ஜ MARAQLI HADİSƏLƏR ИНТЕРЕСНЫЙ СОБЫТИЯ ஜ

Власти индийского штата Ассам снесли дома около 500 мусульманских семей в ходе операции по выселению в районе Лутумари. Чиновники заявили, что жители незаконно заняли лесные земли. Во время операции также были снесены несколько религиозных объектов, включая мечеть. Семьи отвергли обвинения и заявили, что правительство поселило их на этой территории еще в 1970-х годах.

Nardaran sakini son zamanlar qəsəbədə baş verən hadisələrdən danışır...

İran Azərbaycanda hicaba görə təhsilini davam etdirə bilməyən Azərbaycan vətəndaşı qızları ölkəsinə dəvət edir. Bu barədə İranın Elm, Tədqiqat və Texnologiya naziri Hüseyn Simai-Sərrəf açıqlama verib. Onun sözlərinə görə, bu addımı dini qaydalarla yaşamaq istəyən qızların təhsildən geri qalmaması üçün atırlar.

Bakıda deputatın oğlunun da qarışdığı kütləvi dava olub. Xətai rayonunda “Ab Hava” restoranında baş verən kütləvi dava bir nəfərin ölümü ilə nəticələnib. DİN-in məlumatına görə, hadisə ilə bağlı 9 nəfər saxlanılıb. Hadisənin səbəbləri və saxlanılan şəxslərin hüquqi statusu ilə bağlı araşdırma davam edir. Dava iştirakçıları arasında deputat Arzuxan Əlizadənin oğlu Əhməd Əlizadənin də olduğu deyilir. Bildirilir ki, Əhməd Əlizadə hadisədən sonra polisə könüllü təslim olub. Arzuxan Əlizadə Milli Məclisin İnsan hüquqları komitəsinin sədr müavinidir və Azərbaycan Milli İstiqlal Partiyasına rəhbərlik edir. Onun digər oğlu Orxan Əlizadə Xətai Rayon Məhkəməsinin hakimidir. Kütləvi davada Ceyhun adlı şəxsi qətlə yetirməkdə şübhəli bilinən və hadisə yerindən qaçan MMA idmançısı Elmar Cəfərov haqqında bəzi detallar məlum olub. Elmar Cəfərov 2015-ci ildə Antalyada kempo üzrə dünya çempionu, 2018-ci ildə isə Bakıda budo üzrə dünya kubokunun sahibi olub. Qeyd edək ki, hadisədən sonra Elmar Cəfərovla birlikdə "Sabunçu Emin" kimi tanınan şəxs də hadisə yerindən qaçaraq gizlənib.

Azərbaycan Rusiyanın “Qazprom” şirkətindən yenidən qaz almaq niyyətindədir. Bu barədə SOCAR-ın vitse-prezidenti Elşad Nəsirov Rusiya Enerji Həftəsi çərçivəsində danışıb. Onun sözlərinə görə, SOCAR dünyada əvvəlcə “Qazprom”dan qaz alan, daha sonra bu şirkətə qaz tədarük edən, indi isə yenidən ondan qaz almaq istəyən yeganə şirkətdir. “ ‘Qazprom' kimi nəhəng şirkətlə əməkdaşlığımızın çox düzgün nümunə olduğunu qürurla deyə bilərik”, – Nəsirov bildirib. Azərbaycan 2022-ci ildə də “Qazprom”la müqavilə bağlayaraq Rusiyadan 1 milyard kubmetrə qədər qaz idxal etmişdi. Bu əməkdaşlıq Rusiyanın Ukraynaya genişmiqyaslı hücumundan və Qərbin Rusiya enerji sektoruna qarşı sanksiyalarından sonra beynəlxalq mediada müzakirələrə səbəb olmuşdu. Bir sıra nəşrlər Azərbaycan üzərindən Avropaya çatdırılan qazın bir hissəsinin Rusiya mənşəli ola biləcəyi barədə iddialar səsləndirmişdi. 2026-cı ildə Avropa İttifaqı Azərbaycan və Türkiyə üzərindən Avropaya daxil olan qazın Rusiya mənşəli olmadığının sənədlərlə sübut edilməsini tələb edən qaydalar qəbul edib. Prezident İlham Əliyev isə əvvəlki qaz idxalını Azərbaycanın daxili tələbatının artması ilə əsaslandırıb. Onun sözlərinə görə, ölkədə əhali və istehlak artır, metanol, karbamid və neft-kimya müəssisələri daha yüksək güclə işləyir. Azərbaycan eyni zamanda Avropaya və digər bazarlara qaz ixracını artırmağa davam edir.

Azərbaycanın adı milyardlıq sövdələşmələrdə keçir. İddiaya görə, Azərbaycan bankından Trampın kürəkəninə 750 milyon dollar, İsrailə isə 1 milyard dollar köçürülüb. Birinci iddiaya əsasən, adı açıqlanmayan Azərbaycan bankından BƏƏ-də yerləşən bir hesaba təxminən 750 milyon dollar köçürüldüyü qeyd olunur. ABŞ prezidenti Donald Trampın kürəkəni Cared Kuşnerin BƏƏ-də yerləşən hesab üzrə əməliyyat səlahiyyəti olduğu bildirilir. Bu iddia jurnalist Metyu Koulun “Vanity Fair” nəşrində yayımlanan araşdırmasında yer alıb. Koulun yazdığına görə, vəsaitin mənbəyi Səudiyyə Ərəbistanı və BƏƏ rəhbərliyi olub. Azərbaycan bankı isə pulun dollarla xaricə köçürülməsində vasitəçi kimi çıxış edib. Müəllifin təsvir etdiyi mexanizmdə banka rial və dirhəmlə daxil olan vəsaitin dollar ekvivalenti başqa hesabdan xaricə göndərilib. Lakin bankın adı açıqlanmır. Koulun yazdığına görə, Niderland hərbi kəşfiyyatı 2017-ci ilin sonlarında Kuşnerin telefon məlumatlarına çıxış qazanıb, daha sonra onun ekranını izləyə bilib. Kəşfiyyatçıların diqqətini Kuşnerin BƏƏ-dəki bank hesabına daxil olması çəkib. Müəllifin şərti olaraq “Alpha” adlandırdığı hesabın “First Abu Dhabi Bank”da yerləşdiyi bildirilir. Məqaləyə görə, hesabın hüquqi sahibi Kuşner yox, “Watani Al Emarat” təşkilatı olub. Kuşnerin isə hesab üzrə müəyyən əməliyyatları həyata keçirmək səlahiyyəti olduğu bildirilib. Koul bu vəsaitin qeyri-rəsmi diplomatik təşəbbüslərin maliyyələşdirilməsi üçün nəzərdə tutulduğunu yazır. Digər iddiada Azərbaycan üzərindən aparıldığı iddia olunan ikinci əməliyyatdan da bəhs edilir. BƏƏ-dən İsrailə Azərbaycan vasitəsilə təxminən bir milyard dollar göndərilib. Müəllifin “Beta” adlandırdığı ikinci hesabın İsrail Mərkəzi Bankında yerləşdiyi bildirilir.

Azərbaycanda 2035-ci ilə qədər elektriklə işləyən avadanlıqlara keçilməsi nəzərdə tutulur...

Avropa Birliyində yaşayan müsəlman və yəhudilərin halal, koşer heyvan kəsimi məsələsi ciddi müzakirələrə səbəb olub. Bu məsələ artıq Niderland parlamentində müzakirə olunur. Yəhudi və müsəlmanlar dinlərinin tələbinə uyğun olaraq heyvanların heç bir yuxu dərmanı istifadə olunmadan başının diri-diri kəsilməsini tələb edirlər. Xristian, dinsiz və ateistlər isə bunun heyvana əziyyət verdiyini, vəhşilik olduğunu söyləyirlər. Bu günlərdə Niderlandda SBS6 televiziyasının "Vandaag Inside" proqramında şərhçi Yohan Derksen müsəlmanların çoxluq təşkil etdiyi DENK (Düşüncə) Partiyasının deputatı Doğukan Erginə üz tutaraq “Heyvanın başı kəsiləndə nə hiss etdiyini bilməyin üçün sənin başını kəsmək lazımdır” deyə xitab edib. Bu da ciddi mübahisələrə səbəb olub. Deputat bunu ölüm təhdidi sayaraq məhkəməyə müraciət edib. Jurnalist isə deyib ki, bu sözləri ağrını, vəziyyəti diqqətə çatdırmaq, qabartmaq üçün işlədib. Onun kiməsə qarşı sui-qəsd planı yoxdur. Bəs siz necə fikirləşirsiniz: Heyvanların halal, koşer təqdimatıyla bu cür öldürülməsi insanidirmi?

Azərbaycan təhsili niyə getdikcə geriləyir? Bu, bacarıqsız təhsil idarəetməsinin nəticəsidir, yoxsa məqsədli siyasət?