ЛУХ АВТ - газета на ханты языке

Ишакты нэман юкантса
Там ванан ям айкеӆан ёхатсаюв. Асов куртаң ху – Владимир Романович Лонгортов «Заслуженный работник рыбного хозяйства» нэман юкантса. Щит эӆты Хон мув кущаев Владимир Путин партапса ханшас.

Хуӆам аспирант губернатор грант мощатсат
Там хащам ятан, Овс мув шимӆаң мир хоятат эӆты, хуӆам аспирант ЯНАО губернатор грант ёша паятсат. Щит Антон Русмиленко, Любовь Возелова па Светлана Тусида.
Кашң хоятэв сот щёрас соӆкува ёша паятаӆ рупатайӆ еӆӆы тутаӆ ураңан.
Антон Русмиленко – Тюменской индустриальной университет Институт транспорта хоща уӆты аспирант, кимет курсан утаӆтыйӆ, па кимет пуш там грант мощатас. «Ма туты рупатаеман артаӆаӆэм, хоты ӆонщ таксарашак машинайн верты. Туняӆ шитам охӆаман лабороторной установка ӆутсам. Тампуш нумасӆам, шитам охӆам экспериментальной исследования верты ураңан посатты», – Антон Константинович ястас.

Овс мув шимӆаң мир хоятат яха уйтантысат
Там ӆапатан Москва вошан Хон мувеван уӆты Овс мув шимӆаң мир ёх «Сокровища Севера» вантопсайн уйтантысат. Хон мув регионат эӆты тус хоятат ёхтыӆысат: арысат, яксат, вантопсайт ӆэсятсат, ӆуматты сохӆаӆ, пормасӆаӆ альсат.

Номсаң партапсэт маты ях няврем
Хонты кепа сокаӆт ях няврем ос. Сэңк нуса ос, хонты харты ӆытыт ант таяс. Щиты олман, мув вантты номасна ёхатса, масаң, хаӆща ӆытыт мощатӆ. Хув сосас-ван сосас, иӆа пеӆайна, хощ метман, ӆыта ӆытман куӆ орна ёхтас. Вантӆаӆӆы па, ӆыс ӆыпина ор щищки питам. Ях няврем нох амтас:

Яӆап нэпек ӆуңтаты, ханшты хоятӆув уйтаты
Там ӆапатан Ёмвош эӆты нёхты хор верты нэ Ольга Корниенко, Юрий Вэлла ханшам потарӆаӆ похла актам нэ, «Эринтур» альманах куща Татьяна Юргенсон Пулңавта ёхтыӆысңан.

Касаӆты пора щи ёхтас
Каӆаңаң нэңхэт хоща, касаӆты вер щит ӆув олапсэӆ. Манты ёсӆаӆ олты хуват каӆаң эваӆт лайӆ. Каӆаңат щиты онӆаман оллат, товыйи йиӆ, ӆув ищки кансман Кев пеӆа манта питӆат. Щиты каӆаң савиты ях олты хуват ӆув юпиӆаӆна манӆат.

Хоятат пиӆан рупитты нэ мойӆаптаса
Хасям ӆапатан Хон мув кусяев Владимир Владимирович Путин, Ӆорвош районан социальной службайн рупитты нэ Мария Владимировна Пуйко, «Заслуженный работник местного самоуправления» нэман юкатсаӆӆы.

Ун йиңк порая ӆэщатыман уӆты мосаӆ
Округеван кашң товийн няӆ курт ун йиңкан амарӆаты верытӆайт. Щит ураңан Тарко-Сале вошан, Овкуртан, Антипаюта па Уренгой куртатан ун йиңк эӆты сайӆаты рупатайт верты питсайт. ГКУ «Ямалспас» па тут хуратты отрядатан рупитты хоятат утаӆтасайт, хоты йиңк эпатты порайн, муй верты хошты мосаӆ.

Аса касаӆты ӆэщатыӆат
Еша уӆты Асна ноптаӆты пора ёхатаӆ. Ӆуңан Саңхамкуртаң ёх Хишпана касаӆӆат. Саңхамкурт эӆты, йиңк хуват, ноптаӆты панэӆ унты 207 километра манӆат.