არიან ქალები-უდაბნოები,
ისინი უნდა გადალახო და დატბორო.
არიან ქალები-ჭაობები,
ისინი უნდა ამოაშრო.
არიან ქალები-ლარნაკები,
ისინი წინ უნდა დაიდგა და ათვალიერო,
ხოლო შიგ ჩააწყო შენგან დაკრეფილი ყვავილები,
რომლებიც მალე გაგიხმება და გადაყრი მერე!
არიან ქალები-ტოლჩები,
რომლებიდანაც ვნების წყალი უნდა დალიო,
არიან ქალები-ყრუ კედლები,
მათ უნდა გვერდი აუქციო.
არიან ქალები-ხელსახოცები,
ისინი თუკი ერთხელ მაინც გამოიყენეს,
მერე არავის არაფერში არა სჭირდება.
არიან ქალები-გუშინდელი გაზეთები,
მათ არავინ აღარ კითხულობს.
არიან ქალები-ფორმულები,
მათ ძუძუებს დაავიწყდათ
მამაკაცების ტუჩების ელდა.
არიან ქალები-მყუდრო ოთახები,
შეგიძლია შიგ შეხვიდე და მოისვენო.
არიან ქალები-ნიაღვრები,
რომლებიც აქეთ წალეკვა