Инклюзивный добровольчествым вияҥдаш виктаралтше проект волонтёрство сферыште сеҥышыш лектын.

200 тӱжем теҥге грант дене «Соҥгыра-влакын всероссийский ушемышт» инвалид-влакын общероссийский мер организацийыштын Марий региональный отделенийжын вуйлатышыже Екатерина Бойко палемдалтын. Тудын «Обучающий семинар для неслышащих «Волонтёрство без границ» проектше ончыкыжым начарын колшо-влаклан волонтёр пашан негызшым пален налаш да тушто шке вий-куатыштым кучылташ полша.
– Тыгай сынан проект-влак шке моштымашым ончыктымашке да Марий Элыште илыше-влаклан йӧнан йырвелым ыштымашке кугу надырым пыштат манын ӱшанем. Тиде кӱлешан задачым илышыш шыҥдарымаште сеҥымашке шуаш тыланем, – возен шке телеграм-каналыштыже республик вуйлатыше Юрий Зайцев.