"ТУЛПАР" - синең журналың!

Рафаэль СИБАТ. Сөйкемле сөяк. Повесть-поэма (Ахыры) Черек алма бирде быел Бакчамдагы алмагач. Чыбыркыма асылындым, Түзәр хәлем калмагач. https://tulpar.info/articles/ch-chm-s-r/2026-07-10/rafael-sibat-s-ykemle-s-yak-povest-poema-ahyry-4748237

Ир җенләнеп йортка чыгып китте, мунча, келәт эчләреннән хатынын эзләде. Үзе туктаусыз сүгенде. – Бер тере җан иясе юк! Кайдалар соң болар? Көпә-көндез кайда йөриләр? Эшләре беткәнмени? Үзе шул, пришкольный участок дигән булып, мәктәбендә ләчтит сатып ятадыр инде! Малае кайда? Төне буе йөри дә көне буе йоклый иде бит. Бүген кайда булган? Әллә сыер акыра абзарда? Бүген дә көтү кумаганнар бит болар! https://tulpar.info/articles/ch-chm-s-r/2026-07-15/g-l-mir-adi-kuyan-k-cht-n-che-roman-2-4752973

Рафаэль СИБАТ. Сөйкемле сөяк. Повесть-поэма (3) Без бит әле үбешә дә белмибез икән, ә үзебез яратышып йөрибез. Һичьюгы, йөргән булабыз. Кичә кич, әнә, икебездә дә үбешеп карау теләге туган иде, борыннар борынга туры килсә дә, иреннәр иренгә нигәдер туры килмәде. Син бик оялып качып киттең, мин дә өйгә йөгердем. Атылып өйгә кердем дә олы якта бабайлардан калган көзгегә капландым. Бөтен курыкканым – борыным иде. Беләм бит: синең борының кечкенә, уймак кебек кенә. «Ә минеке? Теге кинодагы кавказ кешесенеке кебек киртә буе мәллә?» – дип курыктым. Юк икән! Кешенекеннән артыгы да, киме дә юк. Ә шулай да, борыннар белән үбештек без, борыннар белән. Борын-борыннан кыз һәм егет иреннәр белән үбешкәннәр, ә без борыннар белән. https://tulpar.info/articles/ch-chm-s-r/2026-07-08/rafael-sibat-s-ykemle-s-yak-povest-poema-3-4745306

Гөл МИРҺАДИ. Куян күчтәнәче. Роман (1) Нәсел үгезе кебек, яшьтән үк сикергәләп торасың бит. Армиягә киткәнче дә аз кызларны әрәм итмәдең инде, белә-әбез! Кылган гөнаһларыңа тагын берне өстәгәннән берни дә үзгәрмәс! Бар, бар! Кадеремне белер идең, мәлгунь: үз кулларым белән оҗмах кошыдай чибәр хатын кочагына салам бит! – Нәзирә, көч-хәл белән ир галәмәтен этәргәләп кертеп, куркуыннан калтырап почмакка сеңгән кызының караватына аударды да, мәче баласыдай әнисенең аяк очына йомарланып яткан малайны нечкә кулларыннан өстерәп янәшәдәге үзенең ятагына илтеп салды. Үзе, мич артының төтен кунып беткән чаршавын тартып куеп, чак өстерәлеп урындыгына килеп утырды. https://tulpar.info/articles/ch-chm-s-r/2026-07-14/g-l-mir-adi-kuyan-k-cht-n-che-roman-1-4751094

Бүген хөрмәтледән-хөрмәтле каләмдәшебез, иң матур җырлар авторы, язучы, шагыйрә, шәфкать туташы Дилә Булгакованың туган көне. Сөйкемле өлкән апабызны шушы матур яше белән ихлас котлыйбыз, сәламәтлек, әдәбият, җыр сөючеләрне тагын да шатландырып, озак яшәвен телибез. Дилә Хәмзә кызы 1937 елның 11 июлендә Кырмыскалы районының Бозаяз авылында туа. Җиденче сыйныфны тәмамлагач, Стәрлетамак шәһәрендә урта мәктәпне, Уфада медицина училищесын тәмамлый. Хезмәт юлын Салават химия комбинатының санитар частенда шәфкать туташы булып башлый. Аннары Башкортстан Эчке эшләр министрлыгына караган дәвалау учреждениеләренә күчерелә. Сәламәтлек саклау өлкәсенә утыз җиде ел гомерен бирә. Дилә Хәмзә кызы төп эшеннән буш вакытларында шигырьләр, нәсерләр, пьесалар, хикәяләр, юморескалар, балалар өчен әкиятләр иҗат итә. Әсәрләре урта мәктәптә укыган чагыннан бирле татар, башкорт һәм урыс телләрендә чыккан гәзит-журналларда әледән-әле басылып килә. Ул ике дистә китап авторы. Шагыйрәнең җырлары да халык арасында киң таралган. Йөздән артык шигыренә композиторлар көй язган. Алар бик популяр. ДИЛӘ БУЛГАКОВА ЮЛАУЧЫЛАР КЕРСӘ... “Бисмилла”лап кына пакьлән әле, Намазыңны укы, калмасын. Яшең йотып, Аллаһыдан сора, Кабул булыр теләк-намазың. Юлаучылар керсә, казаның ас, Табыныңа укып, шөкер кыл. Рәхмәтеңнән бәрәкәтең артыр, Нәнәләрең кебек сабыр бул. Юлаучылар керсә, казан асып, Каршы алыйк ихлас күңелдән. Арасында, бәлки, кунакларның Хозыр-Ильяс бардыр, кем белгән. Юлаучылар намаз укып китсә, Сарылып калыр азан-догалар. Хушлашканда хәерләрең өләш, Бабалардан калган йола бар. * * * Бу дөньяда ташның була күп төрлесе: Шомарганы, ярылганы йә серлесе. Кайчагында таш астыннан елга чыга. Көтмәгәндә таш астыннан елан чага. Кайберсенә кояш нуры сеңеп калган, Кайсы яна мең-мең төстә, ләкин ялган. Гәүһәр бу, дип үрелгәнче уйла башта, Гади таш та охшаш була асылташка. ЧАҢ КАГА КЫҢГЫРАУЛАР Каен тузлары ята, Зифа буйлы каеннарны Чапкалап киткән балта... Каеннар кара көйгән. Имәннәре горур, диләр, Алар да башын игән... Акланнарда шомлы аваз, Үләннәрдә изелә наз, Чаң кага кыңгыраулар: Себерке сындыралар, – Каеннарның кул-ботагын Өзгәләп тондыралар. Урманны шом биләп үтә, Җиккән атлар дертләп китә, Чаң кага кыңгыраулар. ИЗГЕ КОШЛАР Хушлашмыйча ак торналар китә, Ояларын җилләр тараткан. Моңсуланып калган якты дөнья, Көз авазы килә ерактан. Киткән чакта туган якларыннан Ни кичерә икән торналар? Кай тарафта тукталырлар инде, Ничек каршы алыр ят яклар? Озатамын изге кошчыкларны, Болытлар да яшькә тулгандыр. Моңсуланган, сагышланган җиргә Шуңа көзләр килә торгандыр. Сәфәрегез ерак, ак торналар, Язмышыгыз безгә билгесез. Киткән кебек парлап кайтыгызчы, Язлар урап килмәс, юк, сезсез. Язлар килмәс безгә, юк, сезсез! ӘЙЛӘНӘ ОРЧЫГЫМ Китәләр, китәләр кошкайлар, Офыкка сарылып моң кала. Кулымда әйләнә орчыгым, Әйләнеп, бәйләнеп тын кала... Орчыгым җебенә тезелә Гомернең мизгелләр сәйләне. Ачышлар, югалту, табышлар Өзелеп-ялганып бәйләнде. Озата чыкканда кошларны Тоямын көзләрнең сулышын. Буш калган оялар чайкала, Җил ала аларның җылысын. Кулымда әйләнә орчыгым, Гомерем җепләре урала... Кошларның моңына бәйләнеп, Офыкта ак җебем югала... Фәния Габидуллина.

Гаепсезгә гаепләнүче 13 ел төрмә өчен – 4 миллион сум компенсация? https://tulpar.info/articles/d-nya-bu/2026-06-30/gaepsezg-gaepl-n-che-4737349

Кайдан без килдек икән дә юл тотабыз икән кайда? Без белмибез, бар микән бу дөньяда бездән файда? Кешеләрнең тәнен, җанын таптап үтә галәм тәгәрмәче, Көл-күмергә калып яна алар, ә төтене кайда? https://tulpar.info/articles/-mgyyat/2026-07-09/berkemg-d-hu-a-kol-bulmasa-ze-b-hetle-bulgany-a-sh-kere-yt-t-re-4744672

Рафаэль СИБАТ. Сөйкемле сөяк. Повесть-поэма (2) Мәхәббәт – юләрлек, әмма акыллы юләрлек… https://tulpar.info/articles/ch-chm-s-r/2026-07-07/rafael-sibat-s-ykemle-s-yak-povest-poema-2-4744012

Бүген Уфа университетының татар филологиясе һәм мәдәнияте кафедрасы мөдире Альбина Хәлиуллина, укытучылар Зәбирә Кәримова һәм Гөлсинә Гайнуллина профессор Суфиян Поварисовның кызы Клара ханыма кунакка барды. Кырмыскалы авылында Суфиян Шәмсетдиновның архивын барлады, истәлекләргә бирелде. Клара Суфиян кызы әтисенең архивын кадерләп саклаган һәм аны кафедрага тапшырмакчы. Соңгы чорда кафедра фәнни мирасны, китапханә фондын барлау өчен зур көч куя, бу максаттан Башкортстан Башлыгы грантына да ия булды. Бу уку елында татар теле һәм әдәбияты кабинеты җиһазландырылды, профессор Алмаз Шәйхуловның фонды ачылды. Алмаз Галимҗан улы гомере буена бик күп китаплар җыйган. Фонд аның университет лабораториясендәге китаплары нигезендә тупланды. Хәзер инде аны А. Шәйхуловның гаилә китапханәсендәге басмалары да тулыландырачак. Соңгы атналарда фонд базасында студентлар Гөлсинә Гайнуллина һәм Илдус Фазлетдинов җитәкчелегендә фәнни-гамали практика үтә, чыганакларны системалау, библиографик теркәү серләренә өйрәнә. Дилбәр Булатова. #ФСГОРБ #ГрантыРБ #НКАТ РБ

Әмир ӘМИНЕВ. Бүре балалары. Хикәя (Ахыры) Йөгерә-йөгерә капкадан чыгып, машиналарына ашыккан арада, «кайнана»сының: – Сволочи, басурманы, чукчи, дикари! – тагы әллә нәрсә дип әрләгәне, каргаганы ишетелде. https://tulpar.info/articles/ch-chm-s-r/2026-07-04/mir-minev-b-re-balalary-hik-ya-ahyry-4741018