Савол:ассалому алайкум, қори ака! Танишимнинг таниши ўзи ишлайдиган жойдан иш гаплашиб беряпти ва маълум миқдорда ҳақ оляпти. Унинг олган пули порами? Умуман олганда, пора бериб ишга кирса бўладими?
Жавоб:ва алайкумус салом. Ҳукмда масъул одамнинг пора олиши ҳаромдир. Бу борада ҳеч қандай ихтилоф йўқ. Сабаби бу зулмга, ҳақ-ҳуқуқлар поймол қилинишига олиб боради. Бунда пора талаб қилиш, уни бериш, қабул қилиш ва ўртада воситачилик қилиш ҳаром. Чунончи, пора бериб бирон лавозимга эришиш мумкин эмас. Чунки ўша лавозим ёки ишга сиз билан бирга бошқалар ҳам ҳақли бўлишлари мумкин. Агар сиз пора бериб ишга кирсангиз, бошқаларнинг илми ва истеъдоди қадрланишига, ҳақиқат қарор топишига тўсқинлик қилган бўласиз. Сиз каби пора бериб ишга кирадиганлар кўпайса, жамиятда малакали мутахассислар танқислиги пайдо бўлади. Сабаби пули бор одам ишга киради, пули йўқ, аммо илми ва малакаси юқори бўлганлар мардикорчилик қилиб ёки бозорда арава судраб юраверади. Пора берган “бойлар” бирон-бир мансабни ўзлари муносиб бўлмаган ҳолда эгаллаб, жамиятга зарар етказадилар. Тараққиётда ортда қолиш сабабларининг энг каттаси мана шунда.
Бироқ, уламолар каттароқ зарарни даф қилиш учун пора бериш жоизлигини айтишган. Шунингдек, бирон нарса фақат кишининг ўзига тегишли бўлса-ю, уни қўлга киритишга баъзи нарсалар тўсиқ бўлаётган бўлса, пора билан ўша нарсага эришиш жоиз, дейишган. Фақат бунда бошқалар сиз билан бир хил ҳуқуққа эга бўлмаслиги керак. Агар касб қилинадиган нарсага сиз ва бошқалар бир хилда эришиши имкони бўлса-ю, бунда илм ва тажриба муҳим ўрин тутса, унга пора билан эришилса, жоиз бўлмайди, дейилади.
Шунингдек, бир лавозимга эришишга пора бермаслик тўсқинлик қилаётган бўлса, ўша лавозимга бошқа одам тайинланиб, халққа, мусулмонларга зулм ўтказилишига сабаб бўладиган ҳолатда пора билан бўлса-да ўша лавозим эгалланади ва зулмнинг олди олинади. Зеро, бунда мақсад номуносиб бўлган одамни масъул лавозимга тайинланиши, бунинг оқибатида келиб чиқиши мумкин бўлган зулм ва ноҳақликнинг олдини олишдир. Валлоҳу аълам!
https://www.youtube.com/watch?v=QOm8ppuHBUE ❤️Remove Tube Ads With This Simple Tool #PureTuber ⬇️⬇️⬇️ https://play.google.com/store/apps/details?id=free.tube.premium.advanced.tuber&referrer=utm_source%3dGP_tubershare%26utm_medium%3dshare%26utm_campaign%3dGP_ptrshare
Присоединяйтесь к ОК, чтобы подписаться на группу и комментировать публикации.
Нет комментариев