Як нафари солхӯрда ва ду ҷавонро имдодгарони қазоқ дар Ғозиёнтепа аз зери бинои 9-ошёнаи фурӯрафта берун оварданд.
Зикр гардид, ки имдодгарон дар шароити душвор зери хатари фурӯпошии иншоот ду шабонарӯз кор карданд.
Бояд гуфт, 50 наҷотбахши тоҷик (https://t.me/Sputnik_Tajikistan/9458) низ феълан дар Туркия қарор доранд ва дар бартараф кардани оқибатҳои заминҷунбии мудҳиш кумак мерасонанд.

Мақомоти Суғд аз афзоиши мизони худкушӣ ва сӯиқасд ба ҷони худ миёни ноболиғон дар минтақа изҳори нигаронӣ доранд.
Мадина Набизода, сардори Раёсати маорифи Суғд зимни нишасти хабарияш гуфт, ки давоми соли 2022 дар шимоли кишвар 29 чунин ҳодиса ба қайд гирифта шудааст, ки нисбат ба ҳамин давраи соли гузашта 5 ҳолат бештар аст.
Қаблан, мақомоти Хатлон аз коҳиш ёфтани худкушӣ миёни ноболиғон хабар доданд.

Оҷонси идоракунии ҳолатҳои изтирории Туркия гуфт, бар асари офати табиӣ 14 014 нафар дар ин кишвар кушта шуда, ҳамчунин 63 794 нафар маҷрӯҳ гардиданд.
Вазъ дар Сурия ба далели мушкилоти интиқоли кумакҳои башардӯстона ва ирсоли наҷотдиҳандагон боз ҳам печидатар аст. Теъдоди умумии кушташудагон дар он ҷо ба 2992 нафар расидааст ва теъдоди дақиқи осебдидагон то ҳол маълум нест.

Ин гуфтушунид, 3-9 феврал дар Бишкек баргузор шуд.
Мулоқоти ҳайатҳо дар фазои дӯстӣ гузашт, хабар медиҳад девони вазирони Қирғизистон. Ҷониби қирғиз дар бораи иқдомоти мушаххас дар роҳи ҳалли қазияи марз гузориш надодааст.
Бори охир, вохӯрии ҳайати Тоҷикистону Қирғизистон дар Хистеварз баргузор шуда буд.

Ин нуктаро Икром Субҳонзода, директори Агентии назорат дар соҳаи маориф ва илм дар нишасти хабарӣ изҳор дошт.
Номбурда сабаби қатъ гардидани фаъолияти муассисаҳои таълимиро мувофиқат накардан ба талаботи санадҳои меъёрии ҳуқуқӣ рабт дод.
Субҳонзода муассисаҳои "Хонаи бритониёгӣ", "Чароғи дониш", "Сафои Ватан", "Нури ховар", "Гимназияи сазовор" ва "Офтобак" -ро ном бурд, ки асосан муассисаҳои таълимию томактабии ғайридавлатӣ, ҷамъиятҳои кушодаву пӯшида ва ташкилотҳои ҷамъиятӣ будаанд.

Дар нишасти матбуотӣ пас аз мулоқоти Макрон, Шолтс ва Зеленский дар Порис раисҷумҳури Олмон иштибоҳан ҷойи Зеленский ва президенти Украина ҷойи Шолтсро барои чанд муддати кӯтоҳ гирифтанд.
Бо кумаки Макрон ин ду раисҷумҳур ахиран ҷояшонро пайдо карданд.

Кормандони гумруки Русия дар як соли ахир беш аз 11 ҳазор кӯшиши интиқоли пулро пешгирӣ кардаанд.
Асъори асосӣ - рубли русӣ, доллари ИМА ва евро буданд.
Пул на танҳо аз Тоҷикистон, балки аз Туркия ва Имороти Муттаҳидаи Араб ҳам оварда шудааст.
Аммо, аз Русия на ба Тоҷикистон, балки ба Туркия, Имороти Муттаҳидаи Араб, Озарбойҷон, Ӯзбекистон ва Исроил бурда мешуд.

Қувваҳои мусаллаҳи Украина калисоҳои православиро на танҳо дар Украина, балки дар Донбасс низ вайрон мекунанд.
Мо навори калисоҳо ва дайрҳои харобшударо дар қаламрави ҶМД ва ҶМЛ аз оғози амалиёти махсуси низомӣ то кунун пешкашатон мекунем.

КҲФ хабар дод, ки ҳавопаймо бо имдодгарони тоҷик субҳи имрӯз дар фурудгоҳи Истамбул фуруд омад.
Зикр гардид, ки наҷотбахшон ҳамроҳ бо худ тамоми таҷҳизоти садамавӣ ва наҷотро низ бурданд.Тоҷикистон бори нахуст имдодгарони худро ба хориҷи кишвар барои расонидани кумак сафарбар кард.