🌎🌐КОШОНАИ ШАХЛО🔰🔰🌹

Асосгузори сулҳу ваҳдати миллӣ, Пешвои миллат Эмомалӣ Раҳмон Зодруз Муборак Шоҳам 🤝🤗 Эй Ҷаноби Олӣ ҷашни зодрӯз муборак, Ин рӯзи хуҷаставу дилафрӯз муборак. Муборак зодрӯзат бошад, Ҷаноб, Ситора бар сарат гул пошад эй Ҷаноб. Ҳамеша шодмону хушнаво бош, Барои мо Тоҷикон обу ҳаво бош. Бихоҳем сарбаландӣ байни ёрон, Ба умри сад ба мо ҳамчун даво бош.

Назира Атабекова КИССАИ ПАНДОМЕЗ!!! Як зан қисса мекунад: Вақте, ки фаҳмидам шавҳарам дар Facebook ҳамроҳи як духтар чат мекард духтар номашро (Парвонаи тиллоӣ) мондаст. Паёмҳояшро дона ба дона чек кардам, дидам ки бо ҳам гапҳои ошиқона гуфтан ва ваъдаҳои арусиҳам кардан. Шавҳарам ҳам номи худро (Бачаи ҷаҳондида) монда буд. Як фикр кардам, ки бояд аз ӯ интиқом бигирам. Рафтам барои худам як Facebook бо номи писар кушодам. Дар профилам матнҳои тарснокро пост кардам. Ва баъд як паём ҳам ба шавҳарам равон кардам, ки ин духтаре ки номаш Парвонаи Тилоӣ аст зани ман аст ва ман дар мавриди ту ҳама чизро медонам. Номи аслияшро ва номи модар, хоҳар, падар, бародар, куҷо зиндагӣ мекунад, дар куҷо кор мекунад барояш гуфтам. Ва барояш гуфтам Ба Худо қасам агар як дафъаи дигар дар фейсбук дидамат гарданатро аз сарат ҷудо мекунам. Хулоса рӯзи баъд дидам сураташ сурху зард аз хона берун намерафт, Facebook, WhatsApp, Viber, Telegram ҳамаашонро ҳазф кард ва як телефони одди харид. Ва ҳар мавқеъ вақти намозҳоро аз ман мепурсид, ҳамин тавр ҳам намозхон шуд. Истирохати хубе дошта бошем!👌😉

Ба мо менависанд. Анонимно Ассалому алейкум. Духтарам 27-сола аст, аммо на кор кардан мехоҳаду на шавҳар кардан. Ҳол он ки ман бо ҳазор заҳмату зӯрӣ ӯро дар коллеҷи тиббӣ хонондам. Бе шавҳар, бо сад азобу хуни дил, ӯро соҳиби ҳунар карда, калон кардам.Аммо ҳоло намедонам дигар чӣ кор кунам. Тамоми рӯз дар хона нишаста, танҳо бо телефон машғул аст. На ба кори хона ёрӣ медиҳад ва на ба ояндаи худ шавқ дорад. Ҳар бор, ки дар бораи кору оиладорӣ гап мекушоям, ҷанҷол сар мешавад. Ман хеле хаста шудам ва намедонам, ки чӣ тавр ӯро ба роҳи дуруст ҳидоят кунам. Оё касе дар чунин вазъият будааст? Илтимос, маслиҳат диҳед.

Садбарг Бокиева Барои онҳое,ки молу сарват масташон месозад ва зани якумро бо фарзандон партофта, зани ҷавонтар мегиранд,дар пирӣ!.Ба иззати нафси касе расиданӣ нестам.Аммо факт,факт аст.Занеро хуб медонам,ки шавҳараш зани ҷавон гирифт.Зеро хеле сарватманд буд.Гарчанде барои зани аввалу фарзандонаш чанд хона харида дод,ки ягон даъво накунанд. Кумакашон мекард. Вале сахт азоби руҳӣ кашид,ин зан. Хуллас он мард ҳоло бемори вазнин ҳаст. Хотираашро фаромуш кардааст. Аввал дар ҳавлии худаш зани ҷавонаш гӯё " нигоҳубинаш" мекардааст. Вале рафиқони хубу шогирдони хуби одамият доштааш,ҳолати вазнинашро,бенигоҳубин монданашро дида,назди зани аввала омада,хоҳиш мекунанд,беморро ба хонааш оварда парасторӣ кунанд,бо фарзандон. Инро шунида,зани ҷавон мағал мекунад,ки ин мардро ки бурдед,дигар кумаки барояш хабаргирҳо омадаро онҷо мебаранд.Неъ,намемонам баред беморро.Рафиқонаш,ки мардони асиланд,мегуянд мо то 18 солагии кӯдаконат кумак мекунему беморро диҳед,ки вазъаш вазнин аз бе нигоҳубинӣ.Хуллас марди бемори бечораро ,ки моҳҳои зиёд бистарӣ буду аз ҷояш намеҷунбид, оварданд,зану фарзандони аввала боэҳтиёт баъди моҳҳои ношуста будан,оббозӣ доронда,либосҳои тоза харида,хӯрок дода, хуб парасторӣ доранд.Рафиқонаш низ доимо духтур мефиристанду кумак мекунанд. Офарин ба чунин шогирдону рафиқони намакпосдор,ва ба зани аввала низ,ки сабур асту вафодор, дигар шавҳар накарда,истоду ҳоло парастори шавҳар! Мақсад Худованд аз чунон занҳои тамаъҷу ва бетавфиқ паноҳ диҳад!

Гулчехра Хомидова НАФРАТ #Қиссаи пур аз дарду фоҷеа Ман ба хонадоне келин шудам, ки хонаамон дар канори роҳи калон ҷойгир буд. Аз ҳамин сабаб, хешу таборони маҳаллаҳои дарунтар, вақте мехостанд барои коре ба шаҳр раванд, велосипедҳояшонро дар хонаи мо гузошта мерафтанд. Акаи шавҳарам соли гузашта мошини нав хариданду дар самти шаҳр ба таксиронӣ оғоз карданд. Мошинашон дар хонаи мо меистод, чунки кӯчаи хонаи худашон танг буд ва мошин даромада наметавонист. Он кас аз шаҳр барои мо ҳар гуна шириниҳо меоварданд. Хушдоманам хеле хурсанд буданд, ки лоақал писарашон бо ҳамин роҳ оилаашро таъмин мекунад... Мо бо шавҳарам,баъди 8 сол соҳиби фарзанд шудем. Бо шавҳарам ҷое намонд, ки нарафта бошем, духтуре намонд, ки ба наздаш нарафта бошем. Аз сабаби муҳаббати сахте, ки ба якдигар доштем, ҳатто хаёли ҷудошавиро ба сар намеовардем. Дар намозҳоямон пайваста илтиҷову зора мекардем. Баъди ҳашт сол писардор шудем. Кӯдакро бо роҳи ҷарроҳӣ ба дунё оварданд. Баъд аз он духтурон гуфтанд, ки ман дигар ҳеҷ гоҳ соҳиби фарзанд шуда наметавонам. Дар канори дарвоза хонаи дуҳуҷрагии хушдоманам буд. Писарчаамро дар он ҷо ба гаҳвора бастаму худам барои кор ба саҳро рафтам. Хушдоманам соати 6-и бегоҳ писарамро аз гаҳвора кушода гирифтаанд. Кӯдакам ним соат бозӣ кардаасту баъд боз дар оғӯши хушдоманам хоб рафтааст. Баъди се соати кори саҳро ба хона омадам, ки доду фарёд асту ҳамсояҳо ҷамъ шудаанд. Ҳайрон шуда аз янгаам (зани акаи шавҳарам) пурсидам: — Янга, чӣ шуд? Тинҷӣ аст? Янгаам гирякунон гуфт: — Хоҳарҷон, ҷон хоҳар, акаатро бубахш! Қасдан накардаанд-ку! Охир, ин як фалокат буд... — Эҳ, янга, чӣ шуд? Чаро ин тавр мегӯед? Кани акаам?... Тинҷӣ аст?... — Акаат, бибиат ва ҳама писаратро бардошта ба беморхона рафтанд. Ба ман занг заданд. — Чӣ шуд, бибиам бемор шуданд? — НЕ... писарат бозикунон зери мошин даромада будааст, акаат пай набурда мошинро ба ҳаракат овардааст... — Вай, чӣ... Вай, чаро... Вой, дод!... Вой дод... вой бачам... Вой, бачаҷонамммм... Дар ҳамин асно аз беморхона кӯдакамро ба матои сафед печонда бардошта оварданд. — Вой доддддд, вой бачаҷонамммм, Ба ҳазор азоб ёфтагиямм, нури дидаву тоҷи сараммм, вой додддддд, Бачаҷонамммм.. Солҳои дароз интизоршудаагиямм Кош ба ҷои ту ман мемурдам.. Бибиҷон, чӣ кор кардед, ман акнун бе кӯдакам чӣ кор мекунам... Ба шумо бовар карда гузошта рафта будамууу, чаро аз гаҳвора... кушодедддд, Вой дод... Бачаҷонаммммм! Баргардонед бачаамроооо... Акаҷон, маро зинда ба гӯр кардед-ку... чаро пай набурдед... Чарооо... Вой, бачаҷонамммм... Ҷон бачаам.. Ба ҳазор азоб ёфтааммм.. Нури дидаву тоҷи сараммм.. Баргардонед бачаамрооо.. Мешнавед... Баргардонед бачаҷонамрооо... Шумо-чӣ... шумо... шумо куҷо будед... ааа..., чаро хомӯш истодаед... Падар будед-ку, бачаамро ёфта диҳед.... Вой дод, бачаҷонам! Баргардонед бачаамро.. Бачаам! Бачаи маро баргардонед, вой дод, бачаамро баргардонед, баргардонедддд Бачаҷонамммм. Бачаам, ҷон бачаам, бачаҷонам. Мӯйҳоямро канда, худамро ба замин мезадаму дод мекашидам, ки аз ҳуш рафтам. Ҳатто кӯдакамро ба ман нишон надода, бурда гӯрониданд. Аз акаам, ки ин қадар узр мепурсид, ҳеҷ гап шунидан нахостам ва ӯро набахшидам. Ман аз онҳо, ман аз ҳама НАФРАТ дорам! Хостам ба ҷони худ қасд кунам. Ман бахшида наметавонам, аз фарзанде, ки бо ҳазор орзу баъди 8 сол ёфта будам, дар як сония маҳрум шудам. Шавҳарам ба корманди милитсия ариза навишта дод, ки нисбати акааш ҳеҷ даъвое надорад. Акаам мошинашро фурӯхта рафт. Дигар ба хонаи мо наомад. Хушдоманам худро айбдор ҳис карда, фишорашон баланд шуду ба бистари беморӣ афтиданд. Маро бошад, дар беморхонаи руҳӣ табобат карданд. Дигар барои ман мақсади зиндагӣ намонда буд. Вақте фарзанд набошад, муҳаббати байни зану шавҳар ҳам намешудааст. Аз шавҳарам ҷудо шудам. Шавҳарам оиладор шуд. Соле нагузашта соҳиби фарзанд шуданд. Аз шунидани ин хабар дар дилам дарди сахти сузандае пайдо шуд. Нафасам дар гулӯям печид..Пеши чашмонам сиёҳ шуданд... Имрӯз дар хоб писарчаамро дидам.. Дастчаҳои ширинашро дароз карда "Очаҷон" мегӯяд. Боз ман гаҳвора ҷунбонда, алла мегуфтам: Алла гӯям, ҷони бачаам, аллаё алла, Хоб рафта ором гир, бачаам-о, аллаё алла. Алла — роҳати ҷон аст-о, алла, Хоб — қуввати чашмон аст-о, алла. Бе ту ҷаҳон бароям танг аст-о, алла, Биё ба оғӯшам гирам-о, алла. Як пораи дили манӣ-о, алла, Бароят аллаҳо гӯям-о, алла, Туро тезтар калон кунам-о, аллааа... Рӯзи дигар тамоми маҳалла ба ҷанозаи ин ҷавонзан ҷамъ омаданд... Илоҳо, ҳеҷ касро ба доғи фарзанд накуш! Охирати рафтагон обод бошад.🤲 (Бойгони аз интернет) Панд аз ман; ..☝️Сабр — сипари рӯҳ ва чароғи зулматрасест, ки инсонро дар сахттарин ва ториктарин шабҳои фалокат аз афтидан ба чоҳи бетаҳи ноумедӣ нигоҳ медорад. Зиндагӣ пур аз озмоишҳо ва фалокатҳои ногаҳонист, ки баъзан тоқати инсонро мебаранд ва дилро ба алангаи нафрат ва доғ мепечонанд. Аммо, нафрат ва қасди ҷони худ кардан ҳеҷ гоҳ аламро кам намекунад ва рафтаро барнамегардонад, балки танҳо азоби рӯҳро афзун месозад. Сабр танҳо хомӯш истодан нест, балки нигоҳ доштани дил аз коҳиш ва умед ба раҳмати Илоҳӣ дар авҷи дард аст. Бахшиш дигаронро аз айб озод намекунад, балки рӯҳи худи инсонро аз занҷири нафрат ва сӯзиши дарун озод месозад. Он чӣ рух медиҳад, баъзан берун аз ирода ва хоҳиши мост. Пешгирии фалокат одатан аз дасти банда берун аст ва таслим ба хости Ҳақ танҳо пуштибони дилҳои шикаста мебошад. Замин сабр мекунад, то хазон ба баҳор табдил ёбад. Инсон низ бо сабр ва дуо метавонад таскини дил ва оромии рӯҳро пайдо кунад. Хонаи охирати ин модари доғдида обод ва ..🤲Илоҳо дили ҳеҷ бандае ба доғи фарзанд насӯзад..🤲 @Sultoni_Modaron👑

Апаи Шаҳло савол дорум Чаро аксарияти духтарҳо Мардҳои зандоррро интихоб мекунанд Писарҳое ки мехоҳанд, зан гиранд, намеёбанд? Бо эхтиром Х.Х.

Ба мо менависанд. Салом ба хама Чаро ҳама одамон одат кардаанд, ки дигаронро бидуни андеша маҳкум кунанд? Мегӯянд: ин майхора аст, ин беодоб аст,ин зани беиффат аст, он дигаре ҳатто саломро алейк нагирифт. Охир, нафахмида чи тавр хукм мебароред?Шояд он мард аз сӯзи алам ва аз даст додани азизи дилаш ба май паноҳ бурда бошад; он ҷавон шояд аз дарду мушкили саломатӣ натавониста бошад аз ҷой хезаду ба касе чой дихад,он зан шояд шабҳо косашӯӣ мекунад, то кӯдакашро аз гуруснагӣ наҷот диҳад; ва он касе, ки алейк нагуфт, шояд аслан қудрати гӯёӣ надорад ва гунг аст. Биёед дигаронро ҳукм накунем, то худи мо низ мавриди ҳукм ва мухокимаи дигарон қарор нагирем. Бо эхтиром хонандаи шумо Аслиямох

Аҷоибулмаҳлуқот ё таҳдид ба тарбияи насли наврас Дуруд азизон.Умедворам ,ки хама хубед. Имрӯзҳо дар шабакаҳои иҷтимоӣ паҳн шудани чунин сурудҳову рэпҳои беодобона, ки пур аз суханони қабеҳ, кӯчагӣ ва фаҳш ҳастанд, ба равоншиносӣ ва тарбияи ахлоқии насли наврас таҳдиди ҷиддӣ дорад. Мутаассифона, рӯзҳои охир дар шабакаҳои иҷтимоӣ (TikTok, Instagram, YouTube) шоҳиди паҳн шудани рэпҳо ва сурудҳое ҳастем, ки аз доираи одобу ахлоқи инсонӣ тамоман берунанд. Оҳангҳову сурудаҳои пуч, бемаънӣ ва пур аз ибораҳои фаҳшу дағал, ба мисли ту кӯлӣ, собун-шампун ва дигар суханони гӯшхарош,ки завқи бадеии ҷавононро хароб мекунанд. Ин гуна иҷроишҳоро ҳатто санъат номидан хатост, ин танҳо бефарҳангӣ ва кӯшиши ҷалби диққат аз ҳисоби беодобист.Насли наврас зуд таъсирпазир аст. Вақте онҳо ҳар рӯз ин гуна суханони қабеҳро мешунаванд, онро ҳамчун шиор ва чизи аҷибу ҷолиб қабул мекунанд ва дар муоширати ҳаррӯзаашон истифода мебаранд.Суруде, ки бояд ба кас оромӣ, меҳр ва андеша диҳад, имрӯз ба воситаи паҳн кардани беҳуриматӣ ва ҳақорат мубаддал шудааст.Хомӯш истодан дар баробари ин бефарҳангӣ заминаро барои бештар паҳн шудани он мусоид мекунад.Волидон бояд ҳушёр бошанд, ки фарзандонашон дар шабакаҳои иҷтимоӣ чиро тамошо мекунанд ва чӣ мешунаванд.Шабакаҳои иҷтимоиро аз чунин контентҳои зараровар тавассути тугмаи шикоят (report) ва нанавиштани шарҳҳои ташвиқкунанда бояд пок кард.: Ба ҷои дастгирии ин гуна маҳлуқоти фазои виртуали бояд сурудҳо ва мусиқиҳои дорои мазмуни баланд, маърифатӣ ва тарбиявиро бештар паҳн кунем.​Биёед, нисбат ба ояндаи фарзандони худ ва фарҳанги миллии хеш бетараф набошем. Санъати асилро аз бефазолатии кучаги фарқ кунем ва насли наврасро дар руҳияи эҳтиром ва одоби баланд тарбия намоем. Шахлои Начмиддин

Гулчехра Хомидова ҒАМУ БАРДОШТ АЗ РӮИ МАКТУБ: «ИН ЧӢ СИРРУ АСРОР АСТ?!» (Хотима) Аммо мо рост ба болои ҷаноза расидаем, апаҷон... Язнаам ҳамон рӯз вафот карда будааст. Шавҳари як хоҳар бемории руҳӣ, зани ака ҳамчунин... Боз аҳволи ин апааи беваи шавҳармурдаро дида, ки дод зада, мӯйҳояшро меканд, Руслан акаам тоқат карда натавонист. Тахта барин рост шах шуд ва аз ҳуш рафт. Акаамро фавран ба беморхона бурданд. Маросими ҷумъагии язнаамро гузаронида, ба беморхона рафтем. Табибе, ки акаамро табобат мекард, моро ба хонааш фарёд кард ва бо нигоҳи аҷибе ба мо назар андохта, гуфт: — Беморро бояд ба шифохонаи бемориҳои рӯҳӣ гузаронем. Аломатҳои бемории рӯҳиашон рӯз то рӯз шиддат гирифта истодаанд... —Чӣ?! Ин чи мусибати дигаре,ки дар сари мо буд?! Кадом бемории рӯҳӣ?! Дигар ба гапҳои духтур гӯш надода, сӯи ҳуҷрае, ки Руслан акаам хобида буд, давидам. Чун даромадам... Апаҷон... Кошки он вақт дод мезадаму дунё месӯхт... Руслан акаам бо чашмони бемаъно ба шифт чашм дӯхта, рӯзномаи дар дасташ бударо майда-майда карда медарид. — Ака! Акаҷон?! Ба наздаш рафта, бо овози баланд фарёд задам. Акаам маро нашинохт. Ҳатто ба ман нанигарист,ҳам. Ҳамин тавр, Русланакаам якбора девона шуда монд. Падарам ин ғамро бардошта натавониста, баъди бист рӯз аз дунё гузаштанд. Ҳатто модарам, ки дар баробари сахтиҳои зиндагӣ бисёр тоқатфарсо ва пурсабр шуда буданд, аз бисёр омадани ғамҳо дигар тоқат накарда, оҳу фиғон кашиданд:«Шумо сутуни умед ва пуштибони ман будед... Маро дар миёни ин ҳама ғаму дардҳо танҳову бекас гузошта куҷо рафтед? Магар маро чунин сахтҷон дидед, ки ҳамаи ин бардошти сангинро бар дӯши ман ниҳодед?!» — гӯён мегиристиданд, модари зорам. Мо бо тамоми ҳастиамон дар Русия кор карда, ҳар он чизе, ки бо пул харидан мумкин буд, харидем. Рӯзгори Русланакаамро низ худамон пеш бурда, ҳама чизро муҳайё сохтем, ки камбудие надошта бошанд. Як сол пеш Русланакаам аз дунё гузаштанд. Акаи ҷонамро дида, аз таҳи дил сухта-сӯхта гиристам. Либосҳояшон чирку кӯҳна шуда, худашон бепарстор ва хору зору партофта монда буданд. Охир мо ба янгаамон моҳ ба моҳ сесад-чорсад долларӣ пул мефиристодем. Магар ин ҳама барои акаам набуд?! Ҳатто мурдашӯй низ гуфт: «Майит каме хору бесоҳиб мондааст...». Инак, духтарони акаи калониам ва апаам ба воя расидаанд. Хостгороне, ки меоянд, гапи «падару модараш бемории рӯҳӣ дорад»-ро шунида, пушт гардонда мераванд. Чанд вақт пеш аз забони мардум гапе шунидам. Як бибиотун дар бораи оилаи мо гуфтааст, ки гӯё ба мо париҳо пайванд шудаанд. Ба ҳамин хотир зебо будаамон, аммо бахт надоштаем... Пари бо инсон зиста наметавонистааст... Барои халос шудан аз ин кулфатҳо бояд дуохону парихонҳоро даъват карда, гӯсфанд кушем ва маросим гузаронем. Ман бошам ба ин гуна бидъатҳо бовар надорам. Охир, он чиро, ки аз ҷониби Худо меояд, банда дафъ карда метавонад?! П. С. ..☝️Ҳар он чиро, ки имрӯз дар даст доред, шукр гӯед ва қадри азизонатонро бидонед. Зиндагӣ ҳамеша пур аз пастиву баландиҳо ва имтиҳонҳои сангин аст. Ин мактуб шоҳиди он аст, ки чӣ тавр як оила метавонад дар баробари мушкилоту ғамҳои пайдарпай устувор бимонад. Дар лаҳзаҳои душвори ҳаёт роҳи наҷот танҳо умед ба Парвардигор, сабр ва дастгирии якдигар аст.Аз ҳар як рӯзи ором ва тани солим шукрона кунем, зеро бузургтарин боигарии мо оромии хонадон ва меҳри пайвандонамон аст.. Худо нигаҳбонатон бошад, хонандагони азизам.! @Султони_Модарон👑

Одами хубу сохибдил Равонат шод бод бародари гироми Шерафган Латипов Дуруд азизон.Даврахои дар ТВТ фаьолият карданам дар шуьбаи Ахбор бо наворбардор Баходури Истам зуд зуд барои репортаж омода кардан аз кори БДА и шахри Душанбе ба он чо рафта репортажу мусохибахо сабт мекардем. Он солхо акаи Шерафган Латипов масьули матбуоти дар БДА буданд. Як инсони замини ,хоксор ва софдилу бекина. Мутаасифона чунин инсонхои комилан дилашон соф хеле кам мондааст.Ба наздики дар мессенджер тасодуфан ба воситаи як дусти азиз бо акаи Шерафган (равонаш шод бод )баьди ин кадар солхо хамсухбат шудам. Хеле сухбат кардем.Аммо дируз калбаш аз дард сакта гирифта вафот кардааст. Бисер зик шудам.Равонаш шод бод.Ба хонаводааш сабр мехохам.Чояш Чаннати човидон бод.