Ալելու - հավանաբար առաջացել է Ալելույա՜ (լավ լուր) արտահայտությունից: Առ այսօր Ներքին Գետաշենում պահպանված քրիստոնեական ավանդույթ: Զատկի գիշերը (հունվարի 5) պատանիներն ու մանուկները դուրս են գալիս գյուղամեջ, տների բակերում «Ալելու՜» բացականչելով ազդարարում Հիսուսի ծնունդը և իրենց տոպրակները (ավելի վաղ գուլպա) նետում տների շեմքից ներս և թաքնվում դրսում` ձեռքում բռնած տոպրակին միացված երկար պարանի մյուս ծայրից: Տանտերերը ուրախությամբ տոպրակներում դնում են քաղցրավենիք, մրգեր, ընդեղեն և զանազան ուտելիքներ` իբրև փոխհատուցում լսած լավ լուրի: Սովորույթը կարծում եմ գալիս է Ալաշկերտից, հետաքրքրվել եմ դեռ և չեմ հանդիպել ոչ մի ուրիշ բնակավայրում: Ունեմ մի քանի տարվա սեփական տեսանյութերի արխիվ: Համեցե՛ք, շատ ուրախ է և հետաքրքիր: