Keltiraman sôra ne kerak,
Yerdami yo osmonu falak.
Bajaraman ne bõlsa tilak,
Faqat uni sõrama yurak.
Tomchi qilay butun daryoni,
Aĝdar-tõntar qilay dunyoni.
Tundan paydo qilay ziyoni,
Faqat uni sõrama yurak.
Uning qalbi orzularga boy,
Berolmaydi sening uchun joy.
Kerakmi ayt osmondagi oy?
Faqat uni sõrama, sõrama yurak. .
Ўзим билан
Азобларга бўлолмас малҳам,
Малол келар хатто севги ҳам.
Дунё асли бўлса бири кам,
Ўзим билан қолгим келади.
Қисмат,мунча қўйнинг тўла ўқ,
Нишондаман,кўнглинг бўлсин тўқ.
Дунё билан энди ишим йўқ,
Ўзим билан қолгим келади.
Йўлга қараб кўзларим толди,
Ҳар бир шарпа нигоҳим олди.
Хаёлларим ҳувиллаб қолди,
Ўзим билан қолгим келади.
Мен истаган,мен кутган дамлар,
Юрагимга солди кўп ғамлар.
Хатто сиздан бездим,одамлар,
Ўзим билан қолгим келади.
Кўп дамларни бериб гуноҳга,
Виждонимни қўйдим гувоҳга.
Ёлворганча энди Аллоҳга,
Ўзим билан қолгим келади.