муштарак бо оила ё дӯстон, ҳангоми бозӣ бо кӯдакон ва ё сӯҳбат бо наздиконатон, саҳифаи худро дар шабкаҳои иҷтимоӣ тафтиш накунед. Аз парҳези рақамӣ истифода кунед Парҳези рақамӣ – танафуси шахс дар истифодаи шабакаҳои иҷтимоӣ. Чанд таҳқиқот нишон доданд, ки тарк кардани Facebook ҳатто ба муддати панҷ рӯз ё як ҳафта метавонад боиси кам шудани стресс ва афзоиши лаззати зиндагӣ гардад. Ҳамин тавр, як таҳқиқоти дигар нишон дод, ки парҳез аз истифодаи Facebook, Instagram ва Snapchat барои 10 дақиқа дар як рӯз барои се ҳафта аллакай таъсири мусбати худро мерасонад. Ин коҳиш ёфтани ҳисси танҳоӣ ва депрессияро ба вуҷуд меорад. Ба ҳиссиёти худ диққат диҳед Ҳиссиёти худро санҷед. Дар вақтҳои гуногуни рӯз ба шабакаҳои иҷтимоии писандидаатон ворид шавед ва баҳо диҳед, ки он ба шумо чӣ таъсир мерасонад. Масалан, шумо метавонед пай баред, ки дар давоми рӯз истифодаи кутоҳи шабакаҳои иҷтимоӣ рӯҳияи шуморо болида мекунанд. Агар шумо ҳис кунед, ки пас аз истифодаи Facebook то нимашаб, рӯзи дигар худро хаста ва ғамгин эҳсос мекунед, беҳтар аст, ки аз истифодаи он то бевақтии шаб даст кашед. Тадқиқоти охирин нишон дод, ки корбароне, ки матлабҳои дӯстони худро дар Фейсбук мехонанду зиндагии худро бо онҳо муқоиса мекунанд, дар худ эҳсосоти манфиро бедор мекунанд. Шабакаҳои иҷтимоиро мақсаднок истифода кунед Вақти истифодаи шабакаҳои иҷтимоӣ дар смартфон ё компютер ба худ суол диҳед: "Чаро ман ҳозир ин корро карда истодаам?”. Вақте ба ягон хабар ё мукотиба бо нафаре ниёз пайдо мекунед ба шабакаҳои иҷтимоӣ ворид шавед,. Шабакаҳои иҷтимоӣ бояд барои мақсадҳои муайян истифода шаванд. Шумораи саҳифаҳои обунашудаатонро назорат кунед Шояд Шумо замони истифодаи шабакаҳои иҷтимоӣ, якчанд дӯстони интернетӣ пайдо кардед ва ба бисёр каналҳо ва манбаъҳои хабарӣ обуна шудаед. Матолиби баъзе аз саҳифа ё гуруҳҳои обунашудаатон то ҳол бароятон ҷолиб аст. Аммо баъзе саҳифаҳо ба ҳолати руҳии шумо таъсир мерасонанд. Аз обунаи каналҳо ва корбарони нолозим дар шабакаҳои иҷтимоӣ даст кашед.
Comments 0
Likes 1
Google, Facebook ва дигар платформаҳои интернетӣ акнун бояд ба буҷаи Тоҷикистон 18% андоз аз арзиши иловашуда пардохт кунанд. Ин чӣ андоз аст, аз кӣ ситонида мешавад ва барои корбарони оддии интернет чӣ тағйир хоҳад ёфт - дар маводи мо. 1. «Андоз аз Google» – чист? «Андоз аз Google» – номи шартии андозбандии хизматрасониҳои электронии ширкатҳои хориҷӣ аст, ки дар кишвар намояндагии расмь надоранд. Бо забони оддӣ ин андоз аз арзиши иловашуда аст, ки аз хизматрасониҳои электронӣ ситонида мешавад. 2. Ин танҳо ба Google дахл дорад? Не. «Андоз аз Google» ба ҳама ширкатҳои IT-и хориҷӣ татбиқ хоҳад шуд. Яъне шахсони хориҷӣ, ки мустақиман дар қаламрави Тоҷикистон хидматҳои электронӣ мерасонанд, андозсупорандагон эътироф карда мешаванд. 3. Кадом рӯйхати хизматрасониҳои электронӣ дохил карда шудааст? Хизматрасониҳои электронӣ аз фурӯши китобҳои электронӣ ва дигар файлҳои медиавии электронӣ (мундариҷаи рақамӣ), интиқоли ҳуқуқҳо барои истифодаи барномаҳо, таблиғ, дастгирии сайт, нигоҳдорӣ ва коркарди иттилоот, омор, домен ва хостинг, дастрасӣ ба системаҳои ҷустуҷӯӣ, соҳаи IT ва ғайра иборатанд. Яъне ҳамаи ин хизматрасониҳое, ки тавассути Интернет пешниҳод карда мешаванд. 4. Барои истифодабарандагони интернет дар Тоҷикистон чӣ тағйир меёбад? Ба истифодабарандагони интернет дар Ҷумҳурии Тоҷикистон вобастагӣ надорад. Аз ҷониби мақомотҳои андоз аз истифодабарандагони интернет талаб карда намешавад, ки маблағи иловагӣ супоранд. «Андоз аз Google» андози ғайримустақим, ки ширкатҳои ғайрирезидентҳои хориҷӣ (ё агентҳои андоз) барои пешниҳоди хаизматрасониҳои электронӣ пардохт мекунанд. 5. Оё ин ба арзиши интернет дар кишвар таъсир хоҳад гузошт? Не! Ин ба ҳеҷ ваҷҳ ба арзиши интернет дар кишвар таъсир намерасонад. 6. Оё ин андоз ба интернет-мағозаҳо дахл дорад? Чӣ тавре ки дар тағиротҳо гуфта шудааст, агар интиқоли молҳои (корҳо ва хизматрасониҳои) фармоишӣ тариқи интернет бидуни истифодаи интернет тавассути нуқтаҳои гумрукӣ сурат гирад, пас ин хидмати электронӣ ҳисобида намешавад ва андозбандӣ намешавад. Яъне, агар мағозаи интернетӣ дар хориҷа, масалан, "молҳои ҷисмонӣ" мефурӯшад ва молҳо аз гумруки Тоҷикистон мегузаранд, пас "андози Google" ситонида намешавад - ҳамаи пардохтҳо ҳангоми барасмиятдарории гумрукӣ пардохта мешаванд. «Андоз аз Google» ба интернет-мағозаҳои ватанӣ вобастагӣ надорад. Агар интернет-мағозаҳои ватанӣ дар мақомоти андоз ҳамчун шахсони ҳуқуқӣ ё соҳибкори инфиродӣ ба қайд гирифта бошанд, пас онҳо тибқи ҳисоботи пешниҳодшуда андоз месупоранд.
Comments 2
Likes 11
Барои таблиғи бомуваффақияти тиҷорат дар шабакаҳои иҷтимоӣ кушодани саҳифа ва нашр кардани маводҳои ҷолиб кофӣ нест. Истифодаи барномаҳои муосир, ки барои пешбурди SMM равона шудаанд ва барои диққатҷалбкунанда шудани саҳифаи Шумо ва ҳамчунин омӯзиши омори он кӯмак мекунанд. Мо 10 барномаро барои кормандони SMM пешниҳод мекунем, ки барои осон кардани корашон кӯмак мекунанд. Keyhole Keyhole барномаи ройгон буда таҳлили хештегҳо, калимаҳои калидӣ ва саҳифаҳоро пешниҳод менамояд. Он хэштегҳо ва калимаҳои калидӣ, шумораи кликҳо, паёмҳо, шумораи паҳнкардан ва ғайраро нишон медиҳад. Дар Тwitter, Instagram ва Facebook барнома ба шумо имкон медиҳад, ки омори ҷалби аудитория ва саҳифаи рақибонро пайгирӣ намоед. HYPEAUDITOR Боз як барномаи муфиди ройгони SMM, ки оморро дар саҳифа нишон медиҳад ва ба шумо дар интихоби мавзӯъ кӯмак мекунад. Он бо истифодаи технологияҳои зеҳни сунъӣ кор мекунад, ки таҳлилро дақиқ ва нишондиҳанда омода месозад. INSTAPLUS СЕРВИС Барномаи бисёрфунксионалии SMM барои инстаграм. Он ба таври худкор маълумот барои таблиғ тавассути хештегҳо, ҷуғрофӣ ва муштариёнро ҷамъоварӣ мекунад. MINTER Таҳлили саҳифаи Instagram барои оҷонсиҳо ва корхонаҳо. Идоракунии якчанд саҳифаҳо, гурӯҳҳо, пайгирии рақибон, ҳисобот ва содироти маълумотро пешниҳод мекунад. BUFFER Барномаи муносиб барои ба нақшагирии нашри маводҳо. Ба шумо имкони тартиби рӯйхати маводҳои нашршаванда, хештегҳо ва пайвасти пайванд дар био бо якчанд суроғаҳо, идоракунии якчанд саҳифаҳо дар дохили як шабакаро медиҳад. Ҳамзамон, барнома шабакаҳои иҷтимоиро таҳлил намуда, ҳисоботро дар шакли графикӣ тартиб медиҳад ва омори ҳар як матлабро ба алоҳидагӣ нишон медиҳад. PARASITE Барномаи осон ва хуб барои банақшагирии постҳои мавқуфгузошташуда дар ҳама шабакаҳои иҷтимоӣ мебошад. Барнома имкониятҳои васеъро барои SMM дар Instagram пешниҳод мекунад. HOOTSUITE Иртибот бо мизоҷон, тарғиби кори дастаҷамъона, банақшагирӣ матлабҳо тавассути барномаи Hootsuite имконпазир аст. Хизматрасонӣ тақвимро барои ҳамаи шабакаҳои иҷтимоӣ ва нашри маводҳоро пешниҳод мекунад. CANVA Яке аз беҳтарин барномаҳо барои сохтани макетҳо, расмҳо, постерҳо, инфографика ва ғайра дар интернет аст. Версияи ройгони барнома дар ҳар як мавзӯъ, шумораи муайяни қолабҳоро пешниҳод мекунад. PEXELS Барнома аксҳои ройгони ғайриоддиро пешниҳод мекунад. Дар он бисёр аксҳои ҷолиб мавҷуданд, ки онҳоро дар нашрияи тиҷоратӣ низ метавон истифода бурд. UNSPLASH Боз як барномаи ройгон бо аксҳои ғайриоддӣ. Ҳатто дар он баъзан аксҳо аз рӯи мавзӯъҳо гурӯҳбандӣ карда шудаанд.
Comments 4
Likes 13
Мо миқдори зиёди маълумотро дар смартфони худ нигоҳ медорем. Табиист, ки намехоҳем касе ба ин маълумот дастрасӣ пайдо кунад. Аз ин рӯ, бояд дар бораи бехатарии дастгоҳи худ фикр кунем. Додани ягон маслиҳати универсалӣ душвор аст, зеро смартфонҳо аз якдигар хеле фарқ мекунанд. Аммо мушовири амнияти рақамӣ Сергей Смирнов рӯйхати қадамҳои аввалини ҳифзи маълумот дар смартфонро тартиб додааст. Инҳо дастурҳои оддитарин мебошанд, ки ба шумо барои зуд бехатар кардани смартфонатон кӯмак мерасонанд: - таърихи зангҳо, SMS, паёмҳои электронӣ, паёмҳои мессенҷерҳо, ёддоштҳо, ва браузерҳоятонро аз маълумоти нолозим пок кунед; - Ҳама аксҳо ва видеоҳоро аз смартфони худ ба ҷойи бехатар интиқол диҳед; - Нусхаи эҳтиётии маълумот (резервная копия данных) созед; - Барои муошират аз мессенҷери нисбатан эмин бо рамзгузории ниҳоӣ истифода баред, на SMS; - Бовар ҳосил кунед, ки дастгоҳ рамзгузорӣ (шифрование) шудааст; - Қулфи муҳофизати экранро тарици рамз - парол фаъол созед; - Ҳамеша бо худ зарядник гиред ва смартфонатонро дар ҷойҳои бегона ба заряд намонед, махсусан ба воситаи компютери шахсони бегона; - Смартфони худро беназорат нагузоред ва ба одамони дигар надиҳед; - Агар имкон бошад, ба худ дастгоҳи ивазкунанда – телефони корӣ харед ва телефони шахсиатонро барои кор истифода набаред; - Ҷустуҷӯйи телефон ба воситаи Google ва дигар хидматрасониҳоро фаъол кунед. Ин қадам ба шумо дар ёфтани смарфон ё пок кардани хотираи он ҳангоми гум кардан кӯмак мекунад;
Comments 2
Likes 30
Телеграм яке аз паёмрасонҳои маъруф, фаврӣ ва бехатар дар ҷаҳон маҳсуб мешавад. Мо ба Шумо панҷ сабаберо пешниҳод мекунем, ки бо хондани он хоҳиши аз он истифода карданро пайдо мекунед. 1. Бехатар Сӯҳбатҳои шуморо дар чати махфӣ бо таври худкор ҳазф менамояд. Он аз рамзҳои вуруд ва муҳофизаи дукарата иборат аст. Яъне, он нисбат ба дигар паёмрасонҳо бехатартар аст. Рамзи гузоштаро шикастан ва аз муҳофизаи дукарата гузаштан ғайриимкон аст. 2. Суръати баланд Telegram, ба фарқ аз дигар паёмрасонҳо, хеле зуд кор мекунад. Гап сари он аст, ки Telegram дар тамоми ҷаҳон серверҳои худро дорад. Бале, ин як роҳи ҳалли оддӣ аст, аммо дар амалияи истифодаи мессенҷер он хеле назаррас аст ва ҳангоми истифода шахс худро роҳат эҳсос мекунад. 3. Тарҳи зебо Тарҳи хеле зебо ва эстетикӣ дорад, ҳама чиз ба услуби ягона мутобиқ карда шудааст. Андозаи замима низ аз дигар рақибонаш бартарӣ дорад, назар ба Whatsapp, Viber ва ғайра хурдтар аст. 4. Он дар ҳама ҷо Комилан дар ҳама платформаҳо - Android, iOS, Windows, Mac OS метавон онро истифода кард. Он дар ҳама платформаҳо якхел кор мекунад ва тарҳи ҷолиб дорад. Барои хушбахтӣ боз чӣ лозим аст? 5. Хотираи абрӣ Ҳама мукотибаи шумо, аксҳо, видеоҳо, дар хотираи абрӣ нигоҳ дошта мешавад. Албатта, ҳаҷмро каме коҳиш медиҳад, аммо ҳеҷ гоҳ чизеро аз даст нахоҳед дод. Ин албатта навгонӣ нест, аммо амалияш нисбат ба WhatsApp беҳтар аст.
Comments 4
Likes 14
Ғалоғулаи семантикӣ як навъ садои муоширатист, ки гӯянда аз забони мураккаб, техникӣ ё грамматикӣ истифода мекунад ва қабулкунанда хабарро намефаҳмад. Ин ҳолат вақте рух медиҳад, ки шахси паёмдиҳанда калима ё ибораро бо маънои номаълум истифода мебарад. Ғалоғулаи семантикӣ дар забонҳо Ҳама забонҳоро овозҳо ташкил медиҳанд, ки калимаҳоро ба вуҷуд меоранд ва ин калимаҳо дар гуфтугӯи расмӣ ё ғайрирасмӣ дар ҷомеа истифода мешаванд. Мегӯянд, ҳатто дар кишварҳое, ки бо як забон гап мезананд, калима вобаста ба минтақаи гӯянда метавонад якчанд маъноро ифода намояд.  Баъзе намунаҳои ғалоғулаи семантикӣ Намунаҳои маъмултарин, ки метавонанд мушоҳида шаванд, дар соҳаи коммуникатсия ва реклама мебошанд. Масалан, муаллиф барои маъракаи зидди маводи мухаддир чунин менависад: "Шарбати сулфаи моро бинӯшед. Шумо ҳеҷ гоҳ сиҳат нахоҳед шуд. Шумо метавонед паёмро бо ду маъно бифаҳмед, зеро он ғалоғулаи семантикӣ эҷод мекунад ва онҳое, ки онро мехонанд, метавонанд ба худ суол диҳанд, ки оё онҳо маҳсулотеро, ки ба беҳбуди саломатии онҳо кумак намекунад, харидорӣ мекунанд? Ғалоғулаи семантикӣ дар вақти навишт Барои онҳое, ки дар шакли хаттӣ ва рӯзноманигорӣ кор мекунанд, одатан қайд мешавад, ки онҳо метавонанд ба ин намуди ғалоғула дар вақти муошират дучор оянд. Дар журналистика ғалоғулаи семантикӣ ба хатогие ишора мекунад, ки дар дохили маводи нашршаванда ҷойгир аст. Барои ин, Дин Рик аз Direct Creative 3 ҳалли мубориза бо ғалоғулаи семантикиро дар вақти навишт пешниҳод мекунад: Муайян кардани ғалоғулаи семантикӣ. Оромона ва бидуни шитоб навиштан. Навиштаи худро пеш аз нашр ба дигарон нишон додан. Ғалоғулаи семнтикӣ ҳамчун монеаи муоширати муассир Ҳангоми муошират якчанд намуди ғалоғула мавҷуд аст. Ғалоғулаҳои психологӣ, физикӣ, техникӣ ва маъноӣ мавҷуданд. Аз байни ин ҳама навъҳои гуногуни ғалоғула, семантикаро баъзе мутахассисон муҳимтарин меҳисобанд, зеро агар маънои калимаҳо ё ибораҳо фаҳмида нашаванд, паёмро ҷониби шунаванда ҳеҷ гоҳ намефаҳмад. Агар ҳадафи шумо муоширати самаранок бо дигарон барои расидан ба ҳадафи мушаххас бошад, зарур аст, ки забони худро тавассути хондан такмил диҳед, то луғат ва грамматикаи худро бой ва мустаҳкам намоед.
Comments 1
Likes 27
Тибқи иттилои агентии омори Тоҷикистон дар кишвар зиёда 3 млн аҳолӣ аз интернет истифода мекунанд. Қисми зиёди онҳо дар шабакаҳои иҷтимоӣ саҳифаҳои шахсии худро доранд. Корбарони интернет дар Тоҷикистон асосан аз Instagram, Facebook, «ВКонтакте» “Однокласники” ва як қисми муайян аз Twitter ё дигар шабакаҳо истифода мекунанд. Мо дар бораи 7 аломате, ки шабакаҳои иҷтимоӣ ба саломатии рӯҳиатон зарар мерасонанд, маълумот ҷамъоварӣ намудем. 1. Ҳисси аз даст додани хабар ё ягон чизи муҳим Шабакаҳои иҷтимоӣ метавонанд тарси аз даст додани ягон чизи фоидаовар ё хабари муҳимеро дар шумо зиёд кунанд. Муддати зиёд пайгирӣ намудани шабакаҳои иҷтимоӣ метавонад нишонаи тарси аз даст додани ягон чизи муҳим бошад. Барои аз ин вобастагӣ раҳоӣ ёфтан усулҳои гуногуни санҷидашударо истифода баред. 2. Пайгирӣ намудани саҳифаҳои нолозим Коршиносон мегӯянд, пайгирӣ кардани саҳифаи одамоне, ки дар мо ҳисси худбовариро кам мекунанд, одати бад аст. Мисол, саҳифаи сайёҳоне, ки дар меҳмонхонаҳои боҳашамат иқомат мекунанд ва ба он ҷо рафтани шуморо низ ташвиқ мекунанд, дар вуҷудатон ҳасудиро бедор мекунанд. 3. Худро бо дигарон муқоиса кардан Вақте ки шумо ҳаёти касеро дар шабакаҳои иҷтимоӣ пайгирӣ мекунед, ҳатман ҳаёти худро бо ӯ муқоиса мекунед. Коршиносон мегӯянд, ин одати хеле бад аст. Муқоиса бо дигарон дар шахс нобоварӣ ва стрессро ба вуҷуд меорад. 4. Дар шабакаҳои иҷтимоӣ ҷанг мекунед Эҳтимол, қисми зиёди корбарон дар шабкаҳои иҷтимоӣ ба хархашаи лафзӣ рӯ ба рӯ шудаанд.Масалан, баъзе нафарон дар зери шарҳи навиштаи корбар бо суханҳои қабеҳ посух гуфтаанд. Агар Шумо низ дар шабакаҳои иҷтимоӣ ба хархашаи лафзӣ роҳ диҳед, беҳтар аст ки худро аз он канор гиред, то ба саломатии рӯҳиатон таъсири манфӣ нарасонед. Агар он ба шумо дар баёни эҳсосотатон кӯмак кунад, беҳтараш танҳо паём нависед, аммо онро нафиристед. 5. Аз хабарҳои бад асабонӣ мешавед. Дар Амрико мафҳуми headline stress disorder маъмул аст, ки онро ҳамчун "стрес аз сарлавҳа" тарҷума кардан мумкин аст. Он нигаронии шадиди одамон пас аз хондани сарлавҳаро ифода мекунад. Барои ба стрес гирифтор нашудан, аз хондани хабарҳо дар муддати 24/7 даст кашед. 6. Шумо саҳифаҳои зиёдеро пайгирӣ мекунед Агар шумо соатҳо шабакаи иҷтимоиро варақ мезанед, беҳтар аст, ки аз пайгирии саҳифаҳои мазкур даст кашед. Аз пайгирии саҳифаҳои зиёд шумо иттилои бепоёнеро ба даст меоред. Аммо қисми зиёди он барои шумо ва ҳаётатон нолозим мебошанд. 7. Гирифтори бемории лайк шудаед Пас аз нашри акс ё матлаб якчанд маротиба онро тафтиш карда мебинед, ки кӣ онро баҳо додааст? Агар шумо ба пайгирии шумораи лайкҳо, шарҳҳо ё тақсими постҳоятон машғул бошед, ин одати хеле бад аст. Беаҳмиятии одамон дар Шумо эҳсоси нобовариро ҳосил мекунад.
Comments 26
Likes 24
Ба кадом шабакаи иҷтимоие, ки ворид нашавед, синну солро на танҳо аз рӯи санаи таваллуд дар саҳифа, балки аз рӯи рафтори корбар низ фаҳмидан мумкин аст. Баъзе одатҳое ҳастанд, ки бояд корбарон замони ба сӣ солагӣ расидан аз он даст кашанд. Мо 10 одати мазкурро дар маводи зер ҷамъоварӣ кардем. Аз кор шикоят кардан Саҳифаи шахсӣ дар шабакаҳои иҷтимоӣ ҷое нест, ки дар он шумо чизи хостаатонро нависед, ё аз зиндагиатон шикоят кунед. Ҳатто шикоят кардан аз ҷойи кор, сардор ё муштариён низ ба манфиати шумо нахоҳад буд. Дар асри илму техника кордиҳандагон, то замони шуморо ба кор қабул кардан аввал аз саҳифаи шабакаи иҷтимоии шумо дидан мекунанд. Агар он ҷо шумо аз корфармои қаблӣ шикоят карда бошед, ин шояд ба онҳо писанд наояд. Тарғиби маршрубот Нашри акс ва таърифи машруботҳои спиртӣ ба кордиҳандагон, дӯстон, ҳамкорон ва мизоҷон нишон медиҳанд, ки корбар шахси ҷиддӣ ва боэътимод нест. Таърифи маишати молиявӣ Ҳеҷ кас намехоҳад ба таври доимӣ ба сумкаҳои хариди Шумо аз мағозаҳои брендӣ, чизи қиматбаҳо, пойафзол ва соатҳои шумо нигоҳ кунад. Дар аввал ин хеле дилгиркунанда ва баъдан аз ҷиддӣ набудани шахс огоаҳӣ медиҳад. Пайгирии дӯстдоштаи собиқ Таъқиб, шарҳҳои манфӣ ва даъвоҳо аз вобаста будани шахс аз нафари дигар гувоҳӣ медиҳанд. Ғайр аз ин чунин рафтор ҳаёти худи таъқибгарро хароб мекунад: агар инсон ҳаёти дӯстдоштаи собиқи худро ҳамеша пайгирӣ намояд, наметавонад гузаштаи худро фаромӯш кунад ва ояндаи худро бисозад. Агар шумо наметавонед аз пайгирии дӯстдоштаи собиқи худ даст кашед, беҳтар аст ки ба равоншинос муроҷиат намоед. Истифодаи никнейм (номи пинҳонӣ) Саҳифа дар шабакаи иҷтимоӣ – чеҳраи виртулии шумост. Ҳеҷ гоҳ дар он номи худро пинҳон надоред. Фаромӯш накунед: муштариён, шарикон ва корфармоёни эҳтимолӣ метавонанд шуморо тавассути номатон пайдо кунанд. Бо гузоштани исми тахаллуси дар саҳифа, шумо онҳоро аз ин имконият маҳрум мекунед. Даъватнома барои бозӣ Дар хоҷагии шумо ҳеҷ кас намехоҳад, ки ҳосили зироатро ҷамъоварӣ кунад, инро ба дигарон пешниҳод накунед. Агар шумо аллакай даъватнома фиристода бошед, бори дигар ин хатоиро такрор накунед. Баъзан ин гуна даъватномаҳо ба таври худкор фиристода мешаванд, бинобар ин танзимоти саҳифаатонро аз назар гузаронед. Бидуни огоҳӣ пайваст кардани шиносон ба чат ё гуруҳҳо Бисёр нафарон мехоҳанд шумораи ҳарчи бештари одамонро дар чат ва гуруҳҳо ҷамъ оваранд, хусусан агар дар он пул кор кунанд. Аммо, пеш аз илова кардани шахс, ҳатман ба ӯ паём нависед. Ба куҷо ва чаро илова карданро ба ӯ фаҳмонед, агар вай ба он таваҷҷӯҳ дошта бошад, баъдан илова кунед, агар не, ӯро ба ҳолаш гузоред. Доимо тағйир додани навиштаҷот ва акси асосӣ Ин одат барои наврасон ва ё онҳое мебошад, ки саҳифаро дар шабакаҳои иҷтимоиро танҳо барои худ кушодаанд. Шумо монанди онҳо нестед, ҳамин тавр не? Сӯиистифодаи хештегҳо Ҳештегҳо танҳо барои осон кардани ҷустуҷӯ лозиманд. Аз ин рӯ, паёмҳои дорои зиёди хештегҳо корбарро танҳо ба ғазаб меорад. Дар синни сӣ солагӣ, шумо аллакай медонед, ки чӣ гуна чизҳои муҳимро мутолиа ё пайгирӣ намоед ва метавонад худро бо якчанд хештегҳои мувофиқ маҳдуд созед. Зиёд нашр кардани акси кӯдакон Аз як тараф, фарзанд як қисми муҳими ҳаёти ҳар як волидайн аст, ки дар бораи он мехоҳанд ба ҳамагон нақл кунанд. Аз тарафи дигар, ба фарзанди шумо одатан танҳо хешовандон ва дӯстони наздиктарин таваҷҷӯҳ зоҳир мекунанд. Он дар корбарони дигар эҳсосоти гуногунро ба вуҷуд меоранд - аз бетафовутӣ то ғазаболудӣ.
Comments 6
Likes 47
Шабакаҳои иҷтимоӣ пас аз пайдоишашон ба ҳаёти инсонҳо тағйиротҳои зиёдеро ба вуҷуд оварданд. Агар донистан хоҳед, ки онҳо ба тафаккури мо чӣ гуна таъсир расониданд, маводи зерро мутолиа намоед. Хавфи вайроншавии муносибатҳоро зиёд кард Шабакаи иҷтимоӣ барои муносибатҳои ошиқон ҷойи начандон муфид ҳаст. Олимон муайян кардаанд, ки агар одамон аз шабакаҳои иҷтимоӣ зиёд истифода кунанд, хавфи ҷудошавӣ, хиёнати эмотсионалӣ ё ҷисмонӣ ҳамон қадар зиёдтар мешавад. Ин ягона омӯзише нест, ки дар асоси он ба ин натиҷа расидаанд. Яке аз сабабҳои ҷанҷолҳо рашк аст, ки на ҳамеша беасос аст. Маҳз Интернет боиси пайдоиши истилоҳи «микрохиёнат» гардид. Ба ин шаклҳои гуногуни ишқварзии онлайнӣ, аз ҷумла лайкҳои сершумор дохил мешаванд. Агар шабакаҳои иҷтимоӣ намебуданд, ин гуна мушкилиҳо пайдо намешуданд. Дарди ҷудоиро сангинтар намуд Масали "аз чашм рафтӣ, аз дил ҳам меравӣ”-ро шабакаҳои иҷтимоӣ аз миён бурданд. Ҷонибҳо пас аз ҷудоӣ ба саҳифаҳои ҳамдигар сар зада, мехоҳанд аз ҳаёти дӯстдоштаи собиқи худ огоҳ шаванд, ки ин кор баръакс дарди ҷудоиро вазнинтар мекунад. Тамосро осонтар карданд Гарчанде ки аъзоёни оила дар саросари ҷаҳон пароканда бошанд ҳам, нигоҳ доштани тамос барояшон бо истифода аз шабакаҳои иҷтимоӣ осонтар аст. Модаркалон метавонад дастовардҳои набераҳояшонро тариқи ин шабакаҳо пайравӣ кунад ва бо фарзандонаш ба таври доимӣ дар тамос бошад. Хешовандон имкон доранд, ки дар режими конфронсӣ байни ҳам суҳбат кунанд. Доираи муоширатро васеъ намуд Шабакаҳои иҷтимоӣ ба шумо имкон медиҳанд, ки бо шумораи зиёди одамон аз гӯшаҳои гуногуни олам муошират кунед. Шумо метавонед на танҳо бо ҳамкор ё дӯстатон, балки бо шахсиятҳои номӣ низ мукотиба намоед. Афзоиши танҳоӣ Тариқи шабакаҳои иҷтимоӣ доираи муошират васеътар мешавад, аммо ин корбаронро аз танҳоӣ намераҳонад. Тадқиқот нишон додаст, ки агар дӯстони интернетии шумо танҳо бошанд, он метавонад ба шумо низ таъсир мерасонад. Худро доимо муқоиса кардан бо корбарони дигар ба ҳисси танҳоӣ мусоидат мекунад. Ба корбар чунин менамояд, ки дигарон нисбат ба ӯ ҷолибтар ҷолибтар зиндагӣ мекунанд. Алоқаи мустақимро душвор кард Тибқи гуфтаи равоншинос Елена Светлая, аксар вақт муштариён бо чунин мушкилот гирифтор мешаванд: Дар интернет муошират кардан осонтар аст, аммо вақте ки шумо шахсан мулоқот мекунед, баъзе нофаҳмиҳо ба миён меоянд. Шумо худро дар мулоқоти рӯ ба рӯ гум мекунед.
Comments 8
Likes 30
Зеҳни сунъӣ - технология, ё як самти илми муосир мебошад, ки роҳҳои таълим додани компютер, технологияи роботикунонидашуда ва системаи таҳлилиро монанди инсон оқилона фикр карданро меомӯзад. Дар асл, идеяи сохтани зеҳни сунъӣ пеш аз ихтирои аввалин компютерҳо ба вуҷуд омада буд. Одамони солҳои 50-уми асри гузаштаро имконияти мошинҳо, алалхусус қобилияти мошинҳое, ки дар як вақт якчанд вазифаҳоро иҷро мекарданд ҳайрон намуда буд. Маҳз дар ин давра нахустин технологияҳои зеҳни сунъӣ ба вуҷуд омад
Одамон баъзан ҳуҷҷатҳо ё кортҳои бонкиеро, ки касе гум кардааст, пайдо мекунанд ва ба хотири ёфтани сощибашон акси онщоро дар шабакаҳои иҷтимоӣ ҷойгир мекунанд. Ин чӣ хатар дорад ва ба чь хато набояд рощ дод дар маводи мо. Дар хотир дошта бошед, ки бо гузоштани акси ҳуҷҷатҳои гумкардаи касе, шумо ба қаллобон имконият медиҳед, ки маълумоти шахсии онщоро ба манфиати худ истифода баранд. Барои ёфтани сощиби ҳуҷҷатҳо ва дар ин рощ мушкил эҷод накардан ба ӯ, чанд қоидаи оддиро риоя кунед: 1. Акси
Рӯз то рӯз хабарҳои шикастани вебкамераҳо аз ҷониби хакерҳо ва пахши аксҳои қурбониёни ногаҳонӣ дар Интернет зиёд шуда истодаанд. Дар баъзе ҳолат лозим нест, ки ба компютери фардии Шумо вирус ворид кунанд, чун бештари камераҳо худ қобилияти истодагарӣ ба хакерҳоро надоранд. Ҳатто Марк Cукерберг ва Ҷеймс Коми, директори собиқи ФБР, воқеияти шикастани вебкамераҳоро аз ҷониби хакерон эътироф кардаанд. Бадхоҳон метавонанд бидуни огоҳӣ ва фаъол кардани чароғак дар дастгоҳи Шумо камераро фаъол кун
Google, Facebook ва дигар платформаҳои интернетӣ акнун бояд ба буҷаи Тоҷикистон 18% андоз аз арзиши иловашуда пардохт кунанд. Ин чӣ андоз аст, аз кӣ ситонида мешавад ва барои корбарони оддии интернет чӣ тағйир хоҳад ёфт - дар маводи мо. 1. «Андоз аз Google» – чист? «Андоз аз Google» – номи шартии андозбандии хизматрасониҳои электронии ширкатҳои хориҷӣ аст, ки дар кишвар намояндагии расмь надоранд. Бо забони оддӣ ин андоз аз арзиши иловашуда аст, ки аз хизматрасониҳои электронӣ ситонида мешавад
Гум кардан ё дуздонидани телефон барои шахс ҳодисаи нохуш аст, аммо агар танзимоти дастгоҳро дуруст ба роҳ монда бошед, онро тавассути аккаунти Google пайдо кардан имконпазир аст. Чӣ гуна метавон телефони гумшударо пайдо кард, дар маводи мо бихонед. Барои ёфтани телефон тавассути Google бояд чӣ кор кард? - Дастгоҳ бояд ба аккаунти Google пайваст бошад; - Телефон бояд ҳамеша фаъол ва ба Интернет пайваст бошад; - Геолокатсия бояд дар дастгоҳ доимо фаъол бошад; - Дар танзимоти бехатарӣ бояд фун
20 сол пеш соҳибкорони америкоӣ ва бритонӣ Ҷими Уэйлс и Ларри Сэнгер кори Википедияро оғоз намуданд. Дар аввал ин лоиҳа ҳамчун маводи иловагӣ барои инетрнет-энсиклопедияи «Нупедии»-лоиҳаи-онлайнии англисизабони ройгон, ки дар он мутахассисон мақола ва тақриз менавиштанд, пешбинӣ шуда буд. Википедия бо суръат афзоиш ёфт ва охири соли 2001-ум аллакай, дар он ҳудуди 20 ҳазор мақола бо 18 забон буд. Ҳоло дар пойгоҳ 55,6 мллион мақола бо 317 забон мавҷуд аст, бо забони русӣ-1,7 миллион. Мо зуд-зуд
20 сол пеш соҳибкорони америкоӣ ва бритонӣ Ҷими Уэйлс и Ларри Сэнгер кори Википедияро оғоз намуданд. Дар аввал ин лоиҳа ҳамчун маводи иловагӣ барои инетрнет-энсиклопедияи «Нупедии»-лоиҳаи-онлайнии англисизабони ройгон, ки дар он мутахассисон мақола ва тақриз менавиштанд, пешбинӣ шуда буд. Википедия бо суръат афзоиш ёфт ва охири соли 2001-ум аллакай, дар он ҳудуди 20 ҳазор мақола бо 18 забон буд. Ҳоло дар пойгоҳ 55,6 мллион мақола бо 317 забон мавҷуд аст, бо забони русӣ-1,7 миллион. Мо зуд-зуд
Алӯлак бачаи хуб аст! Мисли Алӯлак бош! Мо тасмим гирифтем барои кӯдакон маслиҳатҳои муфидро оиди истифодаи интернет дар мисоли Алӯлак пешниҳод кунем. Умедворем, ки волидон ин маслиҳатҳои муфидро ба фарзандони худ мерасонанд.
Барои таблиғи бомуваффақияти тиҷорат дар шабакаҳои иҷтимоӣ кушодани саҳифа ва нашр кардани маводҳои ҷолиб кофӣ нест. Истифодаи барномаҳои муосир, ки барои пешбурди SMM равона шудаанд ва барои диққатҷалбкунанда шудани саҳифаи Шумо ва ҳамчунин омӯзиши омори он кӯмак мекунанд. Мо 10 барномаро барои кормандони SMM пешниҳод мекунем, ки барои осон кардани корашон кӯмак мекунанд. Keyhole Keyhole барномаи ройгон буда таҳлили хештегҳо, калимаҳои калидӣ ва саҳифаҳоро пешниҳод менамояд. Он хэштегҳо ва
Show more

About group

Се.нуқта. - Ин маъракаи иттилоотӣ оид ба саводнокии расонаӣ (медиаграмотность) мебошад. Мо мехоҳем масунияти хонандагонамонро муқобили хабару маълумаоти "фейкӣ" ё бардурӯғ, дасткорӣ (манипуляция) ва тарғибот (пропаганда) боло барем ва шумораи одамоне, ки тафаккури интиқодӣ доранд, афзоиш диҳем. Шиори маъракаи мо: "Бидон, чиро мебинӣ!", "Ба далелҳо эътимод намо, ба овозаҳо не!" ва "Барои онҳое, ки фаҳмидан мехоҳанд!" Маъракаи иттилоотӣ "Се.нукта" дар чаҳорчӯбаи лоиҳаи “Пурзӯр намудани устуворӣ ба ифротгароӣ ва иттилооти бардурӯғ дар Осиёи Марказӣ”, ки аз ҷониби Иттиҳоди Аврупо маблағгузорӣ шуда, аз ҷониби Internews амалӣ мегардад
Address:
Dushanbe, Tajikistan