Matyuara xaaar

შენზე ფიქრებში ვათენებ ღამეს, ამ გულში მარტო შენი ხატია. ისე ძლიერად მომნატრებიხარ, არ ვიცი სული რამ გადარია. შენზე ლოცვაში მათენდება და შენზე ფიქრები გულს არ აკლია. სიზმრად მოსული ანგელოზი ხარ და შენთვის ლოცვა ჩემი ვალია. ვიცი რომ სულაც გადამივიწყე, ჩემთვის არასდროს არა გცალია. რა ვქნა მე კი შენ ვერ დაგივიწყე, ეს ხომ ამ ჩემი გულის ბრალია.

ცივა... უშენობით ტირიან წვიმები, გულში კი ჯერ ისევ სითბოა ულევი... მე შენს მონატრებას შემოვეწირები, ისე მიყვარხარ და მეგულისგულები... ახლა შავ - თეთრია უფერო ფერები, მწყინს და მოწყენილიც დიდხანს ვერ ვიქნები; ო, რა ჯავრიანად მიდის სექტემბერი, ალბათ უშენობა ჩემი ბედი არი... ხედავ? - როგორ მათბობ, როგორ გეფერები ასე ნაწყენი და ასე სევდიანი... წვიმს და ეს ოხერი წვიმაც აღარ მინდა, სული უშენობით სხეულს არც ინებებს... ნახავ, ეს თვალები ჩემი საფლავიდან, როგორ სიყვარულით გამოგაცილებენ!