ПАДТРЫМАЙ «КРУМКАЧЫ»! Памятаеце, мы праводзілі апытанне сярод заўзятараў клуба? Шчыра ўдзячны кожнаму, хто адказаў. Вашы адказы вельмі сагрэлі і натхнілі. Больш за 50 чалавек гатовы штомесяц дапамагаць грашова для паляпшэння якасці трансляцый і іншыя дробязі. Пачаць можна проста зараз – 5-10-15 бел. рублёў не такая істотная сума, але калі нас многа, яна складаецца ў вагомую лічбу. Каб вам лягчэй было памятаць пра такую прыемную справу, нашыя заўзятары стварылі бот у Telegram, які будзе ненавязліва нагадваць пра неабходнасць пералічэння: https://t.me/krumkachy_donation_notify_bot Бот не збірае ніякіх звестак пра карыстальнікаў і іх данаты. Проста запусціце яго і атрымлівайце ветл
«Крумкачы» выступяць у дывізіёне горада Мінска ў Другой лізе сезона-2024. Нашымі сапернікамі стануць «Туркспор», «Юні Ікс Лабс», БДУ, «Аўтазаводзец-Трактар», «Ураджайная», «Тарпеда», «Энергетык», «Мінск-2», «Макслайн-2», СДЮШАР БФСТ Дынама. У 1 туры «Крумкачы» на выправе згуляюць супраць «Аўтазаводца-Трактара». Матч адбудзецца 16-19 траўня.
У сувязі з тым, што «Крумкачы» стартуюць у Кубку Беларусі з 2 раўнда, на гэтым тыдні нас чакае яшчэ адна таварыская гульня. У суботу зноў едзем у Бальшавік, дзе сустрэнемся з «Іслаччу-2». У мінулы раз матч атрымаўся складаным і скончыўся з лікам 0:0, але зараз хлопцы пастараюцца парадаваць гледачоў рэзультатыўным футболам. Чакаем усіх на стадыёне!
Матч 2 тура супраць «Віцебска-2» будзе перанесены. «Крумкачы» адправілі афіцыйны ліст у АБФФ з просьбай перанесці матч ў сувязі з чаканнем акрэдытацыі на права ажыццяўлення дзейнасці па развіццю фізічнай культуры і спорту. Планы на выходныя аб'явім у хуткім часе. Дзякуй за разуменне!
У суботу плануем ехаць у паўночную сталіцу Беларусі, дзе згуляем супраць «Віцебска-2» Улічваючы навіны, транспарт для заўзятараў мы арганізоўваць не будзем і раім вам набываць квіткі ў Віцебск толькі з магчымасцю павяртання. Калі будзе вялікая колькасць жадаючых паехаць у Віцебск, паспрабуем у чаце арганізаваць «бла-бла-кар» ці дамовімся з маршруткай. Пра ўсе навіны наконт матча будзем аператыўна паведамляць праз сацсеткі клуба.
«Крумкачы-2» таксама здабываюць сёння перамогу Упэўнена разграмілі «Колас» з лікам 9:1 Дзякуй усім, хто быў на трыбунах і ўбачыў 2 перамогі нашых каманд
Ужо ў нядзелю пачнем свой шлях у сезоне-2024 супраць каманды «Мінск-2». Як і заўсёды, нам патрэбна ваша гучная падтрымка на трыбунах. Чакаем усіх 28 красавіка на стадыёне РЦАР-БДУ! Улічваючы навіны, мы пакуль не запускаем продаж квіткоў і спадзяёмся, што матч адбудзецца пры любым надвор’і. Для нашых заўзятараў на стадыёне будзе працаваць намёт з атрыбутыкай, адбудзецца розыгрыш падарункаў ад клуба і партнёраў, карткі для автограф-сессіі з гульцамі.
21 красавіка адбудзецца доўгачаканая сустрэча «Крумкачоў» з заўзятарамі На мерапрыемстве вы зможаце не толькі пазнаёміцца з камандай, але згуляць квіз і атрымаць падарункі ад нас і нашых партнёраў, зрабіць крутыя фотаздымкі і не толькі! І самае галоўнае – першымі пабачыць гульнявую форму сезона-2024, а таксама новую лінейку атрыбутыкі. Кошт – 10 рублёў, які ўключае: – прывітальны напой ад нашага партнёра RedBull; – гарантаваны падарунак ад клуба; – квіток для ўдзелу ў розыгрышы. Чым больш квіткоў, тым большая верагоднасць перамагчы ў розыгрышы! Бо ў якасці прызоў мы прапануем: абанемент на сезон-2024, мерч новага сезона, а таксама гульнявую футболку з вашым прозвішчам! Дзецям да