06.2013... Bu kunni eslasam, dod solgim kelaveradi. Dunyodan qo'l yuvgim, tarkidunyo qilish haqida o'ylab qolaman... Bolaligim esimga tushadi. Ko'cha changitib yurib-yurib, och qolgach, qayerga borish haqida o'ylab qolardim: uydagilar ishda. Va har doimgiday yagona yo'l - o'sha uyga kirardim... Mehribon jilmayish menga qarab: e, bots(to'ladan kelganim uchun shunday erkalanardim), keling, keling. Ovqat suziladi, yeyiladi, shirin choy ichiladi.(dasturxon atrofida ota, ona va 4 o'g'il. Hammasi meni choyimga shakar solib, aralashtirishimni kutib o'tiradi, keyin qoshiqcha bo'shagach, ular shu ishga kirishishadi... Qizig'i, hech qaysi biri qoshiqchani ber tezroq deb jerkimaydi, jimgina, jilmayib, kutishadi. Juda cho'zvorsam, o'g'illardan bittasi kulib qarab: qarachi, piyolang teshilib qolmadimi deya hazillashadi). Keyin men dasturxon atrofidagi yagona ayolga qarab: xola, maylimi kompyuter o'ynasam? Yana o'sha jilmayish: zerikdingmi, mayli. Faqat ko'p o'tirma... Yillar o'tdi, men o'qish yuzasidan boshqa shaharga ketdim... Lekin har kelganimda, o'sha mehribonning mehribonchiligini his qilish uchun o'sha uyga yuguraman... E, bots, keling keling... Hastalikdan qiynalayotgan yuzning quvonchli jilmayishi... Soatlab gaplashish... Ketishimdan oldin, o'zi shundoq ham dori darmonga pul yetkiza olmayotgan odam, qo'limga 25 ming so'm pul tutqazib: pensiya oludim, yo'lkira qilarsan, ota onang qiynalib kontrakt to'layapti, yordam berolmayapman... 20.06.2013. Doktor, ahvollari qanday? Umid yo'q, uyga olib ketishlaring mumkin... Uyga olib keldik. Tuni bilan azob chekdi. Ertasi kuni soat 9da uzildi. Biz, qotillar esa, uni o'limini kutdik, hech qanday harakat qilmay o'tirdik, ODAMning o'limini kutdik... Bugun esa, o'sha mehribonni, ODAMni, jilmayishni eslash bor...xolos. Uning hayotini oxirgi kunlarini o'ylar ekanman, bir fikr hech tinchlik bermaydi: yaxwi ota ona bo'lish qiyin ekan, yaxshi farzand bo'lish qiyin ekan, umuman, yaxwi inson bo'lish qiyin ekan. Lekin u hammasi edi. Undan odamiylik, mehr, oqibat, VIJDON, IYMONdan iborat 63 yillik ibratli umr qoldi...
Присоединяйтесь к ОК, чтобы подписаться на группу и комментировать публикации.
Комментарии 1