Bu eşqin yasını saxlamayacağam,
Sən gedən yollara baxmayacaöam.
Ağlasam gizlicə ağlayacağam,
Mənim göz yaşlarımı görməyəcəksən.
Taleh oyunlara atacaq səni,
Fəryadın göylərə çatacaq sənin.
Günahın gözünü tutacaq sənin,
Mənim gözyaşlarımı görməyəcəksən.
O gülən şəklinə baxıb ağlasam.
Gözümə bir eynək taxıb, ağlasam.
Üzümü ovcuma sıxıb, ağlasam.
Mənim göz yaşlarımı görməyəcəksən.
Sən elə bilmə ki,qəmdən uzaqsan.
Bir yağış altında sönən ocaqsan.
Üzümə baxmağa utanacaqsan,
Mənim göz yaşlarımı görməyəcəksən.
İkimizdə bir ürək var,
Yarı məndə, yarı səndə.
Sevgi adlı bir ağacıq,
Budaq məndə,narı səndə.
Çiçək ətri gül üzündə,
Min məna var hər sözündə.
Bir buluduq göy üzündə
Yağış məndə,dolu səndə.
Bir ovçuyam,günüm ovda
Qaçhaqaçda,qovhaqovda,
Eşqimiz bir şirin sevda
Pətək səndə,balı məndə...