Axad Qayum Iqbol Mirzo Muhammad Yusuf va boshqalar

Энди муҳаббатдан сўз очмайман,бас, Айрилиқ ўтида куйганим етар. Жонимга минг битта жафо керакмас, Бир қизни шунчалар суйганим етар! Энди муҳаббатдан куйламасман ҳеч, Юрагим қон бўлди,синди қаламим. Мен ишқни истадим,ёндим эрта-кеч, Оқибат бўғзимда қолди аламим. Ўртандим,соғиндим,оғринди дилим, Ишққа қурбон қилдим достонларимни. Севгимга бахт тилаб,қалтираб қўлим, Сочларига илдим армонларимни. Сочларингга илдим армонларимни, Йиғладим ва кўндим,айтмадим бир сўз. Елларга совуриб имконларимни, Юрагимни ярим қилдинг Қоракўз! Энди яшолмайман,юрагим ярим, Яримта қалб билан мажруҳ тандаман. Куйган дилдан бўлак нимам бор маним? Мен бир муҳаббатдан куйган бандаман. Йиғлаб ёзганларим сенга бўйтумо

Соғинчдан сўзласам, десангиз сабр, Инграсам хижронлар қадаган нишдан. Ҳўп майли, юракка бўлса ҳам жабр, Гаров ўйнаймизми соғинтиришдан? Қўнғироқ қилиш йўқ, олиш йўқ хабар, Бўлса ҳам сония йилга баробар, Қароғингиз ёшга тўлгунга қадар, Гаров ўйнаймизми соғинтиришдан? Висолнинг йўлига боғлаб тугунча, Қайсар дил ғурурни унутолгунча, Сабрга сабрингиз етмaй қолгунча, Гаров ўйнаймизми соғинтиришдан? Шунда англармидик севгининг кучин, Гарчи, фиғонимдан чиқса ҳам тутун, Дийдорнинг қадрига етмоқлик учун, Гаров ўйнаймизми соғинтиришдан? АЗАМАТ ЗИЁ

Бир кўрдиму кўникдим оҳ, Қайсар кўнгил фармонига. Банди бўлдим қилиб гунох, Муҳаббатни зиндонига. Асир этди сирли қараб, Пари рухсор, гулғунча лаб, Чидайманда севгим сабаб, Озори мўл хижронига. Майли деди, тинглаб розим, Қўйиб бирдан эътирозин, Чалиб шодон висол созин, Учдим севги осмонига. Висолки бир завқи бўлак, Шиддати зўр, шавқи бўлак, Ёрим томон элтар йўлак, Келтирди ишқ майдонига. Майдон тўла мандай ошиқ, Барчасининг кўнглида ишқ, Юрагимга санчилди ниш, Учраб рашкнинг ёмонига. Холим хароб қилди мани, Макрин кўринг маккорани, Алданибман айёрани, Билмай ширин ёлғонига. Дил қатидан кўчиб кетди, Исми, ёди ўчиб кетди, Бир қушдайин учиб кетди, Бегонанинг айвонига. АЗАМАТ ЗИЁ

Soginch qiynar, soginch yomon, O'qlar otar qoshi kamon, Yo'llarim berk sening tomon, Borolmayin qoldim afsus. Tutay desam bermay qo'ling, Oshiqlarga to'lgan yo'ling, Ming urinsam nozik qo'ngling, Ololmayin qoldim afsus. Bildirasan ko'p e'tiroz, Sani jondan sevganim rost, Poyinga guldan poyondoz, Sololmayin qoldim afsus. Firoqinga ko'ndimda jim, Bir o'zingni deydi ko'nglim, Yuraging chin egasi kim? Bilolmayin qoldim afsus. AZAMAT ZIYO

Менку, билмай алдандим, Xуснингиз xийлосига. Сизчи, билиб кетдингиз, Ёт ёрнинг тиллосига. Боғлаганди чинданам, Қошларингиз қораси. Энди билдим, бир қадам, Вафо, нафрат ораси. Кўтаргандим кўкларга, Қўлим етмас мохим деб. Муштлаяпман кўксимга, Севганим-гуноxим деб. Ёлғиз қолдим ишқ билан Кетганда ёр қайрилмай. Баxтга йетмоқчи эдим, Севганимдан айрилмай. Тақдир бўйнимга армон, Ойқизга маржон илди. Зарни севган ёримга, Севишим камлик қилди. АЗАМАТ ЗИЁ

УЙЛАНАМАН Худо берган дардку бу ҳам бордир даво, Балки ойлаб, балки йиллаб қийналаман. Фарзандига ёмонлик хеч кўрмас раво, Она, мен сиз айтган қизга уйланаман. Майли ишқим юрак бағрим ўйиб кетсин, Майли юрак азобларга тўйиб кетсин. Ўша мени қийнаган қиз куйиб кетсин, Она, мен сиз айтган қизга уйланаман. Шунчалар ҳам оғридими кўнгил деган, Тун кечалар ухлолмасдан ўйланаман. Дил берганим дилдорликдан олис экан, Она, мен сиз айтган қизга уйланаман. Онажоним, она сиздек ким мехрибон, Ишонганим бўлолмади жонимга жон. Бир қиз топинг ўзингиздек чин мехрибон, Она, мен сиз айтган қизга уйланаман. Навзод Ҳамро