Бою 2 метр 36 сантиметр болгон Жеңишбек Райымбаевге президент Алмазбек Атамбаев жардам көрсөттү. Бул тууралуу 28-майда президенттин маалымат кызматы билдирди.
Маалым болгондой, Атамбаев кол койгон жарлыкка ылайык, кошумча социалдык колдоо көрсөтүү максатында Жеңишбекке ай сайын 10 000 (он миң) сом өлчөмүндөгү президенттин өмүр бою төлөнүүчү стипендиясы белгиленди. Стипендия 2015-жылдын 1-майынан тартып берилет. Ошондой эле мамлекет башчынын буйругу менен президенттин социалдык коргоо жана колдоо фондунан анын дарылануусуна материалдык жардам катары 100 000 сом бөлүндү.
Айта кетсек, Жеңишбек кант диабети жана бөйрөк оорусу менен ооруп келет. Анын айынан 4-5 ай мурун ордунан тура албай калган жана бир бутун кестирген.
Комментарии 6