Чолман

#Чолман#калык_вургем#тӱвыра_поянлык 13 сентябрь - Калык вургем кече Вера Манаева ден Леона уныкаже. Амчемучаш ял, Калтаса район. Камила Яковлева колтен.

КӦН ЯЛЖЕ ЭН МОТОР? ‼Конкурс #Шочмо#верем#шӱмбелем "Ардаш ялем- эн мотор кундемем" Элиза БАЙДИМИРОВА колтен. Мишкан район.

Ялнам сӧрастарена Изи Соказа ялыште кажне каныш кечын паша шолеш. Ял калык шке кудывечыжым гына огыл, ялымат сӧрастараш тырша. Кок арня почела субботникым эртарышна. А Яков Степанович Лукьянчиков ден Алена Витальевна Чижонок яллан сылне арт-объектым пӧлеклышт. 👇👇👇 (Умбакыже тыгай ссылке почеш лудса) https://cholman.info/articles/u-nomer/2025-05-07/yalnam-s-rastarena-4226719

Геройла вуйжым пыштен… Ешыштына ме вич икшыве кушкынна. Ачай ден авай шкештат изинек пашам ышташ тунемыныт да мемнамат тыгай шӱлыш денак ончен кушташ тыршеныт. Мый ныл шольымлан ик акашт лийынам. Тӧлдӧ ялыште пӧртна воктенак тӱҥалтыш школ верланен. Ме чыланат, тушто тунем лектын, Чорай ялысе кыдалаш школыш коштынна. Кум километр ӧрдыжкӧ. Кажне кечын. Поранан, йӱран годымат. Шошым, кугу вӱд годым, Тӧргым гоч лекташ огеш лий да асфальт корно дене йыр кает. Тыге ала-мыняр километрлан корно кужемеш. Тыге лу классым тунем пытарымешке. Школ гыч кас велеш, кум шагат гутлаштырак тунем толат. Суртышто уже вес тӱрлӧ паша вуча. Шыжым колхоз пасушто, пакчаште пареҥгым, ревым лукман-погыман. https://cholman.info/articles/Z/2025-05-13/geroyla-vuyzhym-pyshten-4232801

Поро пашаже ок мондалт 13 апрельыште Илиш район Анач ял калык специальный военный операцийыште илышыжым чаманыде кредалше да вуйжым пыштыше Алексей Анатольевич Тосаев дене чеверласыш. Тудым шарнен, пагален, шкеныштын да ӧрдыж ялла гычат калык курымашлык корныш ужатыме митингыш ятыр толын ыле. Курултай депутат, район да верысе администраций вуйлатыше, ял калыкат мутыштышт тудын чын верч лӱдде шогымыжым, шочмо ялжым йӧратымыжым, кумда чонан улмыжым, илышым йӧратымыжым палемдышт. 62 ияш ӱмырыштыжӧ пиалан жапшат, ойганжат - чыла лийын. Но тудо нигунам вуйым сакен, илышлан ӧкынен илен огыл. Анач да Андреевка кыдалаш школлаште тунеммаш, Совет Армий радамыште служитлымаш, ял озанлыкыште, нефтяниклан тыршымаштат, моло вереат шке сомылжым тӱрыс шуктен ыштен. 1995-1996 ийлаште контракт почеш Таджикистаныште служитлен, боевой действийын ветеранже улеш. СВО тӱҥалмеке, Шочмо элжым йӧратыше айдеме уэш кредалаш каен. 2023 ий сентябрь гыч 2024 ий декабрь марте штурмовик лийын. Штурмовой группа дене ятыр неле, лӱдыкшӧ заданий-влакым шуктен. Шочмо эл ончылно пуымо присягылан эре ӱшанле кодын. Алексей Анатольевич шочмо кечыже марте арня илен шуктен огыл. 2024 ий 27 декабрьыште неле кредалмаш годым геройла колен. Чеверласыме митинг деч вара ял калык, ака-шӱжарже-влак, марий йӱлам шуктен, патырышт дене чеверласышт. Узьмакыште кошт, Алексей. Поро пашат нигунам ок мондалт! Ф. БАЙТУКОВ. Анач ял, Илиш район. Еш архив гыч налме фото.