Журнал "Казан утлары"

Чын шагыйрь... Һаман да шагыйрь! Татар поэзиясенең җитмешенче-туксанынчы еллар үсешендә якты һәм тирән эз калдырган иң талантлы шагыйрьләребезнең берсе – ул, һичшиксез, Зөлфәт. 🔗https://kazanutlary.ru/news/d-bi-t-nkyjt/chyn-shagyyr-aman-da-shagyyr

...Күкләр минем биләмә түгел. Екатерина II Гаҗәп хәлләр тулып ашкан чорда искә төшә шушы сүз һаман, – Әби патша кулы җитмәс күккә бидгатьләрчә нәфес сузмаган. Хәзер инде бүтән төрле үлчәм шул ук чакрым, аршын, карышта. Заманыңда иман зәгыйфьләнгәч түбәнәя кебек гареш тә. Ачыттыргыч бугаз төерендә тыпырчынып куя зар-нида. Туймас адәм, әнә, бүлеп алган бозлык астындагы җирне дә. Мәнсезлеккә тәңгәл галәмәтне яңа җиһангирлар уң саный. Андый затлар михнәт чиккән илгә бәхет иңдерергә уйламый... Кыйтгаларның ничә кишәрлеккә теленүен, йәгез, кем әйтә? Кысан гына гүргә сыяр хаким һәнүз биләмәсен киңәйтә. Комсыз бәндә, шулай зурдан кубып, күкне бүлгәләргә тотынды. Тәнбиһ итә һатиф3: «Ходай орган, үз-үзеңне тыйнак тот инде!» Галәбәле гөруһ гамәленнән сискәнәдер сымак галәм дә. ...Әби патша сүзе үлеп ята җанны чәнчеп торган каләмдә. 3 Күктән иңгән аваз кисәтүе мәгънәсендә. Зиннур Мансуров

🎭 Казан егетләре Җырлы-биюле комедия Автор — Мансур Гыйләҗев Режиссер — Айдар Җаббаров 📤 Индира Габдуллина

Куеныңда ни бар? (хикәя) Көн-төн интернет аша милек сату эшендә кайнаган Илнур өчен җомга бик тиз җитте. Үзе яшәгән кунакханә каршындагы мәчеттә ара-тирә намаз кылды. Җомгага янә шунда, ләкин соңлабрак керде. Ул чыкканда инде карт нәкъ үткән атнадагы кебек чәй эчәргә хәзерләнгән, әмма уе гына чәйдә түгел кебек, һәр чыккан кешегә күз салып утыра иде. Көтә, димәк. 🔗https://kazanutlary.ru/news/hikaya/kuenynda-ni-bar-xikaia

Хәерле көн ✨ Татар мәкальләре һәм әйтемнәре сүзлегеннән 📚

Без атлаган юлдан ялгыз үттем. Күңелемдә туфан кузгалды. Бәгыремнән тамган яшем кочып, Җансыз тузан мине кызганды. «Хуш!» дигәнең кайтавазлар булып Бәргәләнде җаным түрендә. Җиргә төшәм, җибәрегез мине – Кысан чиксез хыял күгендә. Йөрәгемә кемдер бензин сипте, Аннан күрдем очкын очуын. Йөрәк янды... Ә мин тойдым бары Битарафлык кысып кочуын. Сулыш җитми. Тыным, үпкәм кыса. Ничек атлыйм? Ничек? – Оныттым. Синнән калган ак чәчәкле гөлне Күз яшьләрем сибеп корыттым. Һәр кешедән синең йөзне эзлим, Исемнәрдән – синең исемне. Кайсы ярдан, кайсы суга ташлыйм Көннәремне буган хисемне? ...Һәм мин көлне кагып торып бастым, Күтәрелдем кабат күкләргә. Безнең ара шундый якын үзе, Аралый тик бәхет. Күк. Пәрдә… Дания Нәгыймуллина

Бу җиһанның һәр почмагы таныш, Җиһан – миңа, мин җиһанга туган. Бер күрүдән таныйм Мәхәббәтне – Бар дөньямны кинәт югалтудан... ✍️ Шагыйрә Гөлназ Гарипова-Дениз шигыре – безнең карточкаларда. 📤 Индира Габдуллина

Ник керәсең төшләремә? (бәян) Төнлә Әкълим дусны йөрәге уята, ул даруын алырга дип кулын суза һәм шул килеш җан тәслим кыла. Кыскасы, 2004 елның 21 июлендә тынгысыз йөрәге тибүдән туктый... 🔗https://kazanutlary.ru/news/hezine-edebi-konkursy/nik-kerse-tshlrem-byan