lашураъ де 9.

09.19 ду.
Хаттар: Хьайн дIадаханчу шеран къиношна гечдан лаьий хьуна?
✔️Жоп: Абу Къата́дата (АллахI реза хуьйла цунна) дийцина, АллахIан элчане (саллаллахIу IалайхIи ва саллам) Iа́шу́ра́ъ дийнахь марха кхабарх лаьцна хаьттира аьлла, тIаккха цо элир: «ДIадаханчу шеран къинош дIадойу цо».
[Сахьи́хь: Муслим: 1162]
Кхечу хьадисехь Абу Къата́дата (АллахI реза хуьйла цунна) дийцина, Пайхамара (саллаллахIу IалайхIи ва саллам) элира аьлла: «Iа́шу́ра́ъ дийнахь марха кхаьбначунна АллахIа гечдаре дог догIуш ву со дIадаханчу шеран къиношна».
[Сахьи́хь: Муслим: 1162]
- Ткъа оцу Iа́шу́ра́ъ денца, цул хьалхара цхьа де марха кхабар а суннат ду, цунна далил - Пайхамар (саллаллахIу IалайхIи ва саллам) аьлла: «...ИншаАллахI, вай юха шаренга довлахь, (Iа́шу́ра́ъ дийнал хьалхара) 9-гIа де а кхобур ду вай...».
[Сахьи́хь: Муслим: 1134]
- Амма Iа́шу́ра́ъ дийнал тIаьхьара де кхаба оьшуш дац, хIунда аьлча цу хьокъехь деана долу хьадис даIиф ду.
- Шен мархийн баттахь дисина, тIекхаба дезаш марха долчунна а мегар ду оцу шина дийнахь марха кхаба, цуьнан ши некъ бу:
1- Шена лаахь, шен дисина марха, юха тIекхобур долуш, дита а дитина, и ши де кхобур ду.
2- Шена лаахь, шен дисина марха а, хIара суннат марха а кхаба шинне ният дина, кхобур ду. Иштта кхабахь - диснарг тIера а дер ду, суннатах ял а хир ю.
- Ният «суннат марха кхаба» аьлла, дагахь хилчхьана кхачам бу, багахь хIумма а баха оьшуш дац. «Кхана марха кхобур ду ас», - аьлла дагчохь сацам хиллехь - иза ният лоруш ду, цунах олуш ду и.
- Iа́шу́ра́ъ денна хьалхарчу дийнахь марха кхабаза виснехь, деккъа Iа́шу́ра́ъ де кхаба мегар ду, хIумма а дац. https://vk.com/yalsaman