Баярскай бібліятэкай- клубам была праведзена краязнаўчая мазаіка

" Скарбы сялянскай хаты". Мерапрыемства пачалося ў бібліятэцы, але прадоўжылася ў бацькоўскай хаце бібліятэкара, дзе сплялася даўніна і сучаснасць. Удзельнікі мерапрыемства змаглі наглядна пазнаёміцца з побытам і інтэр'ерам сялянскай хаты. Пабачылі сапраўдны куфар, даведаліся пра яго функцыю. Душа вясковай хаты-печ, якая і карміла і абагравала сям'ю. Дзеці па чарзе спрабавалі самі паставіць чыгунок у печ, вучыліся выкарыстоўваць вілкі(ухват). Гэты занятак ім спадабаўся і зацікавіў. Саматканыя посцілкі, ручнікі, абразы-захоўваюць у сабе цэлую гісторыю. Круглы стол, які былы гаспадар хаты сам змайстраваў, як сімвал яднання сям'і, за ім пачаставаліся ўдзельнікі мерапрыемства смачнымі булкамі. Даўно пайшлі гаспадары з жыцця, але пакінулі добры след пасля сябе для сваіх нашчадкаў. Яблыкі з бацькоўскага саду- смачнейшыя ў свеце. З гэтым згадзіліся дзеці паспытаўшы іх. Мэбля, лубкі, кашы-справа рук гаспадара. Мерапрыемства вучыць маладое пакаленне шанаваць нашу спадчыну, беражліва, з любоўю да яе адносіцца.