Futbol Yangiliklari

"Бавария" Эден Азарни нишонга олган "Бавария" бош мураббийи Хосеп Гвардиола "Челси" ярим ҳимоячиси Эден Азар хизматларига қизиқиш билдирмоқда. • • • Маълумотларга кўра, белгиялик футболчининг вакиллари немис гранди билан музокаралар ўтказган. Ушбу трансфер амалга ошишига икки омил тўсқинлик қилиши мумкин: бири Жозе Моуриньо Азар билан хайрлашмоқчи эмас, иккинчиси эса унинг трансфер баҳси жуда катта. Олдинроқ Моуриньо Азарнинг ҳар бир оёғи 100 млн. евро туришини айтган.

Клозе: "Чемпионлар лигасига йўлланмани қўлга киритиш "Лацио" учун катта воқеа бўлади" "Лацио" ҳужумчиси Мирослав Клозе ўз жамоасининг Чемпионлар лигаси иштирокчисига айланиши клуб учун катта байрам эканини таъкидлади. • • • "Чемпионлар лигасига йўлланмани қўлга киритиш "Лацио" мухлислари ва клубда ишлайдиган ҳар бир инсон учун катта воқеа бўлади. Биз учун бунданда муҳим нарса йўқ. Футболда ўтган йилларим давомида ушбу турнирда Европанинг кучли клублари билан ўйнаб, футболдан роҳатланганман" - дейди Клозе. Италия чемпионати турнир жадвали билан қуйидаги ҳавола орқали танишиб олишингиз мумкин.

Моуриньо: "Реал" ва "Барселона" Премьер-лигада ҳукмронлик қила олмаган бўлар эди" "Челси" бош мураббийи Жозе Моуриньо "Реал"даги ишлаган пайтлари ҳақида сўзлаб берди. • • • "Мен Испанияда ишлаганман, аммо бундан роҳатланганим йўқ, чунки 100 очко ва 121та гол билан Испания чемпионатида ғалаба қозонган эдим. "Реал" мавсумда 3 ёки 4 учрашувда ростакамига футбол ўйнар эди. Мен 92 очко билан мамлакат совринини қўлга киритдим, аммо яна 4 ёки 5 учрашувда футбол ўйнадик. У ерда чемпионатда ғалаба қозонишга мажбурсан. "Реал" ёки "Барселона" Премьер-лигада ғалаба қозона олган бўлармиди? Балки ҳа, балки йўқ" - дейди Моуриньо.

Давид Сильванинг жароҳати у қадар жиддий бўлиб чиқмади «Манчестер Сити» ярим ҳимоячиси Давид Сильва АПЛ 33-турида «Вест Хэм»га қарши ўйинда (2:0) олган жароҳати у қадар жиддий эмас экан. • • • «Барчага раҳмат. Тиббий кўрик яхши ўтди, ўз уйимга қайтдим Уч очко қўлга киритдик, бу энг муҳими», – деб ёзади Сильва твиттердаги ўз саҳифасида. Эслатиб ўтамиз, Испания терма жамоаси аъзоси рақиб футболчиси Шейху Куяте билан тўқнашув вақтида юзидан жароҳат олганди.

Рибери "Порту"га қарши ўйинда "Бавария"га ёрдам бера олмаслиги мумкин "Бавария" бош мураббийи Хосеп Гвардиола "Порту"га қарши Чемпионлар лигаси чорак фина л жавоб учрашувида ярим ҳимоячи Франк Риберини майдонга тушира олмаслиги мумкин. • • • Айни дамда футболчи индивидуал программа бўйича ишламоқда. Олдинроқ мюнхенликлар ярим ҳимоячиси Бастиан Швайнштайгер ҳам машғулотларда тўлиқ кучи билан иштирок этмаётгани хабар қилинган эди. Жавоб учрашуви 21 апрелда "Альянс арена"да бўлиб ўтади.

"Барселона" Дани Алвесга йилига 9 млн. евролик маош таклиф қилиши мумкин "Барселона" раҳбарияти ҳимоячи Дани Алвесни жамоада олиб қолиш учун бор кучини ишга солмоқда. • • • Хабарларга кўра, Каталония клуби президенти музокара ўтказиш учун Дани Алвес билан учрашди. Аммо учрашувда футболчининг агенти Динора Санта Ана иштирок этгани йўқ. "Барселона" Алвесга янги шартнома ва йилига 9 млн. евро таклиф қилиши мумкин. Олдинроқ испан гранди унга 5 млн. евродан кўпроқ таклиф қилаётган эди.

Неймарнинг отаси: "Ўғлим ва Луис Энрике ярашиб олишди" "Барселона" бош мураббийи Луис Энрике ва ҳужумчи Неймар орасида муаммо йўқ. • • • Бу ҳақда Бразилия терма жамоаси футболчисининг отаси маълум қилди. "Улар ўзаро гаплашиб олишди ва ҳаммаси тинчлик билан тугади. Неймар ҳали ёш, ўрганишда давом этяпти ва келажакда буларнинг бари унга дарса бўлади" - дейди футболчининг отаси. Неймар "Севилья"га қарши учрашувнинг 74 дақиқасида алмаштирилгани учун бош мураббий Луис Энрикедан норози бўлган эди.

Ўзбекистон U-19 терма жамоаси Арманистон билан иккита ўртоқлик учрашуви ўтказади Жасур Абдураимов бошчилигидаги 19 ёшгача бўлган футболчилардан ташкил топган Ўзбекистон терма жамоаси Арманистон билан иккита ўртоқлик учрашуви ўтказишга келишиб олди. • • • Ўзбекистон U-19 терма жамоаси Арманистонга 25 апрель куни етиб боради. 26 апрель куни маҳаллий вақт билан 17:00да Ўзбекистон U19 - Арманистон U19 ўртасидаги дастлабки ўртоқлик учрашуви бўлиб ўтади. Иккинчи учрашув эса 28 апрель, 17:00да ўтказилиши режалаштирилган.